ಬೆಂಗಳೂರು, ನ. 12– ಅಂಬಿ ಮತ್ತೆ ಹುಟ್ಟಿ ಬಾ ಎಂಬ ಚಿತ್ರದಂತೆ ರೆಬೆಲ್‌ ಸ್ಟಾರ್‌ ಅಂಬರೀಶ್‌ ಅವರು ಮತ್ತೆ ಧರೆಗಿಳಿದಿದ್ದು ಸುಮಲತಾ ಅಂಬರೀಷ್‌ ಮನೆಯಲ್ಲಿ ಸಂಭ್ರಮ ಮನೆ ಮಾಡಿದೆ.
ಇಂದು ಬೆಳಗ್ಗೆ 8.30ಕ್ಕೆ ಜ್ಯೂನಿಯರ್‌ ಅಂಬರೀಶ್‌ ಆಗಮನವಾಗಿದೆ ಎಂದು ನಟ ಅಭಿಷೇಕ್‌ ಅಂಬರೀಷ್‌ ಹಾಗೂ ಅವಿವಾ ಬಿದ್ದಪ್ಪ ಅವರು ತಮ ಮಗುವಿನ ಫೋಟೋವನ್ನು ರಿವೀಲ್‌ ಮಾಡುವ ಮೂಲಕ ಅಭಿಮಾನಿಗಳಿಗೆ ಸಂತಸದ ವಿಷಯ ನೀಡಿದ್ದಾರೆ.
2018ರ ನವೆಂಬರ್‌ 24 ರಂದು ರೆಬೆಲ್‌ ಸ್ಟಾರ್‌ ಅಂಬರೀಷ್‌ ಅವರು ಇಹಲೋಕ ಯಾತ್ರೆ ಮುಗಿಸಿದ್ದು, 2024ರ ನವೆಂಬರ್‌ 12 ರಂದು ಅಭಿಷೇಕ್‌ ಅಂಬರೀಷ್‌ ಅವರಿಗೆ ಪುತ್ರ ಜನಿಸಿದ್ದು ನಮ ಮೆಚ್ಚಿನ ನಟ , ಕಲಿಯುಗ ಕರ್ಣನೇ ಮತ್ತೆ ಹುಟ್ಟಿ ಬಂದಿದ್ದಾನೆ ಎಂಬ ಸಂತಸವನ್ನು ಅಭಿಮಾನಿಗಳು ತಮ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.
2023ರಲ್ಲಿ ಅಭಿ ಹಾಗೂ ಅವಿವಾ ಅವರ ವಿವಾಹವು ಅದ್ಧೂರಿಯಾಗಿ ನಡೆದಿದ್ದು, ಇತ್ತೀಚೆಗೆ ಅವಿವಾ ಅವರ ಸೀಮಂತ ಕಾರ್ಯಕ್ರಮವು ಅದ್ದೂರಿಯಾಗಿ ನಡೆದಿದ್ದು ,ಸದ್ಯದಲ್ಲೇ ತಮ ಮನೆಗೆ ಹೊಸ ಅತಿಥಿ ಆಗಮನವಾಗಲಿದೆ ಎಂಬ ಸಂತಸವನ್ನು ಅಭಿಷೇಕ್‌ ಅಂಬರೀಷ್‌ ಅವರು ತಮ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದರು.