ರಾಂಚಿ, ನ 14 (ಪಿಟಿಐ) ಬುಡಕಟ್ಟು ಜನಾಂಗದ ಬಿರ್ಸಾ ಮುಂಡಾ ಅವರ ತ್ಯಾಗಗಳಿಂದ ತುಂಬಿದ ಜೀವನವೂ ರಾಷ್ಟ್ರ ಸೇವೆಗೆ ಅಪ್ರತಿಮ ಉದಾಹರಣೆಯಾಗಿದೆ ಎಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಮುಂಡಾ ಅವರ ಜನ್ಮ ವಾರ್ಷಿಕೋತ್ಸವದ ಶುಭಾಷಯ ಕೋರಿದ್ದಾರೆ.
ಇಂದಿನ ಜಾರ್ಖಂಡ್‌ನಲ್ಲಿ 1875 ರಲ್ಲಿ ಜನಿಸಿದ ಮುಂಡಾ, ಬ್ರಿಟಿಷರ ವಿರುದ್ಧ ಬುಡಕಟ್ಟು ದಂಗೆಯನ್ನು ಮುನ್ನಡೆಸಿದರು. ಬಂಧನದಲ್ಲಿದ್ದಾಗ ಅವರು 25 ನೇ ವಯಸ್ಸಿನಲ್ಲಿ ನಿಧನರಾದರು.
ಭಗವಾನ್‌ ಬಿರ್ಸಾ ಮುಂಡಾ ಜಿ ಅವರು ಮಾತಭೂಮಿಯ ಹೆಮೆ ಮತ್ತು ಘನತೆಯನ್ನು ರಕ್ಷಿಸಲು ಎಲ್ಲವನ್ನೂ ತ್ಯಾಗ ಮಾಡಿದ್ದಾರೆ. ಅವರ ಜನ ವಾರ್ಷಿಕೋತ್ಸವದ ಶುಭ ಸಂದರ್ಭದಲ್ಲಿ ನಾನು ಅವರಿಗೆ ನನ್ನ ಹತ್ಪೂರ್ವಕ ಗೌರವವನ್ನು ಸಲ್ಲಿಸುತ್ತೇನೆ ಎಂದು ಪ್ರಧಾನಿ ಮೋದಿ ಎಕ್ಸ್ ನಲ್ಲಿ ಪೋಸ್ಟ್‌ ಮಾಡಿದ್ದಾರೆ.
ರಾಜ್ಯಪಾಲ ಸಂತೋಷ್‌ ಕುಮಾರ್‌ ಗಂಗ್ವಾರ್‌ ಅವರು ಇಲ್ಲಿನ ರಾಜಭವನ, ಬಿರ್ಸಾ ಚೌಕ್‌ ಮತ್ತು ಕೋಕರ್‌ ಸಾರಕದಲ್ಲಿರುವ ಬುಡಕಟ್ಟು ಯೋಧನ ಪ್ರತಿಮೆಗಳಿಗೆ ಪುಷ್ಪ ನಮನ ಸಲ್ಲಿಸಿದರು. ಈ ದಿನವು ಬುಡಕಟ್ಟು ಸಮುದಾಯದ ಅಪ್ರತಿಮ ಕೊಡುಗೆ ಮತ್ತು ಅವರ ಶೌರ್ಯವನ್ನು ಪ್ರತಿಬಿಂಬಿಸುತ್ತದೆ ಎಂದು ರಾಜ್ಯಪಾಲರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಈ ದಿನವು ಜಾರ್ಖಂಡ್‌ಗೆ ವಿಶೇಷವಾಗಿದೆ ಎಂದು ಮುಖ್ಯಮಂತ್ರಿ ಹೇಮಂತ್‌ ಸೊರೆನ್‌ ಹೇಳಿದ್ದಾರೆ, ಇದು ಬುಡಕಟ್ಟು ದಂತಕಥೆಯ ಜನದಿನ ಮತ್ತು ರಾಜ್ಯದ ಸಂಸ್ಥಾಪನಾ ದಿನವಾಗಿದೆ ಎಂದು ಹೇಳಿದ್ದಾರೆ.