ಮೈಸೂರು,ಜ.21- ಜಿಲ್ಲೆಯಲ್ಲಿ ನಿನ್ನೆ 1,352 ಜನರಲ್ಲಿ ಸೋಂಕು ಕಾಣಿಸಿಕೊಂಡಿದ್ದು, ಸೋಂಕಿನಿಂದ ಐದು ಮಂದಿ ಸಾವನ್ನಪ್ಪಿದ್ದಾರೆ.ಜಿಲ್ಲೆಯಲ್ಲಿ ನಿನ್ನೆ 8,880 ಜನರಿಗೆ ಕೋವಿಡ್ ಪರೀಕ್ಷೆ ನಡೆಸಿದ್ದು, ಇದರಲ್ಲಿ ಮೈಸೂರು ನಗರದ 1,011, ನಂಜನಗೂಡು ತಾಲೂಕಿನ 89, ಮೈಸೂರು ತಾಲೂಕಿನ 78, ಹುಣಸೂರು 56, ಹೆಚ್.ಡಿ.ಕೋಟೆ 38, ಪಿರಿಯಾಪಟ್ಟಣ 25, ಕೆ.ಆರ್.ನಗರ 20, ತಿ.ನರಸೀಪುರ 17, ಸಾಲಿಗ್ರಾಮ 13 ಹಾಗೂ ಸರಗೂರು ತಾಲೂಕಿನ 5 ಜನರಲ್ಲಿ ಸೋಂಕು ದೃಢಪಟ್ಟಿದೆ.
1,352 ಪಾಸಿಟಿವ್ ಪ್ರಕರಣಗಳಲ್ಲಿ 17 ವರ್ಷದೊಳಗಿನ 112, ಮಕ್ಕಳಿದ್ದಾರೆ. ಇದರಲ್ಲಿ ಮೈಸೂರು ನಗರದ 76, ಹುಣಸೂರು, ಮೈಸೂರು ತಾಲೂಕಿನ ತಲಾ 10, ನಂಜನಗೂಡಿನ 9, ಪಿರಿಯಾಪಟ್ಟಣದ 4, ಹೆಚ್.ಡಿ.ಕೋಟೆಯ 3 ಮಕ್ಕಳಿದ್ದಾರೆ. 11 ವರ್ಷ ಮೇಲ್ಪಟ್ಟ ಮಕ್ಕಳಲ್ಲೇ ಹೆಚ್ಚು ಸೋಂಕು ಕಾಣಿಸಿಕೊಳ್ಳುತ್ತಿದೆ.
ಮೈಸೂರಿನ ಆಸ್ಪತ್ರೆಗಳಲ್ಲಿದ್ದ ರಾಮನಗರದ 27 ವರ್ಷದ ಮಹಿಳೆ ಜ.17 ರಂದು, ಮೈಸೂರು ತಾಲೂಕಿನ 43 ಹಾಗೂ 70 ವರ್ಷದ ಇಬ್ಬರು ವೃದ್ಧೆಯರು ಜ.19ರಂದು ಹಾಗೂ ಮಂಡ್ಯದ 72 ವರ್ಷದ ವೃದ್ಧಜ.20ರಂದು ಮೃತಪಟ್ಟಿದ್ದಾಗಿ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.
ಒಟ್ಟಾರೆ ಜಿಲ್ಲೆಯಲ್ಲಿ ಕೊರೊನಾ ಪಾಸಿಟಿವ್ ಪ್ರಕರಣಗಳ ಸಂಖ್ಯೆ 1,93,155ಕ್ಕೆ ಏರಿಕೆಯಾಗಿದ್ದು, ಗುಣಮುಖರಾಗಿ ಡಿಸ್ಚಾರ್ಜ್ ಆದ 836 ಮಂದಿ ಸೇರಿ ಈವರೆಗೆ ಒಟ್ಟು 1,81,100 ಸೋಂಕಿತರು ಗುಣಮುಖರಾಗಿದ್ದಾರೆ. ಇನ್ನು 9,608 ಸಕ್ರಿಯ ಪ್ರಕರಣಗಳಿವೆ.
