ಶ್ರೀನಗರ,ಜೂ.21- ಪಹಲ್ಗಾಮ್‌ ದಾಳಿಯ ನಂತರ ಭಾರತದ ಪ್ರತೀಕಾರದ ಕ್ರಮಕ್ಕೆ ಪಾಕಿಸ್ತಾನ ಮಂಡಿಯೂರಬೇಕಾಯಿತು. ಭವಿಷ್ಯದಲ್ಲಿ ಯಾವುದೇ ಭಯೋತ್ಪಾದಕ ದಾಳಿಯು ಇಸ್ಲಾಮಾಬಾದ್‌ಗೆ ಭಾರಿ ಬೆಲೆ ತೆರಬೇಕಾಗುತ್ತದೆ ಎಂದು ಕೇಂದ್ರ ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ಅವರು ಮತ್ತೊಮೆ ಎಚ್ಚರಿಕೆ ನೀಡಿದ್ದಾರೆ.
ಜಮು ಮತ್ತು ಕಾಶೀರದ ಉಧಂಪುರದಲ್ಲಿರುವ ನಾರ್ದರ್ನ್‌ ಕಮಾಂಡ್‌ನಲ್ಲಿರುವ ಸೈನಿಕರೊಂದಿಗೆ ಸಂವಹನ ನಡೆಸಿದ ಸಿಂಗ್‌, ಆಪರೇಷನ್‌ ಸಿಂಧೂರ್‌ ಅನ್ನು ತಾತ್ಕಲಿಕವಾಗಿ ನಿಲ್ಲಿಸಲಾಗಿದೆ. ಭಯೋತ್ಪಾದನೆಯ ಮೂಲಕ ಭಾರತಕ್ಕೆ ಹಾನಿಯುನ್ನುಂಟು ಮಾಡುವ ಪಾಕಿಸ್ತಾನದ ಯಾವುದೇ ಅಭಿಯಾನವು ಯಶಸ್ವಿಯಾಗುವುದಿಲ್ಲ ಎಂದು ಪುನರುಚ್ಚರಿಸಿದರು.
ನಾವು ಅವರ ಯೋಜನೆಗಳನ್ನು ವಿಲಗೊಳಿಸಿದ್ದಲ್ಲದೆ, ಪಾಕಿಸ್ತಾನ ಮಂಡಿಯೂರಬೇಕಾದಷ್ಟು ಪ್ರತೀಕಾರದ ಕ್ರಮವನ್ನೂ ತೆಗೆದುಕೊಂಡೆವು. ಭಾರತದ ನೆಲದಲ್ಲಿ ನಡೆಯುವ ಯಾವುದೇ ಭಯೋತ್ಪಾದಕ ದಾಳಿಯು ಪಾಕಿಸ್ತಾನಕ್ಕೆ ಭಾರಿ ವೆಚ್ಚವನ್ನುಂಟು ಮಾಡುತ್ತದೆ ಎಂದು ಗುಡುಗಿದರು.
ಪಹಲ್ಗಾಮ್‌ ದಾಳಿಗೆ ಪ್ರತಿಯಾಗಿ, ಭಾರತ ಮೇ 7 ರಂದು ಆಪರೇಷನ್‌ ಸಿಂಧೂರ್‌ ಅನ್ನು ಪ್ರಾರಂಭಿಸಿತು, ಪಾಕಿಸ್ತಾನದೊಳಗಿನ ಒಂಬತ್ತು ಭಯೋತ್ಪಾದಕ ಶಿಬಿರಗಳನ್ನು ನೆಲಸಮ ಮಾಡಿತು ಮತ್ತು 11 ಪ್ರಮುಖ ಸೇನಾ ನೆಲೆಗಳನ್ನು ಗುರಿಯಾಗಿಸಿಕೊಂಡಿತು. ಮೇ 10 ರಂದು ಪಾಕಿಸ್ತಾನ ಭಾರತದೊಂದಿಗೆ ಕದನ ವಿರಾಮವನ್ನು ಕೋರಿದ ನಂತರ ಕೊನೆಗೊಂಡ ಯುದ್ಧದಲ್ಲಿ ಪಾಕಿಸ್ತಾನ 35-40 ಸೇನಾ ಸಿಬ್ಬಂದಿಯನ್ನು ಕಳೆದುಕೊಂಡಿದೆ ಎಂದು ಸಶಸ ಪಡೆಗಳು ಹೇಳಿಕೊಂಡಿವೆ.
