ರಾಂಪುರ (ಯುಪಿ), ಡಿ 25 (ಪಿಟಿಐ) ಉತ್ತರ ಪ್ರದೇಶದ ಪಿಲಿಭಿತ್‌ನಲ್ಲಿ ಎನ್‌ಕೌಂಟರ್‌ನಲ್ಲಿ ಹತರಾದ ಖಲಿಸ್ತಾನ್‌ ಜಿಂದಾಬಾದ್‌ ಫೋರ್ಸ್‌ನ ಮೂವರು ಶಂಕಿತ ಭಯೋತ್ಪಾದಕರ ಮತದೇಹಗಳನ್ನು ಪಂಜಾಬ್‌ಗೆ ಕೊಂಡೊಯ್ಯುತ್ತಿದ್ದ ಆಂಬುಲೆನ್ಸ್ ಗೆ ಅಪರಿಚಿತ ವಾಹನವೊಂದು ಡಿಕ್ಕಿ ಹೊಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ತಡರಾತ್ರಿ ರಾಮ್‌ಪುರ ಬೈಪಾಸ್‌‍ನಲ್ಲಿ ಸಂಭವಿಸಿದ ಘಟನೆಯಲ್ಲಿ ಯಾರಿಗೂ ಗಾಯವಾಗಿಲ್ಲ, ಆದರೆ ಆಂಬ್ಯುಲೆನ್‌್ಸಗೆ ಹಾನಿಯಾಗಿದೆ ನಂತರ ಮತದೇಹಗಳನ್ನು ಮತ್ತೊಂದು ವಾಹನಕ್ಕೆ ಸ್ಥಳಾಂತರಿಸಲಾಯಿತು ಎಂದು ಅವರು ವಿವರಣೆ ನೀಡಿದ್ದಾರೆ.
ಪಿಲಿಭಿತ್‌ನಿಂದ ಪಂಜಾಬ್‌ಗೆ ಮೂವರು ಶಂಕಿತ ಭಯೋತ್ಪಾದಕರ ಶವಗಳನ್ನು ಹೊತ್ತೊಯ್ಯುತ್ತಿದ್ದ ಆಂಬ್ಯುಲೆನ್ಸ್ ಗೆ ತಡರಾತ್ರಿ ರಾಂಪುರ ಬೈಪಾಸ್‌‍ನಲ್ಲಿ ಅಪರಿಚಿತ ವಾಹನ ಡಿಕ್ಕಿ ಹೊಡೆದಿದೆ ಎಂದು ರಾಂಪುರ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ವಿದ್ಯಾಸಾಗರ್‌ ಮಿಶ್ರಾ ಹೇಳಿದ್ದಾರೆ. ಘಟನೆಯಲ್ಲಿ ಯಾವುದೇ ಪ್ರಾಣಹಾನಿಯಾಗಿಲ್ಲ ಎಂದರು.
ಅಪಘಾತದ ಬಗ್ಗೆ ಮಾಹಿತಿ ಪಡೆದ ಕೂಡಲೇ ರಾಂಪುರ ಪೊಲೀಸರು ಸ್ಥಳಕ್ಕೆ ಧಾವಿಸಿ, ಮೂರು ಮತದೇಹಗಳನ್ನು ಹಾನಿಗೊಳಗಾದ ವಾಹನದಿಂದ ಮತ್ತೊಂದು ಆಂಬ್ಯುಲೆನ್‌್ಸಗೆ ಸ್ಥಳಾಂತರಿಸಿ ಮುಂದೆ ಸಾಗಿಸಲು ಅನುವು ಮಾಡಿಕೊಟ್ಟಿದ್ದಾರೆ.
ಪಂಜಾಬ್‌ ಪೊಲೀಸರು ಮತ್ತು ಉತ್ತರ ಪ್ರದೇಶ ಪೊಲೀಸರ ಜಂಟಿ ತಂಡವು ಸೋಮವಾರ ಪಿಲಿಭಿತ್‌ನ ಪುರನ್‌ಪುರದಲ್ಲಿ ನಡೆದ ಎನ್‌ಕೌಂಟರ್‌ನಲ್ಲಿ ಗುರುದಾಸ್‌‍ಪುರದ ಪೊಲೀಸ್‌ ಪೋಸ್ಟ್‌ ಮೇಲೆ ಗ್ರೆನೇಡ್‌ ದಾಳಿಯಲ್ಲಿ ಭಾಗಿಯಾಗಿದ್ದ ಮೂವರು ಶಂಕಿತ ಭಯೋತ್ಪಾದಕರನ್ನು ಹತ್ಯೆ ಮಾಡಿತ್ತು.