ಮೈದುಗುರಿ,ಜೂ.30– ಈಶಾನ್ಯ ನೈಜೀರಿಯಾದಲ್ಲಿ ನಡೆದ ಸರಣಿ ಆತಹತ್ಯಾ ದಾಳಿಗಳಲ್ಲಿ ಕನಿಷ್ಠ 18 ಜನರು ಸಾವನ್ನಪ್ಪಿದ್ದಾರೆ ಮತ್ತು 40ಕ್ಕೂ ಹೆಚ್ಚು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ತುರ್ತು ಸೇವೆಗಳು ತಿಳಿಸಿವೆ.
ಪೊಲೀಸ್‌ ವಕ್ತಾರರ ಪ್ರಕಾರ, ಗ್ವೋಜಾ ಪಟ್ಟಣದಲ್ಲಿ ನಡೆದ ಮೂರು ಸ್ಫೋಟಗಳಲ್ಲಿ ಒಂದರಲ್ಲಿ, ತನ್ನ ಬೆನ್ನಿಗೆ ಮಗುವನ್ನು ಕಟ್ಟಿಕೊಂಡ ಮಹಿಳಾ ದಾಳಿಕೋರರು ಮದುವೆ ಸಮಾರಂಭದ ಮಧ್ಯದಲ್ಲಿ ಸ್ಫೋಟಕಗಳನ್ನು ಸ್ಫೋಟಿಸಿಕೊಂಡಿದ್ದಾಳೆ ಎಂದು ತಿಳಿದುಬಂದಿದೆ.
ಕ್ಯಾಮರೂನ್‌ನಿಂದ ಗಡಿ ಪಟ್ಟಣದಲ್ಲಿ ನಡೆದ ಇತರ ದಾಳಿಗಳು ಆಸ್ಪತ್ರೆ ಮತ್ತು ಮುಂಚಿನ ಮದುವೆಯ ಸ್ಫೋಟದ ಬಲಿಪಶುಗಳ ಅಂತ್ಯಕ್ರಿಯೆಯನ್ನು ಗುರಿಯಾಗಿಸಿಕೊಂಡಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಬೊರ್ನೊ ಸ್ಟೇಟ್‌ ಎಮರ್ಜೆನ್ಸಿ ವ್ಯಾನೇಜ್‌ಮೆಂಟ್‌ ಏಜೆನ್ಸಿ ಪ್ರಕಾರ, ದಾಳಿಯಲ್ಲಿ ಕನಿಷ್ಠ 18 ಜನರು ಸಾವನ್ನಪ್ಪಿದ್ದಾರೆ ಮತ್ತು 19 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.
ಇದುವರೆಗೆ, ಮಕ್ಕಳು, ಪುರುಷರು, ಮಹಿಳೆಯರು ಮತ್ತು ಗರ್ಭಿಣಿಯರನ್ನು ಒಳಗೊಂಡ 18 ಸಾವುಗಳು ವರದಿಯಾಗಿವೆ ಎಂದು ಏಜೆನ್ಸಿಯ ಮುಖ್ಯಸ್ಥ ಬರ್ಕಿಂಡೋ ಸೈದು ತಿಳಿಸಿದ್ದಾರೆ. ಗಂಭೀರವಾಗಿ ಗಾಯಗೊಂಡ 19 ಜನರನ್ನು ಪ್ರಾದೇಶಿಕ ರಾಜಧಾನಿ ಮೈದುಗುರಿಗೆ ಕರೆದೊಯ್ಯಲಾಗಿದೆ, ಇತರ 23 ಜನರು ಸ್ಥಳಾಂತರಿಸುವಿಕೆಗೆ ಕಾಯುತ್ತಿದ್ದಾರೆ ಎಂದು ಸೈದು ವರದಿಯಲ್ಲಿ ತಿಳಿಸಿದ್ದಾರೆ.
ಗ್ವೋಜಾದಲ್ಲಿ ಮಿಲಿಟರಿಗೆ ಸಹಾಯ ಮಾಡುವ ಮಿಲಿಟಿಯ ಸದಸ್ಯರೊಬ್ಬರು ಭದ್ರತಾ ಪೋಸ್ಟ್‌ನ ಮೇಲಿನ ಮತ್ತೊಂದು ದಾಳಿಯಲ್ಲಿ ಅವರ ಇಬ್ಬರು ಸಹಚರರು ಮತ್ತು ಒಬ್ಬ ಸೈನಿಕ ಕೂಡ ಸಾವನ್ನಪ್ಪಿದ್ದಾರೆ ಎಂದು ತಿಳಿಸಿದ್ದಾರೆ. 2014 ರಲ್ಲಿ ಬೊಕೊ ಹರಾಮ್‌ ಉಗ್ರಗಾಮಿಗಳು ಗ್ವೋಜಾವನ್ನು ವಶಪಡಿಸಿಕೊಂಡರು, ಈ ಗುಂಪು ಉತ್ತರ ಬೊರ್ನೊದಲ್ಲಿ ಭೂಪ್ರದೇಶವನ್ನು ಸ್ವಾಧೀನಪಡಿಸಿಕೊಂಡಿದೆ.