ಇಂಫಾಲ, ಡಿ 12 (ಪಿಟಿಐ) ಮಣಿಪುರದ ತೌಬಲ್‌ ಜಿಲ್ಲೆಯಲ್ಲಿ ನಿಷೇಧಿತ ಉಗ್ರಗಾಮಿ ಸಂಘಟನೆ ಪೀಪಲ್ಸ್‌ ರೆವಲ್ಯೂಷನರಿ ಪಾರ್ಟಿ ಆಫ್‌ ಕಂಗ್ಲೇಪಕ್‌ (ಪ್ರೆಪಕ್‌-ಪೊ)ದ ಮೂವರು ಕಾರ್ಯಕರ್ತರನ್ನು ಬಂಧಿಸಲಾಗಿದೆ.ಅಕ್ರಮ ಗುಂಪಿನ ಬಂಧಿತ ಸದಸ್ಯರು ಸುಲಿಗೆಯಲ್ಲಿ ತೊಡಗಿದ್ದರು ಎಂದು ಪೊಲೀಸ್‌ ಹೇಳಿಕೆ ತಿಳಿಸಿದೆ.
ಪ್ರೆಪಕ್‌ (ಪೊ) ಸಂಘಟನೆಯ ಕೆಲವು ಸಕ್ರಿಯ ಕಾರ್ಯಕರ್ತರು ತೌಬಲ್‌ ಅಥೋಕ್‌ಪಾಮ್‌ ಪ್ರದೇಶದಲ್ಲಿ ಮತ್ತು ಸುತ್ತಮುತ್ತಲಿನ ಪ್ರದೇಶದಲ್ಲಿ ಅಡ್ಡಾಡುತ್ತಿದ್ದಾರೆ ಎಂಬ ಮಾಹಿತಿಯ ಮೇರೆಗೆ, ಕಮಾಂಡೋ ಯುನಿಟ್‌ ತೌಬಲ್‌ನ ಸಂಯೋಜಿತ ತಂಡ ಮತ್ತು 4 ಎಆರ್‌ (ಅಸ್ಸಾಂ ರೈಫಲ್ಸ್‌) ತಂಡ ಎಚ್‌ಡಿಎಫ್‌ಸಿ ಬ್ಯಾಂಕ್‌ ಬಳಿಯ ಪ್ರದೇಶಕ್ಕೆ ಧಾವಿಸಿ ಸುತ್ತಮುತ್ತಲಿನ ಕಾನೂನುಬಾಹಿರ ಸಂಘಟನೆಯ ಮೂವರು ಸಕ್ರಿಯ ಕಾರ್ಯಕರ್ತರನ್ನು ಬಂಧಿಸಿದೆ.
ಬಂಧಿತರನ್ನು ನಂಬ್ರಮ್‌ ಇಂದ್ರಜಿತ್‌ ಸಿಂಗ್‌, ರಾಜ್‌ಕುಮಾರ್‌ ಮೊಹೆನ್‌ ಸನಾ ಮತ್ತು ವಾರೆಪಮ್‌ ಆಲ್ಬರ್ಟ್‌ ಮೈತೆ ಥೋಯ್‌ ಎಂದು ಗುರುತಿಸಲಾಗಿದೆ.ಅವರ ವಶದಿಂದ ಒಂದು ಗ್ರೆನೇಡ್‌, ಪ್ರಿಪಕ್‌ (ಪೊ) ಬೇಡಿಕೆ ಪತ್ರಗಳು, ಮೂರು ಮೊಬೈಲ್‌ ಫೋನ್‌ಗಳು ಮತ್ತು ಒಂದು ಮೋಟಾರ್‌ಸೈಕಲ್‌ ಅನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ವಿಚಾರಣೆಯ ವೇಳೆ, ಬಂಧಿತ ಉಗ್ರಗಾಮಿ ಸಂಘಟನೆಯ ಕಾರ್ಯಕರ್ತರು ತಮ ಸಂಘಟನೆಯ ಸಿಂಥೋಯಿಬಾ ಅವರ ಸೂಚನೆಯ ಮೇರೆಗೆ ತೌಬಲ್‌ ಜಿಲ್ಲೆಯ ಶಾಲೆಗಳು, ಕಾಲೇಜುಗಳು ಮತ್ತು ಸರ್ಕಾರಿ ಕಚೇರಿಗಳಿಂದ ಸುಲಿಗೆಯಲ್ಲಿ ತೊಡಗಿದ್ದರು ಎಂದು ಒಪ್ಪಿಕೊಂಡಿದ್ದಾರೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ಬಂಧಿತ ವ್ಯಕ್ತಿಗಳನ್ನು ವಶಪಡಿಸಿಕೊಂಡ ವಸ್ತುಗಳೊಂದಿಗೆ ಮುಂದಿನ ಕಾನೂನು ಕ್ರಮ ಜರುಗಿಸಲು ತೌಬಲ್‌ ಪೊಲೀಸ್‌ ಠಾಣೆಗೆ ಹಸ್ತಾಂತರಿಸಲಾಗಿದೆ.ಏತನಧ್ಯೆ, ಭದ್ರತಾ ಪಡೆಗಳು, ಚುರಾಚಂದ್‌ಪುರ ಮತ್ತು ಚಾಂಡೆಲ್‌ ಜಿಲ್ಲೆಗಳಲ್ಲಿ ಪ್ರತ್ಯೇಕ ಶೋಧ ಕಾರ್ಯಾಚರಣೆಯಲ್ಲಿ 10 ಬಂದೂಕುಗಳು ಮತ್ತು ಮದ್ದುಗುಂಡುಗಳ ಸಂಗ್ರಹವನ್ನು ವಶಪಡಿಸಿಕೊಂಡಿದ್ದಾರೆ ಎಂದು ಮತ್ತೊಂದು ಪೊಲೀಸ್‌ ಹೇಳಿಕೆ ತಿಳಿಸಿದೆ.