ನವದೆಹಲಿ,ಜ.14- ಭಾರತ ಕ್ರಿಕೆಟ್ ತಂಡದ ಮಾಜಿ ಆಲ್‍ರೌಂಡರ್ ಯುವರಾಜ್ ಸಿಂಗ್ ಅವರು ಅನುಭವಿ ಸ್ಪಿನ್ನರ್ ಆರ್. ಅಶ್ವಿನ್ ಅವರು ಟಿ20 ಮತ್ತು ಏಕದಿನ ಪಂದ್ಯಗಳಲ್ಲಿ ಸ್ಥಾನ ಪಡೆಯಲು ಆರ್ಹರಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಆದರೆ, ಯುವರಾಜ್ ಅವರು ಕೆಂಪು-ಬಾಲ್ ಕ್ರಿಕೆಟಿಗನಾಗಿ ಅಶ್ವಿನ್ ಬಹಳಷ್ಟು ಪ್ರಭಾವಿ ಆಗಿರುವುದರಿಂದ ಅವರು ಟೆಸ್ಟ್ ತಂಡಕ್ಕೆ ಹೇಳಿ ಮಾಡಿಸಿದ ಆಟಗಾರ ಎಂದು ತಿಳಿಸಿದ್ದಾರೆ. ಅಶ್ವಿನ್ ಒಬ್ಬ ಶ್ರೇಷ್ಠ ಬೌಲರ್ ಆದರೆ ಅವರು ಏಕದಿನ ಮತ್ತು ಟಿ20 ಪಂದ್ಯಗಳ ಸ್ಥಾನಕ್ಕೆ ಅರ್ಹರು ಎಂದು ನಾನು ಭಾವಿಸುವುದಿಲ್ಲ. ಅವರು ಚೆಂಡಿನೊಂದಿಗೆ ತುಂಬಾ ಒಳ್ಳೆಯವರು, ಆದರೆ ಅವರು ಬ್ಯಾಟ್‍ನೊಂದಿಗೆ ಏನು ತರುತ್ತಾರೆ? ಅಥವಾ ಫೀಲ್ಡರ್ ಆಗಿ ಏನು ಸಾಧನೆ ಮಾಡಿದ್ದಾರೆ ಎಂದು ಪ್ರಶ್ನಿಸಿರುವ ಸಿಂಗ್ ಅವರು ಅಶ್ವಿನ್ ಟೆಸ್ಟ್ ತಂಡದಲ್ಲಿ ಇರುವುದು ಸೂಕ್ತ ಎಂದಿದ್ದಾರೆ.
ಮಾಲ್ಡೀವ್ಸ್ ರಾಜಧಾನಿ ಮಾಲೆ ಮೇಯರ್ ಆದ ಭಾರತದ ಪರ ನಾಯಕ
ಯುವರಾಜ್ ಮತ್ತು ಅಶ್ವಿನ್ 2011 ರಲ್ಲಿ ಏಕದಿನ ವಿಶ್ವಕಪ್ ಗೆದ್ದ ಭಾರತೀಯ ತಂಡದ ಭಾಗವಾಗಿದ್ದರು. ಪದೇ ಪದೇ, ಅಶ್ವಿನ್ ಅವರು ಭಾರತೀಯ ಕ್ರಿಕೆಟ್‍ಗೆ ಯುವರಾಜ್ ಅವರ ಕೊಡುಗೆಗಳ ಬಗ್ಗೆ ವಿಶೇಷವಾಗಿ ಮಾತನಾಡಿದ್ದಾರೆ, ವಿಶೇಷವಾಗಿ ಅವರು ಅನುಭವಿಸಿದ ಆರೋಗ್ಯ ಬಿಕ್ಕಟ್ಟನ್ನು ವಿವರಿಸಿದ್ದಾರೆ.