ಕಾಂಗ್ರೆಸ್‌ನವರು ಪಡೆದಿರುವ ಚುನಾವಣಾ ಬಾಂಡ್ ಹಣ ಹಫ್ತಾ ವಸೂಲಿಯೇ..? : ಅಮಿತ್ ಶಾ

ನವದೆಹಲಿ,ಮಾ.21- ಚುನಾವಣಾ ಬಾಂಡ್ಗಳನ್ನು ಹಫ್ತಾ ವಸೂಲಿ ಎಂದು ರಾಹುಲ್ ಗಾಂಧಿ ಉಲ್ಲೇಖಿಸಿದ್ದಕ್ಕೆ ಪ್ರತಿಕ್ರಿಯಿಸಿರುವ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು, ಕಾಂಗ್ರೆಸ್ ನಾಯಕರು ರೂ.1,600 ಕೋಟಿಯನ್ನು ಎಲ್ಲಿಂದ ಪಡೆದರು ಎಂಬುದನ್ನು ಸ್ಪಷ್ಟಪಡಿಸಬೇಕು ಎಂದು ಒತ್ತಾಯಿಸಿದ್ದಾರೆ.

ಗಾಂಧಿ ಕೂಡ ರೂ.1,600 ಕೋಟಿ ಪಡೆದಿದ್ದಾರೆ. ಅವರು ಆ ಹಫ್ತಾ ವಸೂಲಿ ಎಲ್ಲಿಂದ ಪಡೆದರು ಎಂಬುದನ್ನು ಅವರು ಸ್ಪಷ್ಟಪಡಿಸಬೇಕು. ಇದು ಪಾರದರ್ಶಕ ದೇಣಿಗೆ ಎಂದು ನಾವು ಪ್ರತಿಪಾದಿಸುತ್ತೇವೆ, ಆದರೆ ಅವರು ಅದನ್ನು ವಸೂಲಿ ಎಂದು ಲೇಬಲ್ ಮಾಡಿದರೆ, ಅವರು ವಿವರಗಳನ್ನು ನೀಡಬೇಕು ಎಂದು ಶಾ ಅವರು ಎಕ್ಸ್ನಲ್ಲಿ ಪೊಸ್ಟ್ ಮಾಡಿದ್ದಾರೆ.

ಇತರ ಪಕ್ಷಗಳಂತೆ ಬಿಜೆಪಿಯು ತಮ್ಮ ದಾನಿಗಳ ಪಟ್ಟಿಯನ್ನು ಬಹಿರಂಗಪಡಿಸುತ್ತದೆಯೇ ಎಂದು ಕೇಳಿದಾಗ, ನಾನು ನಿಮಗೆ ಭರವಸೆ ನೀಡುತ್ತೇನೆ, ವಿವರಗಳು ಹೊರಬಂದ ನಂತರ ಇಂಡಿಯಾ ಮೈತ್ರಿಕೂಟವು ಸಾರ್ವಜನಿಕರನ್ನು ಎದುರಿಸಲು ಕಷ್ಟವಾಗುತ್ತದೆ ಎಂದು ಹೇಳಿದ್ದಾರೆ.

ಭಾರತೀಯ ರಾಜಕೀಯದಲ್ಲಿ ಕಪ್ಪುಹಣದ ಪ್ರಾಬಲ್ಯವನ್ನು ಕೊನೆಗೊಳಿಸಲು ಚುನಾವಣಾ ಬಾಂಡ್ಗಳನ್ನು ಪರಿಚಯಿಸಲಾಯಿತು, ಕಪ್ಪುಹಣವನ್ನು ನಿರ್ಮೂಲನೆ ಮಾಡಲು ಅವುಗಳನ್ನು ತರಲಾಯಿತು. ಈಗ ಈ ಯೋಜನೆಯನ್ನು ರದ್ದುಗೊಳಿಸಲಾಗಿದೆ ಮತ್ತು ಕಪ್ಪುಹಣ ವಾಪಸಾತಿಗೆ ನಾನು ಭಯಪಡುತ್ತೇನೆ ಎಂದು ಶಾ ಹೇಳಿದರು.

ಬಾಂಡ್ ರದ್ದುಪಡಿಸುವ ಬದಲು ಸುಧಾರಣೆಗಳು ಇರಬೇಕು ಎಂದು ನಾನು ನಂಬುತ್ತೇನೆ, ಆದರೆ ಇದು ಯಾವುದೇ ಮಹತ್ವವನ್ನು ಹೊಂದಿಲ್ಲ, ಏಕೆಂದರೆ ಉನ್ನತ ನ್ಯಾಯಾಲಯವು ತನ್ನ ತೀರ್ಪನ್ನು ನೀಡಿದೆ ಮತ್ತು ನಾನು ಅದನ್ನು ಗೌರವಿಸುತ್ತೇನೆ ಎಂದು ಅವರು ಹೇಳಿದರು.

ಆದರೆ ನನ್ನ ವೈಯಕ್ತಿಕ ಅಭಿಪ್ರಾಯವೆಂದರೆ ಬಾಂಡ್ಗಳು ರಾಜಕೀಯದಲ್ಲಿ ಕಪ್ಪುಹಣವನ್ನು ಬಹುತೇಕ ಅಂತ್ಯಗೊಳಿಸಿವೆ. ಇದಕ್ಕಾಗಿಯೇ ರಾಹುಲ್ ಗಾಂ„ ನೇತೃತ್ವದ ಇಡೀ ಇಂಡಿಯಾ ಬಣವು ಬಾಂಡ್ಗಳಿಗೆ ವಿರುದ್ಧವಾಗಿತ್ತು ಮತ್ತು ಅವರು ಮತ್ತೊಮ್ಮೆ ರಾಜಕೀಯವನ್ನು ಆಳಲು ಹಳೆಯ ಕಟ್ ಮನಿ ವ್ಯವಸ್ಥೆಯನ್ನು ಬಯಸಿದ್ದರು ಎಂದಿದ್ದಾರೆ.