ಹಾಂಗ್‌ ಕಾಂಗ್‌, ನ. 19 (ಎಪಿ) ಹಾಂಗ್‌ ಕಾಂಗ್‌ನ ಅತಿದೊಡ್ಡ ರಾಷ್ಟ್ರೀಯ ಭದ್ರತಾ ಪ್ರಕರಣದಲ್ಲಿ ಇಂದು ಹತ್ತಾರು ಪ್ರಮುಖ ಕಾರ್ಯಕರ್ತರಿಗೆ 10 ವರ್ಷಗಳವರೆಗೆ ಜೈಲು ಶಿಕ್ಷೆಯನ್ನು ವಿಧಿಸಲಾಗಿದೆ. 2020 ರ ರಾಷ್ಟ್ರೀಯ ಭದ್ರತಾ ಕಾನೂನಿನ ಅಡಿಯಲ್ಲಿ ಅನಧಿಕತ ಪ್ರಾಥಮಿಕ ಚುನಾವಣೆಯಲ್ಲಿ ಅವರ ಪಾತ್ರಗಳಿಗಾಗಿ 2021 ರಲ್ಲಿ ಆರೋಪಿಗಳನ್ನು ವಿಚಾರಣೆಗೆ ಒಳಪಡಿಸಲಾಯಿತು.
ಅವರು ಹಾಂಗ್‌ ಕಾಂಗ್‌ ಸರ್ಕಾರವನ್ನು ಸಂಕಷ್ಟಕ್ಕೆ ತಳ್ಳಲು ಪ್ರಯತ್ನಿಸಿದರು ಮತ್ತು ಶಾಸಕಾಂಗ ಬಹುಮತವನ್ನು ಗೆಲ್ಲುವ ಗುರಿಯೊಂದಿಗೆ ನಗರದ ನಾಯಕನನ್ನು ರಾಜೀನಾಮೆ ನೀಡುವಂತೆ ಒತ್ತಾಯಿಸಿದ ಆರೋಪ ಎದುರಿಸುತ್ತಿದ್ದರು.
45 ಅಪರಾಧಿಗಳು ನಾಲ್ಕು ವರ್ಷ ಮತ್ತು ಎರಡು ತಿಂಗಳಿಂದ 10 ವರ್ಷಗಳವರೆಗೆ ಜೈಲು ಶಿಕ್ಷೆಯನ್ನು ಪಡೆದರು. ಕಾನೂನು ವಿದ್ವಾಂಸ ಬೆನ್ನಿ ತೈ ಅವರಿಗೆ ದೀರ್ಘಾವಧಿ ಶಿಕ್ಷೆಯನ್ನು ನೀಡಲಾಯಿತು.ಅವರು ತಪ್ಪೊಪ್ಪಿಕೊಂಡರು ಅಥವಾ ಮೂವರು ಸರ್ಕಾರಿ-ಅನುಮೋದಿತ ನ್ಯಾಯಾಧೀಶರಿಂದ ವಿಧ್ವಂಸಕ ಕತ್ಯಕ್ಕೆ ಪಿತೂರಿ ಮಾಡಿದ ತಪ್ಪಿತಸ್ಥರೆಂದು ಕಂಡುಬಂದರು.
ಚುನಾವಣೆಯ ಮೂಲಕ ಬದಲಾವಣೆ ತರುವ ಕಾರ್ಯಕರ್ತರ ಯೋಜನೆಗಳು ಸರ್ಕಾರದ ಅಧಿಕಾರವನ್ನು ದುರ್ಬಲಗೊಳಿಸುತ್ತವೆ ಮತ್ತು ಸಾಂವಿಧಾನಿಕ ಬಿಕ್ಕಟ್ಟನ್ನು ಸಷ್ಟಿಸುತ್ತವೆ ಎಂದು ನ್ಯಾಯಾಧೀಶರು ತೀರ್ಪಿನಲ್ಲಿ ಹೇಳಿದ್ದಾರೆ. 47 ಮೂಲ ಆರೋಪಿಗಳ ಪೈಕಿ ಇಬ್ಬರನ್ನು ಖುಲಾಸೆಗೊಳಿಸಲಾಗಿದೆ