ಮುಂಬೈ, ಅ. 25 (ಪಿಟಿಐ) – ಮುಂದಿನ ತಿಂಗಳು ನಡೆಯಲಿರುವ ವಿಧಾನಸಭಾ ಚುನಾವಣೆಗೆ ಮುನ್ನ ಮಾದರಿ ನೀತಿ ಸಂಹಿತೆ ಜಾರಿಯಲ್ಲಿರುವ ಮಹಾರಾಷ್ಟ್ರದಲ್ಲಿ ಕಾನೂನು ಜಾರಿ ಸಂಸ್ಥೆಗಳು 24 ಗಂಟೆಗಳಲ್ಲಿ 52 ಕೋಟಿ ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಂಡಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಅ. 15 ರಂದು ವಿಧಾನಸಭಾ ಚುನಾವಣೆ ಘೋಷಣೆಯಾದಾಗಿನಿಂದ 19 ಕಾನೂನು ಜಾರಿ ಸಂಸ್ಥೆಗಳು ರಾಜ್ಯಾದ್ಯಂತ 90.74 ಕೋಟಿ ಮೌಲ್ಯದ ಸರಕುಗಳನ್ನು ಜಪ್ತಿ ಮಾಡಿದೆ ಎಂದು ಅವರು ಹೇಳಿದರು.
ಪೊಲೀಸ್‌, ಆದಾಯ ತೆರಿಗೆ, ಕಂದಾಯ ಗುಪ್ತಚರ, ನಾರ್ಕೋಟಿಕ್‌್ಸ ಕಂಟ್ರೋಲ್‌ ಬ್ಯೂರೋ, ಕಸ್ಟಮ್ಸ್‌ ಮತ್ತು ಅಬಕಾರಿ ಇಲಾಖೆಗಳು ಮುಂಬೈ ಉಪನಗರ, ನಾಗ್ಪುರ ಮತ್ತು ರತ್ನಗಿರಿ ಜಿಲ್ಲೆಗಳಲ್ಲಿ ಕ್ರಮ ಕೈಗೊಂಡ ಸಂಸ್ಥೆಗಳಲ್ಲಿ ಸೇರಿವೆ ಎಂದು ಚುನಾವಣಾ ಅಧಿಕಾರಿಗಳು ತಿಳಿಸಿದ್ದಾರೆ.
ಚುನಾವಣಾ ಆಯೋಗದ ಆ್ಯಪ್‌ ಮೂಲಕ ಇದುವರೆಗೆ 1,144 ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆಯ ದೂರುಗಳು ವರದಿಯಾಗಿವೆ ಮತ್ತು ಅವುಗಳಲ್ಲಿ 99 ಪ್ರತಿಶತವನ್ನು ಪರಿಹರಿಸಲಾಗಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆಗಳನ್ನು ಫ್ಲ್ಯಾಗ್‌ ಮಾಡಲು ನಾಗರಿಕರಿಗೆ ಸಹಾಯ ಮಾಡಲು ಇವಿಜಿಲ್‌ ಮೊಬೈಲ್‌ ಅಪ್ಲಿಕೇಶನ್‌ ಅನ್ನು ಪ್ರಾರಂಭಿಸಿದೆ. ನವೆಂಬರ್‌ 20 ರಂದು ಮಹಾರಾಷ್ಟ್ರ ಚುನಾವಣೆ ನಡೆಯಲಿದ್ದು, ನವೆಂಬರ್‌ 23 ರಂದು ಮತ ಎಣಿಕೆ ನಡೆಯಲಿದೆ