ಪ್ಯಾರಿಸ್‌, ಡಿ.5– ಫ್ರಾನ್ಸ್ ನ ಸಂಸತ್ತಿನಲ್ಲಿ ಪ್ರಧಾನಿ ಮೈಕೆಲ್‌ ಬಾರ್ನಿಯರ್‌ ವಿಶ್ವಾಸ ಮತವನ್ನು ಕಳೆದುಕೊಂಡಿದ್ದರಿಂದ ಫ್ರಂಚ್‌ ಸರ್ಕಾರ ಪತನಗೊಂಡಿದೆ. ಬಲಪಂಥೀಯ ಮತ್ತು ಎಡಪಂಥೀಯ ಸಂಸದರ ಐತಿಹಾಸಿಕ ಅಧಿವೇಶನಲ್ಲಿ ಪ್ರಧಾನಿ ವಿರುದ್ದ ಅವಿಶ್ವಾಸ ಮತಚಲಾಯಿಸಿದ ಪರಿಣಾಮ, ಪ್ರಧಾನಿ ಮೈಕೆಲ್‌ ಬಾರ್ನಿಯರ್‌ ಮತ್ತು ಅವರ ಕ್ಯಾಬಿನೆಟ್‌ ಸಚಿವರು ರಾಜೀನಾಮೆ ನೀಡುವುದು ಅನಿವಾರ್ಯವಾಗಿದೆ.
ಕಳೆದ 1962 ನಂತರ ಮೊದಲ ಬಾರಿಗೆ ರಾಷ್ಟ್ರೀಯ ಅಸೆಂಬ್ಲಿ ಯಲ್ಲಿ ನಡೆದ ಮತದಾನದಲ್ಲಿ 331 ಮತಗಳಿಂದ ಈ ನಿರ್ಣಯವನ್ನು ಅಂಗೀಕರಿಸಲಾಗಿದೆ.ಈ ನಡುವೆ
ಫ್ರಾನ್ಸ್ ನ ಅಧ್ಯಕ್ಷ ಎಮ್ಯಾನುಯೆಲ್‌ ಮ್ಯಾಕ್ರೋನ್‌ ಅವರು ಮುಂದಿನ 2027 ರವರೆಗೆ ತಮ ಅವಧಿಯನ್ನು ಪೂರೈಸುವುದಾಗಿ ಹೇಳಿದ್ದಾರೆ.. ಆದಾಗ್ಯೂ ಎರಡನೇ ಬಾರಿಗೆ ಹೊಸ ಪ್ರಧಾನ ಮಂತ್ರಿಯನ್ನು ನೇಮಿಸಬೇಕಾಗುತ್ತದೆ.
ಮ್ಯಾಕ್ರನ್‌ ಅವರು ಇಂದು ಫ್ರೆಂಚ್‌ ಜನತೆಯನು ಉದ್ದೇಶಿಸಿ ಮಾತನಾಡಲಿದ್ದಾರೆ ಎಂದು ಅವರ ಕಚೇರಿ ತಿಳಿಸಿದೆ. ಅಷ್ಟರೊಳಗೆ ಬಾರ್ನಿಯರ್‌ ಔಪಚಾರಿಕವಾಗಿ ರಾಜೀನಾಮೆ ನೀಡುವ ನಿರೀಕ್ಷೆಯಿದೆ.
ಕಳೆದ ಸೆಪ್ಟೆಂಬರ್‌ನಲ್ಲಿ ನೇಮಕಗೊಂಡ ಸಂಪ್ರದಾಯವಾದಿ, ಬಾರ್ನಿಯರ್‌ ಫ್ರಾನ್‌್ಸನ ಆಧುನಿಕ ಗಣರಾಜ್ಯದಲ್ಲಿ ಅತಿ ಕಡಿಮೆ ಅವಧಿಯ ಪ್ರಧಾನ ಮಂತ್ರಿಯಾಗುತ್ತಾರೆ.
ಫ್ರಾನ್ಸ್ ಮತ್ತು ಫ್ರೆಂಚರಿಗೆ ಘನತೆಯಿಂದ ಸೇವೆ ಸಲ್ಲಿಸಿರುವುದು ನನಗೆ ಗೌರವವಾಗಿ ಉಳಿಯುತ್ತದೆ ಎಂದು ನಾನು ನಿಮಗೆ ಹೇಳಬಲ್ಲೆ ಎಂದು ಬಾರ್ನಿಯರ್‌ ಮತದಾನದ ಮೊದಲು ತಮ ಅಂತಿಮ ಭಾಷಣದಲ್ಲಿ ಹೇಳಿದರು.
ಈ ಅವಿಶ್ವಾಸ ನಿರ್ಣಯ… ಎಲ್ಲವನ್ನೂ ಹೆಚ್ಚು ಗಂಭೀರ ಮತ್ತು ಕಷ್ಟಕರವಾಗಿಸುತ್ತದೆ. ಅದು ನನಗೆ ಖಚಿತವಾಗಿದೆಎಂದು ಅವರು ಹೇಳಿದರು.ಬಾರ್ನಿಯರ್‌ ಅವರ ಪ್ರಸ್ತಾವಿತ ಬಜೆಟ್‌ಗೆ ತೀವ್ರ ವಿರೋಧದಿಂದ ಏರಿತು. ಫ್ರಾನ್‌್ಸನ ಸಂಸತ್ತಿನ ಕೆಳಮನೆಯಾದ ನ್ಯಾಶನಲ್‌ ಅಸೆಂಬ್ಲಿಯಲ್ಲಿ ಯಾವುದೇ ಪಕ್ಷವು ಬಹುಮತವನ್ನು ಹೊಂದಿಲ್ಲ ಹಾಗಾಗಿ ಮತ ವಿಭಜನೆಯಾಗಿದೆ.
ಮ್ಯಾಕ್ರನ್‌ ಹೊಸ ಪ್ರಧಾನ ಮಂತ್ರಿಯನ್ನು ನೇಮಿಸಬೇಕು, ಆದರೆ ಛಿದ್ರಗೊಂಡ ಸಂಸತ್ತು ಬದಲಾಗದೆ ಉಳಿದಿದೆ. ಕನಿಷ್ಠ ಜುಲೈ ವರೆಗೆ ಯಾವುದೇ ಹೊಸ ಶಾಸಕಾಂಗ ಚುನಾವಣೆಗಳನ್ನು ನಡೆಸಲಾಗುವುದಿಲ್ಲ, ಇದು ನೀತಿ ನಿರೂಪಕರಿಗೆ ಸಂಭಾವ್ಯಪ್ರತಿಕೂಲತೆಯನ್ನು ಸೃಷ್ಟಿಸುತ್ತದೆ ಎಂದು ಹೇಳಲಾಗಿದೆ.
ಅಮೆರಿಕ ಶೈಲಿಯಂತೆ ಅಧಿಕಾರ ಕಳೆದುಕೊಳ್ಳುವ ಅಪಾಯದಲ್ಲಿಲ್ಲದಿದ್ದರೂ, ಫ್ರಾನ್ಸ್ ಅಧ್ಯಕ್ಷರಿಗೆ ರಾಜಕೀಯ ಅಸ್ಥಿರತೆಯು ಹಣಕಾಸಿನ ಮಾರುಕಟ್ಟೆಗಳನ್ನು ಪ್ರಚೋದಿಸಬಹುದು ಎನ್ನಲಾಗಿದೆ.