ಭಯೋತ್ಪಾದನೆಯ ವಿರುದ್ಧ ಭಾರತದ ಬಲವಾದ ನಿಲುವನ್ನು ಸಿಂಗ್‌ ದೃಢಪಡಿಸಿದರು ಮತ್ತು ಭಯೋತ್ಪಾದಕ ಕೃತ್ಯಗಳಿಗೆ ಪ್ರತಿಕ್ರಿಯೆಯಾಗಿ ದೇಶವು ಶಕ್ತಿ ಮತ್ತು ಕಾರ್ಯತಂತ್ರದೊಂದಿಗೆ ಪ್ರತಿಕ್ರಿಯಿಸುತ್ತದೆ.ಆಪರೇಷನ್‌ ಸಿಂಧೂರ್‌ ಭಯೋತ್ಪಾದಕರು ಮತ್ತು ಅವರ ಪೋಷಕರಿಗೆ ಪ್ರಬಲ ಸಂದೇಶವನ್ನು ರವಾನಿಸಿದ್ದು, ನವ ಭಾರತ ದೃಢನಿಶ್ಚಯದಿಂದ ಕೂಡಿದ್ದು, ಇನ್ನು ಮುಂದೆ ಭಯೋತ್ಪಾದನೆಯ ಬಲಿಪಶುವಾಗುವುದಿಲ್ಲ, ಬದಲಿಗೆ ಶಕ್ತಿ ಮತ್ತು ಕಾರ್ಯತಂತ್ರದೊಂದಿಗೆ ಪ್ರತಿಕ್ರಿಯಿಸುತ್ತದೆ ಎಂದು ಹೇಳಿದರು. 2025 ರ ಅಂತರರಾಷ್ಟ್ರೀಯ ಯೋಗ ದಿನದ ಮುನ್ನಾದಿನದಂದು ಆಯೋಜಿಸಲಾದ ಬರಾಖಾನಾದಲ್ಲಿ, ಸೈನಿಕರು ದೈಹಿಕ ಮತ್ತು ಮಾನಸಿಕ ಯೋಗಕ್ಷೇಮದತ್ತ ಗಮನಹರಿಸಬೇಕೆಂದು ಅವರು ಒತ್ತಾಯಿಸಿದರು, ಸೈನಿಕನ ಜೀವನದಲ್ಲಿ ಶಕ್ತಿ ಮತ್ತು ಸ್ವಾಸ್ಥ್ಯದ ಮಹತ್ವವನ್ನು ಒತ್ತಿ ಹೇಳಿದರು.
ನೀವು ಬಲಿಷ್ಠರಾಗಿದ್ದರೆ, ನಮ ಗಡಿಗಳು ಬಲಿಷ್ಠವಾಗಿರುತ್ತವೆ. ಗಡಿಗಳು ಬಲಿಷ್ಠವಾದಾಗ, ಭಾರತವೂ ಬಲಿಷ್ಠವಾಗಿರುತ್ತದೆ ಎಂದು ಅವರು ಹೇಳಿದರು. ಸೇನಾ ಮುಖ್ಯಸ್ಥ ಜನರಲ್‌ ಉಪೇಂದ್ರ ದ್ವಿವೇದಿ, ಉತ್ತರ ಕಮಾಂಡ್‌ನ ಕಮಾಂಡಿಂಗ್‌-ಇನ್‌-ಚೀ್‌ ಜನರಲ್‌ ಆಫೀಸರ್‌ ಲೆಫ್ಟಿನೆಂಟ್‌ ಜನರಲ್‌ ಪ್ರತೀಕ್‌ ಶರ್ಮಾ ಮತ್ತು ಇತರ ಹಿರಿಯ ಭಾರತೀಯ ಸೇನೆಯ ಅಧಿಕಾರಿಗಳು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.
- ಇಂದಿನ ಪಂಚಾಂಗ ಮತ್ತು ರಾಶಿಭವಿಷ್ಯ (19-07-2025)
- ಬೆಂಗಳೂರಲ್ಲಿ ಇಂದು ಸಂಭವಿಸಿದ ಎರಡು ಪ್ರತ್ಯೇಕ ಅಪಘಾತಗಳಲ್ಲಿ ಇಬ್ಬರ ಸಾವು
- ಶಾಲೆಗಳಿಗೆ ಬಾಂಬ್‌ ಬೆದರಿಕೆಯನ್ನು ಗಂಭೀರವಾಗಿ ಪರಿಗಣಿಸಿದ್ದೇವೆ : ಗೃಹಸಚಿವ ಪರಮೇಶ್ವರ
- ನೈರುತ್ಯ ಮುಂಗಾರು ಚೇತರಿಕೆ, ರಾಜ್ಯದ ಹಲವೆಡೆ ಮಳೆ
- 20 ಶಾಲೆಗಳಿಗೆ ಬಾಂಬ್‌ ಬೆದರಿಕೆ ಕರೆ, ಬೆಚ್ಚಿ ಬಿದ್ದ ದೆಹಲಿ