ನವದೆಹಲಿ,ಡಿ.27- ಮಾಜಿ ಪ್ರಧಾನಿ ಡಾ.ಮನಮೋಹನ್ ಸಿಂಗ್ ಸಮಯ ಸಿಕ್ಕಾಗಲೆಲ್ಲ ಡೆಹ್ರಾಡೂನ್‌ಗೆ ಬಂದು ತಂಗುತ್ತಿದ್ದರು. ಡೆಹ್ರಾಡೂನ್‌ನೊಂದಿಗೆ ಆಳವಾದ ಆಧ್ಯಾತಿಕ ಬಾಂಧವ್ಯ ಹೊಂದಲು ಬಹುಶಃ ಇದೇ ಕಾರಣವಾಗಿತ್ತು.ಅವರ ಚಿಕ್ಕಪ್ಪ ಡೆಹ್ರಾಡೂನ್‌ನಲ್ಲಿ ವಾಸಿಸುತ್ತಿದ್ದರು. ಡಾ. ಮನಮೋಹನ್ ಸಿಂಗ್ ಅವರ ಸಂಬಂಧಿ ದಿವಂಗತ ಹರ್ಭಜನ್‌ ಸಿಂಗ್ ಕೊಹ್ಲಿ ಮತ್ತು ಅಮರಜೀತ್‌ ಸಿಂಗ್ ಕೊಹ್ಲಿ ಬಗ್ಗೆ ಅಪಾರ ಪ್ರೀತಿ ಮತ್ತು ವಾತ್ಸಲ್ಯ ಹೊಂದಿದ್ದರು. ಅವರನ್ನು ಭೇಟಿಯಾಗಲು ಆಗಾಗ ಅವರು ಡೆಹ್ರಾಡೂನ್‌ಗೆ ಭೇಟಿ ನೀಡುತ್ತಿದ್ದರು.
ಜಾಲಿಗ್ರಾಂಟ್‌ ಹಿಮಾಲಯನ್‌ ಇನ್ಸ್ಟಿಟ್ಯೂಟ್‌ :
ಡಾ.ಮನಮೋಹನ್ ಸಿಂಗ್ ಅವರು ಜಾಲಿಗ್ರಾಂಟ್‌ ಹಿಮಾಲಯನ್‌ ಇನ್ಸ್ಟಿಟ್ಯೂಟ್‌ನ ಸಂಸ್ಥಾಪಕ ಸ್ವಾಮಿರಾಮ್‌ ಜಿ ಅವರೊಂದಿಗೆ ವೈಯಕ್ತಿಕ ಸಂಬಂಧ ಹೊಂದಿದ್ದರು. ಅವರು ಡೆಹ್ರಾಡೂನ್‌ ತಲುಪಬೇಕಾದಾಗ, ಅವರು ಆಗಾಗ್ಗೆ ಸ್ವಾಮಿ ರಾಮ್‌ ಜೀ ಅವರನ್ನು ಭೇಟಿಯಾಗುತ್ತಿದ್ದರು.
ಕೊಹ್ಲಿ ಕುಟುಂಬದಲ್ಲಿ ಶೋಕದ ಅಲೆ: ಮಾಜಿ ಪ್ರಧಾನಿ ಡಾ.ಮನಮೋಹನ್ ಸಿಂಗ್ ಅವರ ನಿಧನದ ಸುದ್ದಿ ಇಡೀ ಕುಟುಂಬವನ್ನು ತೀವ್ರ ದುಃಖದಲ್ಲಿ ಮುಳುಗಿಸಿದೆ ಎಂದು ಡಾ.ಮನಮೋಹನ್ ಸಿಂಗ್ ಅವರ ಸಂಬಂಧಿ ಅಮರಜೀತ್‌ ಸಿಂಗ್ ಕೊಹ್ಲಿ ಹೇಳಿದ್ದಾರೆ. ಅವರ ನಿಧನ ಸಮಾಜಕ್ಕೆ ಮಾತ್ರವಲ್ಲ ಇಡೀ ದೇಶಕ್ಕೆ ತುಂಬಲಾರದ ನಷ್ಟವಾಗಿದೆ ಎಂದು ಅವರು ದುಃಖ ವ್ಯಕ್ತಪಡಿಸಿದ್ದಾರೆ.
ನರೇಗಾ ಆರಂಭಿಸಿದ್ದ ಸಿಂಗ್:
ಮನಮೋಹನ್ ಸಿಂಗ್ 2005ರಲ್ಲಿ ದೇಶದಲ್ಲಿ ವ್ಯಾಟ್‌ ಜಾರಿಗೊಳಿಸುವ ಮೂಲಕ ಹಳೆಯ ಸಂಕೀರ್ಣ ಮಾರಾಟ ತೆರಿಗೆ ಪದ್ಧತಿಯನ್ನು ರದ್ದುಗೊಳಿಸಿದ್ದರು. ಅವರ ಅಧಿಕಾರಾವಧಿಯಲ್ಲಿಯೇ ದೇಶದಲ್ಲಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತರಿ ಯೋಜನೆ ಪ್ರಾರಂಭಿಸಲಾಯಿತು. ಈಗ ಈ ಯೋಜನೆಯನ್ನು ಮನ್‌ ನರೇಗ ಎಂದು ಕರೆಯಲಾಗುತ್ತದೆ.