ನವದೆಹಲಿ,ಜ.17- ಕಾಂಗ್ರೆಸ್ ನಾಯಕ ಶಶಿ ತರೂರ್ ಅವರು ತಮ್ಮನು ಅಗಲಿದ ಪತ್ನಿಯನ್ನು ಸುಂದರ ಆತ್ಮ ಎಂದು ಬಣ್ಣಿಸಿದ್ದಾರೆ. ಎಕ್ಸ್ ನಲ್ಲಿ ತಮ್ಮ ಪತ್ನಿ ಸುನಂದಾ ಪುಷ್ಕರ್ ಅವರ ಪುಣ್ಯತಿಥಿಯಂದು ಶ್ರದ್ಧಾಂಜಲಿ ಸಲ್ಲಿಸಿರುವ ಅವರು ತಮ್ಮ ಪತ್ನಿ ಸುಂದರವಾದ ಆತ್ಮ ಅದು ಶಾಶ್ವತವಾಗಿ ಬದುಕುತ್ತದೆ ಎಂದು ಬರೆದುಕೊಂಡಿದ್ದಾರೆ.
51 ವರ್ಷದ ಸುನಂದಾ ಪುಷ್ಕರ್ ಅವರು 2014 ರ ಜ.17ರಂದು ದೆಹಲಿಯ ಪಂಚತಾರಾ ಹೋಟೆಲ್‍ನಲ್ಲಿ ತಮ್ಮ ಸೂಟ್‍ನಲ್ಲಿ ಶವವಾಗಿ ಪತ್ತೆಯಾಗಿದ್ದರು. ನೀನು ನಮ್ಮನು ಅಗಲಿ 10 ವರ್ಷಗಳಾಯಿತು. ಸುಂದರವಾದ ಆತ್ಮವು ಶಾಶ್ವತವಾಗಿ ಬದುಕುತ್ತದೆ ಓಂ ಶಾಂತಿ ಎಂದು ತರೂರ್ ಪೋಸ್ಟ್ ಮಾಡಿದ್ದಾರೆ.
2010 ರಲ್ಲಿ ಕೇರಳದ ಎಲವಂಚೇರಿಯಲ್ಲಿರುವ ತರೂರ್ ಅವರ ಪೂರ್ವಜರ ಮನೆಯಲ್ಲಿ ನಡೆದ ಮಲಯಾಳಿ ವಿವಾಹ ಸಮಾರಂಭದಲ್ಲಿ ಇಬ್ಬರೂ ವಿವಾಹವಾಗಿದ್ದರು. ಜನವರಿ 17, 2014 ರ ರಾತ್ರಿ ದೆಹಲಿಯ ಐಷಾರಾಮಿ ಹೋಟೆಲ್‍ನಲ್ಲಿ ಪುಷ್ಕರ್ ಶವವಾಗಿ ಪತ್ತೆಯಾಗಿದ್ದರು ಆ ಸಮಯದಲ್ಲಿ ತರೂರ್ ಅವರ ಅಧಿಕೃತ ಬಂಗಲೆಯನ್ನು ನವೀಕರಿಸಲಾಗುತ್ತಿದ್ದ ಕಾರಣ ದಂಪತಿಗಳು ಹೋಟೆಲ್‍ನಲ್ಲಿ ತಂಗಿದ್ದರು.
ಬಿಹಾರದ 94 ಲಕ್ಷ ಕುಟುಂಬಗಳಿಗೆ ತಲಾ 2 ಲಕ್ಷ ರೂ.ಆರ್ಥಿಕ ನೆರವು
ತರೂರ್ ವಿರುದ್ಧ ಕ್ರೌರ್ಯ ಮತ್ತು ಆತ್ಮಹತ್ಯೆಗೆ ಪ್ರಚೋದನೆಗೆ ಸಂಬಂಧಿಸಿದ ಭಾರತೀಯ ದಂಡ ಸಂಹಿತೆಯ ನಿಬಂಧನೆಗಳ ಅಡಿಯಲ್ಲಿ ಆರೋಪ ಹೊರಿಸಲಾಗಿತ್ತು. ಈ ಸಾವಿನಲ್ಲಿ ನಾನು ಭಾಗಿಯಾಗಿಲ್ಲ ಎಂದು ವಾದಿಸಿದ್ದ ತರೂರ್ ಅವರಿಗೆ 2021 ರಲ್ಲಿ ಪ್ರಕರಣದಿಂದ ಮುಕ್ತಿ ದೊರೆತಿತ್ತು.