ನವದೆಹಲಿ,ಅ.11- ಜಾಗತಿಕ ಆರ್ಥಿಕತೆಯ ಆತಂಕದ ನಡುವೆಯೇ ಭಾರತದಲ್ಲಿ ದೃಢವಾದ ಆರ್ಥಿಕ ಬೆಳವಣಿಗೆಯನ್ನು IMF ಒಪ್ಪಿಕೊಂಡಿದ್ದು, ದೇಶವು ಜಾಗತಿಕ ಉಜ್ವಲ ತಾಣವಾಗಿದೆ ಮತ್ತು ಬೆಳವಣಿಗೆ ಮತ್ತು ನಾವೀನ್ಯತೆಯ ಶಕ್ತಿ ಕೇಂದ್ರವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.
ಅಂತರಾಷ್ಟ್ರೀಯ ಹಣಕಾಸು ನಿಧಿ ಭಾರತದ ಜಿಡಿಪಿಯನ್ನು ಶೇ. 0.2 ರಿಂದ 6.3 ಹೆಚ್ಚಿಸಿದೆ, ಅದು ಜಾಗತಿಕ ಬೆಳವಣಿಗೆಯ ಮುನ್ಸೂಚನೆಯನ್ನು ಶೇಕಡಾ 3 ಕ್ಕೆ ತಗ್ಗಿಸಿದೆ ಎಂದು ಅವರು ತಿಳಿಸಿದ್ದಾರೆ. ನಮ್ಮ ಜನರ ಶಕ್ತಿ ಮತ್ತು ಕೌಶಲ್ಯದಿಂದ ಬಲಗೊಂಡಿರುವ ಭಾರತವು ಜಾಗತಿಕ ಉಜ್ವಲ ತಾಣವಾಗಿದೆ, ಬೆಳವಣಿಗೆ ಮತ್ತು ನಾವೀನ್ಯತೆಯ ಶಕ್ತಿ ಕೇಂದ್ರವಾಗಿದೆ. ನಾವು ಸಮೃದ್ಧ ಭಾರತದತ್ತ ನಮ್ಮ ಪ್ರಯಾಣವನ್ನು ಬಲಪಡಿಸುವುದನ್ನು ಮುಂದುವರಿಸುತ್ತೇವೆ, ನಮ್ಮ ಸುಧಾರಣೆಗಳ ಪಥವನ್ನು ಇನ್ನಷ್ಟು ಹೆಚ್ಚಿಸುತ್ತೇವೆ ಎಂದು ಪ್ರಧಾನಿ ಎಕ್ಸ್ ಮಾಡಿದ್ದಾರೆ.
ಚೀನಾಗೆ ನೆರವು ನೀಡಿದ್ದನ್ನು ಒಪ್ಪಿಕೊಂಡ ಅಮೆರಿಕನ್ ನಾವಿಕ
ಭಾರತದ ಬೆಳವಣಿಗೆಯು 2023 ಮತ್ತು 2024 ಎರಡರಲ್ಲೂ ಶೇ.6.3 ರಲ್ಲಿ ಬಲವಾಗಿ ಉಳಿಯುತ್ತದೆ ಎಂದು ನಿರೀಕ್ಷಿಸಲಾಗಿದೆ, 2023 ಕ್ಕೆ ಶೇ.0.2 ಪಾಯಿಂಟ್‍ನ ಮೇಲ್ಮುಖ ಪರಿಷ್ಕರಣೆಯೊಂದಿಗೆ, ಏಪ್ರಿಲ-ಜೂನ್ ಅವಧಿಯಲ್ಲಿ ನಿರೀಕ್ಷಿತ ಬಳಕೆಗಿಂತ ಬಲವಾದ ಬಳಕೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ವಲ್ಡರ್ ಎಕನಾಮಿಕ್ ಔಟ್‍ಲುಕ್ ಹೇಳಿದೆ ಎಂದಿದ್ದಾರೆ.
ಭಾರತದ ಬೆಳವಣಿಗೆಯು ವಿಶ್ವದ ಎರಡನೇ ಅತಿದೊಡ್ಡ ಆರ್ಥಿಕತೆಯಾಗಿರುವ ಚೀನಾಕ್ಕಿಂತ ಹೆಚ್ಚಾಗಿರುತ್ತದೆ ಎಂದು ಅಂದಾಜಿಸಲಾಗಿದೆ.