ಮುಂಬೈ, ಫೆ.15- ನಗರದಲ್ಲಿ ಇತ್ತೀಚಿನ ಸುತ್ತಿನ ಸ್ವಾಬ್ ಮಾದರಿಗಳ ಜಿನೋಮ್ ಸೀಕ್ವೆನ್ಸಿಂಗ್‍ನಲ್ಲಿ ಶೇ.95ರಷ್ಟು ಮಾದರಿಗಳಲ್ಲಿ ಓಮಿಕ್ರಾನ್ ಸೋಂಕು ಇರುವುದು ಖಚಿತವಾಗಿದೆ ಎಂದು ಮಹಾನಗರ ಪಾಲಿಕೆ ತಿಳಿಸಿದೆ. ಓಮಿಕ್ರಾನ್ ರೂಪಾಂತರಿ ಕೊರೊನಾ ವೈರಸ್ 2021ರ ಡಿಸೆಂಬರ್‍ನಲ್ಲಿ ಕೋವಿಡ್-19ರ ಮೂರನೆ ಅಲೆಗೆ ನಾಂದಿ ಹಾಡಿತ್ತು ಮತ್ತು ಇದೀಗ ಮಹಾರಾಷ್ಟ್ರ, ರಾಜಧಾನಿ ಮುಂಬೈನಲ್ಲಿ ಇಳಿಕೆ ಕಂಡಿದೆ.
ದೈನಂದಿನ ಕೋವಿಡ್-19 ಪ್ರಕರಣಗಳಲ್ಲಿ ಭಾರೀ ಇಳಿಕೆಯಾಗಿದ್ದರೂ ಸಾರ್ವಜನಿಕರು ಕೋವಿಡ್ ನಿಯಮಗಳ ಪಾಲನೆ ಮುಂದುವರಿಸಬೇಕು ಎಂದು ಬೃಹನ್ಮುಂಬೈ ಮಹಾನಗರ ಪಾಲಿಕೆ ಪ್ರಕಟಣೆಯಲ್ಲಿ ಮನವಿ ಮಾಡಿದೆ.
ಮುಂಬೈನಲ್ಲಿ 192 ಹೊಸ ಕೋವಿಡ್-19 ಪ್ರಕರಣಗಳು ವರದಿಯಾಗಿದ್ದವು. ಇದು 2021ರ ಡಿಸೆಂಬರ್ 13ರ ಬಳಿಕ ಅತಿ ಕಡಿಮೆ ದೈನಿಕ ಪ್ರಕರಣಗಳಾಗಿವೆ. 350ಕ್ಕೂ ಅಕ ರೋಗಿಗಳು ಚೇತರಿಸಿಕೊಂಡು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ ಎಂದು ಪಾಲಿಕೆ ವಿವರಿಸಿದೆ.
