ಬೆಂಗಳೂರು, ನ. 8 – ಐಸಿಸಿ ಪ್ರಕಟಿಸಿರುವ ನೂತನ ರ‍್ಯಾಂಕಿಂಗ್‌ ಪಟ್ಟಿಯಲ್ಲಿ ಟೀಮ್ ಇಂಡಿಯಾದ ಯಂಗ್ ಓಪನರ್ ಶುಭಮನ್ ಹಾಗೂ ಯುವ ವೇಗಿ ಮೊಹಮ್ಮದ್ ಸಿರಾಜ್ ಅವರು ನಂಬರ್ 1 ಬ್ಯಾಟರ್ ಹಾಗೂ ಬೌಲರ್ ಆಗಿ ಹೊರಹೊಮ್ಮಿದ್ದಾರೆ.
ಎಂ.ಎಸ್.ಧೋನಿ ತಮ್ಮ 31 ಒಡಿಐ ಇನಿಂಗ್ಸ್‍ನಲ್ಲೇ ನಂಬರ್ 1 ಶ್ರೇಯಾಂಕ ಪಟ್ಟಿ ಅಲಂಕರಿಸಿದ್ದರೆ, ಶುಭಮನ್ ಗಿಲ್ 41 ಇನಿಂಗ್ಸ್ ನಲ್ಲಿ ಅಗ್ರಸ್ಥಾನಕ್ಕೇರಿದ್ದಾರೆ. ವಿಶ್ವಕಪ್‍ನಲ್ಲಿ ಉತ್ತಮ ಪ್ರದರ್ಶನ ತೋರುತ್ತಿರುವ ಗಿಲ್ 830 ರೇಟಿಂಗ್ ಅಂಕಗಳೊಂದಿಗೆ ಪಾಕಿಸ್ತಾನ ನಾಯಕ ಬಾಬರ್ ಅಝಮ್ (824)ರನ್ನು ಹಿಂದಿಕ್ಕಿ ಟಾಪ್ 1 ಬ್ಯಾಟ್ಸ್ ಮನ್ ಪಟ್ಟ ಅಲಂಕರಿಸಿದ್ದಾರೆ.
ಅಡ್ವಾಣಿ ಹುಟ್ಟುಹಬ್ಬಕ್ಕೆ ಮೋದಿ, ಶಾ ಸೇರಿ ಗಣ್ಯರಿಂದ ಶುಭಾಶಯ
ಪ್ರಸಕ್ತ ವಿಶ್ವಕಪ್‍ನಲ್ಲಿ ಬಾಂಗ್ಲಾದೇಶ (53 ರನ್) ಹಾಗೂ ಶ್ರೀಲಂಕಾ (95 ರನ್) ವಿರುದ್ಧದ ಪಂದ್ಯಗಳಲ್ಲಿ ಗಿಲ್ ಅರ್ಧಶತಕ ಸಿಡಿಸಿದ ಪ್ರದರ್ಶನ ಅವರಿಗೆ ನಂಬರ್ 1 ಸ್ಥಾನ ತಂದುಕೊಟ್ಟಿದೆ.
ಸಿರಾಜ್ ನಂ.1 ಬೌಲರ್:
ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಪ್ರಮುಖ 3 ವಿಕೆಟ್ ಕಬಳಿಸಿದ ಮೊಹಮ್ಮದ್ ಸಿರಾಜ್ ಪಾಕಿಸ್ತಾನದ ವೇಗಿ ಶಾಹೀನ್ ಶಾ ಅಫ್ರಿದಿಯನ್ನು ಹಿಂದಿಕ್ಕುವ ಮೂಲಕ ವಿಶ್ವದ ನಂಬರ್ 1 ಬೌಲರ್ ಆಗಿ ರೂಪುಗೊಂಡಿದ್ದಾರೆ. ಅಫ್ರಿದಿ 5ನೇ ಸ್ಥಾನಕ್ಕೆ ಕುಸಿದಿದ್ದರೆ, ಕುಲ್ದೀಪ್ ಯಾದವ್, ಜಸ್ಪ್ರೀತ್ ಬುಮ್ರಾ ಹಾಗೂ ಮೊಹಮ್ಮದ್ ಶಮಿ ಟಾಪ್ 10ರಲ್ಲಿ ಗುರುತಿಸಿಕೊಂಡಿದ್ದಾರೆ.