ಸಿಡ್ನಿ,ಫೆ.18- ವಿಶ್ವದಲ್ಲೇ ಅತಿ ಹೆಚ್ಚು ನಗದು ರಹಿತ ವಹಿವಾಟು ನಡೆಸುವುದರಲ್ಲಿ ಭಾರತ ದಾಖಲೆ ನಿರ್ಮಿಸಿದೆ ಎಂದು ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಅಭಿಪ್ರಾಯಪಟ್ಟಿದ್ದಾರೆ. ಭಾರತದ ಅಬ್ಸರ್ವರ್ ರಿಸರ್ಚ್ ಫೌಂಡೇನ್ ಮತ್ತು ಆಸ್ಟ್ರೇಲಿಯನ್ ಸ್ಟ್ರಾಟೆಜಿಕ್ ಪಾಲಿಸಿ ಇನ್ಸ್‍ಟಿಟ್ಯೂಟ್ ಸಿಡ್ನಿಯಲ್ಲಿ ಜಂಟಿಯಾಗಿ ಆಯೋಜಿಸಿದ್ದ ರೈಸಿನಾ ಸಿಡ್ನಿ ಬಿಸೆನೆಸ್ ಬ್ರೇಕ್‍ಫಾಸ್ಟ್ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದ ಅವರು, ಭಾರತೀಯರ ಮನಸ್ಸಿನಲ್ಲಿ ಹೊಸ ತಂತ್ರಜ್ಞಾನ ಬಳಕೆ ರೂಢಿಯಾಗಿದೆ ಇದು ಒಂದು ದೊಡ್ಡ ವ್ಯತ್ಯಾಸವೇ ಸರಿ ಎಂದಿದ್ದಾರೆ.
ಹಣಕಾಸಿನ ವಿಚಾರದಲ್ಲಿ ಡಿಜಿಟಲಿಕರಣ ಸಾಧ್ಯವಾಗಿರಲಿಲ್ಲ. ಆದರೆ ನಾವು ಅದನ್ನು ಯಶಸ್ವಿಗೊಳಿಸಿದ್ದೇವೆ. ನಾವು ಜನರನ್ನು ಬ್ಯಾಂಕ್ ಖಾತೆಗಳನ್ನು ತೆರೆಯಲು ಪ್ರೋತ್ಸಾಹಿಸಿದ್ದೇವೆ. ಕೆಲವೊಮ್ಮೆ ಹಣವಿಲ್ಲದೆ ಬ್ಯಾಂಕ್ ಖಾತೆಗಳನ್ನು ತೆರೆಯುತ್ತೇವೆ. ದೇಶದ ಅತ್ಯಂತ ಕಡಿಮೆ ಆದಾಯ ಹೊಂದಿರುವ 4 ಕೋಟಿಗೂ ಹೆಚ್ಚು ಜನರ ಬ್ಯಾಂಕ್ ಖಾತೆಗಳಿಗೆ ಹಣ ಜಮಾ ಮಾಡಿದ್ದೇವೆ ಎಂದಿರುವ ಅವರು, ಸಾಮಾಜಿಕ ಆರ್ಥಿಕ ವಿತರಣೆಯನ್ನು ಮಾಡಲು ಡಿಜಿಟಲ್ ಆಡಳಿತ ಇಂದು ಮೂಲಭೂತ ಕಾರ್ಯವಿಧಾನವಾಗಿದೆ ಎಂದಿದ್ದಾರೆ.
ಹಾವೇರಿ ಜಿಲ್ಲೆಯ ಸವಣೂರಿನಲ್ಲಿ ತಾಯಿ-ಮಕ್ಕಳ ಆಸ್ಪತ್ರೆ
ಆದಾಯದ ಪ್ರಮಾಣದಲ್ಲಿಯೂ ಸಹ ದೇಶವು ಸಾಮಾಜಿಕ, ಸಮಗ್ರ ಸಾಮಾಜಿಕ ಕಲ್ಯಾಣ ವ್ಯವಸ್ಥೆಯನ್ನು ನಿರ್ಮಿಸಬಹುದು ಎಂಬುದನ್ನು ಸಾಬೀತುಪಡಿಸಲು ಭಾರತ ಪ್ರಯತ್ನಿಸುತ್ತಿದೆ ಎಂದು ಅವರು ಹೇಳಿದರು.
ಸಾಮಾಜಿಕ ಕಾರ್ಯಕ್ರಮಗಳ ಕುರಿತು ಮಾತನಾಡಿದ ಜೈಶಂಕರ್ ಅವರು, ಕಳೆದ ನಾಲ್ಕು ವರ್ಷಗಳಲ್ಲಿ ಭಾರತವು ಸುಮಾರು 500 ಮಿಲಿಯನ್ ಜನರನ್ನು ಆರೋಗ್ಯ ಯೋಜನೆಗಳಲ್ಲಿ ತೊಡಗಿಸಿಕೊಳ್ಳುವಂತೆ ನೋಡಿಕೊಳ್ಳಲಾಗಿದೆ. ಅಷ್ಟೇ ಸಂಖ್ಯೆಯ ಪಿಂಚಣಿ ಯೋಜನೆಗಳನ್ನು ಜಾರಿಗೊಳಿಸಲಾಗಿದೆ ಎಂದು ಮಾಹಿತಿ ನೀಡಿದರು.
ಅಡುಗೆ ಅನಿಲದೊಂದಿಗೆ ಉರುವಲು ಬದಲಿಸುವ ಕಾರ್ಯಕ್ರಮವಿತ್ತು. ಮತ್ತು ಅಡುಗೆ ಅನಿಲ, ಅಡುಗೆ ಅನಿಲದ ಆರಂಭಿಕ ಭಾಗವು ನಿಮಗೆ ಉಚಿತವಾಗಿ ಸಿಗುತ್ತದೆ. ಈಗ, ಆ ಕಾರ್ಯಕ್ರಮವು 80 ಮಿಲಿಯನ್ ಜನರಿಗೆ ದೊಡ್ಡದಾಗಿದೆ. ನಮ್ಮಲ್ಲಿ ವಸತಿ ಕಾರ್ಯಕ್ರಮವಿದೆ, ನಾವು ಈಗಾಗಲೇ 30 ಮಿಲಿಯನ್ ಮನೆಗಳನ್ನು ವಿತರಿಸುವ ಮೂಲಕ 15 ಕೋಟಿ ಜನರಿಗೆ ಸೂರು ನೀಡಿದ್ದೇವೆ ಎಂದು ತಿಳಿಸಿದ್ದಾರೆ.
ಹತ್ತು ವರ್ಷಗಳ ಹಿಂದೆ ನಾವು ನಮ್ಮ ದೇಶವನ್ನು ಡಿಜಿಟಲಿಕರಣಗೊಳಿಸುವಂತಹ ಸಾಹಸ ಮಾಡಲು ಸಾಧ್ಯವಾಗಿರಲಿಲ್ಲ. ಆದರೆ, ಇದೀಗ ನಾವು ಆ ಕಾರ್ಯದಲ್ಲಿ ಬಹುತೇಕ ಯಶಸ್ವಿಯಾಗಿದ್ದೇವೆ ಎಂದು ಅವರು ವಿವರಣೆ ನೀಡಿದ್ದಾರೆ.
India, Records, Largest, Number, Cashless, Transactions, World, S Jaishankar,
