ಆಟೋ ಚಾಲಕನ ಭೀಕರ ಕೊಲೆ

ಬೆಂಗಳೂರು, ಜೂ.2- ಆಟೋ ಚಾಲಕರೊಬ್ಬರನ್ನು ಆತನ ಸಂಬಂಧಿಯೇ ಮಚ್ಚಿನಿಂದ ಹೊಡೆದು ಭೀಕರವಾಗಿ ಕೊಲೆ ಮಾಡಿರುವ ಘಟನೆ ಕೆಂಗೇರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ರಾತ್ರಿ ನಡೆದಿದೆ.

ಕೆಂಗೇರಿಯ ಗಾಂಧಿ ನಗರದ ನಿವಾಸಿ ನವೀನ್ (25) ಕೊಲೆಯಾದ ಆಟೋ ಚಾಲಕ. ರಾತ್ರಿ 9 ಗಂಟೆ ಸುಮಾರಿನಲ್ಲಿ ಕೆಂಗೇರಿ ಉಪನಗರದ ಹೊಯ್ಸಳ ಸರ್ಕಲ್ ಬಳಿಯ ಹ್ಯಾಪಿ ಡೇ ಬಾರ್ಗೆ ಹೋಗಿದ್ದ ನವೀನ ಮದ್ಯಸೇವಿಸಿ ಹೊರಬರುತ್ತಿದ್ದಂತೆ ಅಲ್ಲೇ ತನ್ನ ಇಬ್ಬರು ಸಹಚರರ ಜೊತೆ ಕಾದುನಿಂತಿದ್ದ ಸಂಬಂಧಿ ಕುಮಾರ್(36) ಎಂಬಾತ ಏಕಾಏಕಿ ನವೀನ್ ಮೇಲೆ ಮಚ್ಚಿನಿಂದ ತಲೆಗೆ ಹೊಡೆದಿದ್ದಾನೆ.

ನವೀನ್ ತಪ್ಪಿಸಿಕೊಳ್ಳಲು ಯತ್ನಿಸಿದನಾದರೂ ಸಾಧ್ಯವಾಗಿಲ್ಲ. ಮತ್ತೆ ಆತನ ದೇಹದ ವಿವಿಧ ಕಡೆ ಹಲ್ಲೆ ನಡೆಸಿದ್ದರಿಂದ ಗಂಭೀರ ಗಾಯಗೊಂಡು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಬಿಜೆಪಿ ಜನಪರ ಯೋಜನೆಗಳ ಮುಂದುವರಿಕೆ: ಸಚಿವ ಖರ್ಗೆ

ಹಲ್ಲೆಯ ಸಂದರ್ಭದಲ್ಲಿ ಕುಮಾರ್ ಎಡಗಾಲಿಗೂ ಗಾಯವಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಈತನ ಜೊತೆಯಲ್ಲಿದ್ದ ಇನ್ನಿಬ್ಬರು ಸಹಚರರು ಸ್ಥಳದಿಂದ ಪರಾರಿಯಾಗಿದ್ದಾರೆ.

ಸುದ್ದಿ ತಿಳಿದು ಕೆಂಗೇರಿ ಠಾಣೆ ಪೊಲೀಸರು, ಎಫ್ಎಸ್ಎಲ್ ತಂಡದ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿದ್ದಾರೆ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು, ಪರಾರಿಯಾಗಿರುವ ಇನ್ನಿಬ್ಬರಿಗಾಗಿ ಶೋಧ ಮುಂದುವರೆಸಿದ್ದಾರೆ.

Bengaluru, #autodriver, #murder,