ಬೆಂಗಳೂರು,ಅ.1- ದೇಶದ ಪ್ರತಿಷ್ಟಿತ ವಾಣಿಜ್ಯ ಸಂಸ್ಥೆಗಳಲ್ಲೊಂದಾದ ಎಫ್‍ಕೆಸಿಸಿಐನ ಅಧ್ಯಕ್ಷರಾಗಿ ಬಿ.ವಿ.ಗೋಪಾಲರೆಡ್ಡಿ ಅವರು ಇಂದು ಅಧಿಕೃತವಾಗಿ ಅಧಿಕಾರ ಸ್ವೀಕರಿಸಿದರು. ಕಳೆದ ಎರಡು ವರ್ಷಗಳಿಂದ ಎಫ್‍ಕೆಸಿಸಿಐನ ಹಿರಿಯ ಸದಸ್ಯರಾಗಿರುವ ಅವರು ಹಲವಾರು ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸಿದ ಅನುಭವ ಹೊಂದಿದ್ದಾರೆ.
ಎಪಿಎಂಸಿ, ನಾಗರಿಕ ಕಲ್ಯಾಣ ಸಮಿತಿ, ರಾಜ್ಯ ತೆರಿಗೆ ಸಮಿತಿಯ ಉಪಾಧ್ಯಕ್ಷ ಎಪಿಎಂಸಿ ಸೆಸ್, ಜಿಎಸ್‍ಟಿ ಮತ್ತು ಆಹಾರಧಾನ್ಯಗಳ ಸಮಿತಿ ಸೇರಿದಂತೆ ಹಲವಾರು ಕ್ಷೇತ್ರಗಳಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದರು.
ಬಿ.ವಿ.ಗೋಪಾಲರೆಡ್ಡಿ ಅವರು ಕೇಂದ್ರ ಮತ್ತು ರಾಜ್ಯ ಸರ್ಕಾರದ ಪ್ರಮುಖರ ಜೊತೆ ಅತ್ಯಂತ ನಿಕಟ ಸಂಪರ್ಕವನ್ನು ಇಟ್ಟುಕೊಂಡಿದ್ದಾರೆ. ವ್ಯಾಪಾರ, ಕೇಂದ್ರ ಹಣಕಾಸು ಸಚಿವೆ ನಿರ್ಮಲ ಸೀತಾರಾಮನ್ ಅವರ ಒಡನಾಡಿಯೂ ಆಗಿದ್ದಾರೆ.
ಹೀಗಾಗಿಯೇ ಅವರ ಸೇವೆಯನ್ನು ಗುರುತಿಸಿ ಅತ್ಯಂತ ಪ್ರತಿಷ್ಠಿತ ಎಫ್‍ಕೆಸಿಸಿಐನ ಅಧ್ಯಕ್ಷರನ್ನಾಗಿ ನೇಮಕ ಮಾಡಲಾಗಿದೆ.
ಇದೇ ಸಂದರ್ಭದಲ್ಲಿ ಎಫ್‍ಕೆಸಿಸಿಐನ ಉಪಾಧ್ಯಕ್ಷರಾಗಿ ಎಂ.ಜಿ.ಬಾಲಕೃಷ್ಣ, ರಮೇಶ್‍ಚಂದ್ರಲಾಹೋಟ್ ಅವರು ಇಂದು ಅಕಾರ ಸ್ವೀಕರಿಸಿದರು.
