ಭುವನೇಶ್ವರ್‌, ಅ.19 (ಪಿಟಿಐ)- ಸೇನಾ ಅಧಿಕಾರಿಯೊಬ್ಬರಿಗೆ ಚಿತ್ರಹಿಂಸೆ ನೀಡಿದ ಆರೋಪ ಮತ್ತು ಬಂಧನದಲ್ಲಿರುವ ಆತನ ಪ್ರೇಯಸಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪಕ್ಕೆ ಸಂಬಂಧಿಸಿದಂತೆ ಐವರು ಪೊಲೀಸ್‌ ಸಿಬ್ಬಂದಿಗಳ ಪಾಲಿಗ್ರಾಫ್‌ ಪರೀಕ್ಷೆಗಳು ನಡೆದಿವೆ ಎಂದು ಒಡಿಶಾ ಪೊಲೀಸರ ಅಪರಾಧ ವಿಭಾಗವು ನ್ಯಾಯಮೂರ್ತಿ ಸಿಆರ್‌ ದಾಶ್‌ ನೇತತ್ವದ ನ್ಯಾಯಾಂಗ ಆಯೋಗಕ್ಕೆ ಮಾಹಿತಿ ನೀಡಿದೆ.
ಗುಜರಾತ್‌ನ ಗಾಂಧಿನಗರದಲ್ಲಿ ಭರತ್‌ಪುರ ಪೊಲೀಸ್‌ ಠಾಣೆಯ ಮಾಜಿ ಇನ್ಸ್ ಪೆಕ್ಟರ್‌ ದಿನಕಷ್ಣ ಮಿಶ್ರಾ ಅವರ ಬ್ರೈನ್‌ ವ್ಯಾಪಿಂಗ್‌ ಮತ್ತು ನಾರ್ಕೋ-ಅನಾಲಿಸಿಸ್‌ ಪರೀಕ್ಷೆಗಳನ್ನು ನಡೆಸಲಾಗಿದೆ ಎಂದು ಆಯೋಗಕ್ಕೆ ತಿಳಿಸಲಾಗಿದೆ.
ಸೆಪ್ಟಂಬರ್‌ 15 ರಂದು ಭರತ್‌ಪುರ ಪೊಲೀಸ್‌ ಠಾಣೆಗೆ ರಸ್ತೆ ಆಕ್ರೋಶದ ದೂರು ನೀಡಲು ಹೋದಾಗ ಸೇನಾಧಿಕಾರಿಯೊಬ್ಬರು ಚಿತ್ರಹಿಂಸೆಗೆ ಒಳಗಾಗಿದ್ದರು ಮತ್ತು ಅವರ ಪ್ರೇಯಸಿಯನ್ನು ಪೊಲೀಸರು ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗಿದ್ದರು.ಘಟನೆಗೆ ಸಂಬಂಧಿಸಿದಂತೆ ಭರತ್‌ಪುರ ಪೊಲೀಸ್‌ ಠಾಣೆಯ ಐಐಸಿ ಸೇರಿದಂತೆ ಐವರು ಪೊಲೀಸ್‌ ಸಿಬ್ಬಂದಿಯನ್ನು ಒಡಿಶಾ ಪೊಲೀಸರು ಈ ಹಿಂದೆ ಅಮಾನತುಗೊಳಿಸಿದ್ದರು. ನಾವು ಅಮಾನತುಗೊಂಡಿರುವ ಐವರು ಪೊಲೀಸ್‌ ಅಧಿಕಾರಿಗಳ ಪಾಲಿಗ್ರಾಫ್‌ ಪರೀಕ್ಷೆಯನ್ನು ಪೂರ್ಣಗೊಳಿಸಿದ್ದೇವೆ… ವರದಿಗಳನ್ನು ನಿರೀಕ್ಷಿಸಲಾಗುತ್ತಿದೆ ಎಂದು ಅಪರಾಧ ವಿಭಾಗದ ಎಡಿಜಿ ವಿನಯ್ತೋಷ್‌ ಮಿಶ್ರಾ ಇಲ್ಲಿ ಸುದ್ದಿಗಾರರಿಗೆ ತಿಳಿಸಿದರು.