ನವದೆಹಲಿ,ಮಾ.7- ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುವ ಸೆಲೆಬ್ರಿಟಿಗಳು ಹಾಗೂ ಪ್ರಭಾವಿ ವ್ಯಕ್ತಿಗಳಿಗಾಗಿ ಕೇಂದ್ರ ಸರ್ಕಾರ ಹೊಸ ಮಾರ್ಗಸೂಚಿ ಬಿಡುಗಡೆ ಮಾಡಿದೆ.
ಸೆಲೆಬ್ರಿಟಿಗಳು ಯಾವುದೆ ಉತ್ಪನ್ನ ಅಥವಾ ಸೇವೆಗಳನ್ನು ಅನುಮೋದಿಸುವಾಗ ಅವರು ಕಡ್ಡಾಯವಾಗಿ ಎಂಡೋರ್ಸ್‍ಮೆಂಟ್ಸ್ ನೋ-ಹೌ ಎಂಬ ಹೊಸ ಮಾರ್ಗಸೂಚಿಯನ್ನು ಅನುಸರಿಸಬೇಕು ಎಂದು ಕೇಂದ್ರ ಗ್ರಾಹಕ ವ್ಯವಹಾರಗಳ ಇಲಾಖೆ ಸ್ಪಷ್ಟವಾಗಿ ತಿಳಿಸಿದೆ.
ಗ್ರಾಹಕರೊಂದಿಗೆ ಪಾರದರ್ಶಕತೆ ಹಾಗೂ ದೃಢಿಕರಣ ಕಾಪಾಡಿಕೊಳ್ಳಬೇಕು, ಗ್ರಾಹಕ ಸಂರಕ್ಷಣಾ ಕಾಯಿದೆ ಮತ್ತು ಯಾವುದೇ ಸಂಬಂಧಿತ ನಿಯಮಗಳು ಅಥವಾ ಮಾರ್ಗಸೂಚಿಗಳಿಗೆ ಅನುಗುಣವಾಗಿರುವುದನ್ನು ಖಚಿತಪಡಿಸಿಕೊಳ್ಳಲು ಸರ್ಕಾರ ಬಯಸಿರುವುದರಿಂದ ಹೊಸ ಮಾರ್ಗಸೂಚಿ ರಚಿಸಲಾಗಿದೆ.
ಗೋಡೆ ಹಾರಿ ನೆರೆಮನೆಯಲ್ಲಿ ತಲೆಮರೆಸಿಕೊಂಡಿದ್ದ ಇಮ್ರಾನ್‍ ಖಾನ್
ಸರಳ, ಸ್ಪಷ್ಟ ಭಾಷೆಯಲ್ಲಿ ಅನುಮೋದನೆಗಳನ್ನು ಮಾಡಬೇಕು ಮತ್ತು ಜಾಹೀರಾತು, ಪ್ರಾಯೋಜಿತ, ಸಹಯೋಗ ಅಥವಾ ಪಾವತಿಸಿದ ಪ್ರಚಾರ ದಂತಹ ಪದಗಳನ್ನು ಬಳಸಬಹುದು ಎಂದು ಮಾರ್ಗಸೂಚಿಯಲ್ಲಿ ತಿಳಿಸಲಾಗಿದೆ.
ಹೋಳಿ ರಂಗಿನಿಂದ ಪಾರಾಗಲು ಮಸೀದಿಗೆ ಹೊದಿಕೆ
ವ್ಯಕ್ತಿಗಳು ಅವರು ವೈಯಕ್ತಿಕವಾಗಿ ಬಳಸದ ಅಥವಾ ಅನುಭವಿಸದ ಯಾವುದೇ ಉತ್ಪನ್ನ ಅಥವಾ ಸೇವೆಯನ್ನು ಅನುಮೋದಿಸಬಾರದು. ಜಾಹೀರಾತು, ಪ್ರಾಯೋಜಿತ, ಸಹಯೋಗ, ಅಥವಾ ಪಾಲುದಾರಿಕೆ ಯಂತಹ ಬಹಿರಂಗಪಡಿಸುವಿಕೆಗಳನ್ನು ಪಾವತಿಸಿದ ಅಥವಾ ವಿನಿಮಯ ಮಾಡಿಕೊಳ್ಳುವ ಬ್ರ್ಯಾಂಡ್ ಅನುಮೋದನೆಗಾಗಿ ಬಳಸಬಹುದು. ಆದಾಗ್ಯೂ, ಪದವನ್ನು ಹ್ಯಾಶ್‍ಟ್ಯಾಗ್ ಅಥವಾ ಶೀರ್ಷಿಕೆ ಪಠ್ಯದಲ್ಲಿ ಸೂಚಿಸಬೇಕು ಎಂದು ಸೂಚಿಸಲಾಗಿದೆ.
Centre, releases, guidelines, celebrities, social media, influencers,
