ಬೆಂಗಳೂರು,ಫೆ.9- ಯಲಹಂಕ ವಾಯುನೆಲೆಗೆ ಅಮೆರಿಕ ಮತ್ತು ರಷ್ಯಾ ಯುದ್ಧ ವಿಮಾನಗಳು ಬಂದಿಳಿದಿವೆ. ನಾಳೆಯಿಂದ 15ನೇ ಆವತ್ತಿಯ ಏರೋ ಇಂಡಿಯಾ ವೈಮಾನಿಕ ಪ್ರದರ್ಶನ ಆರಂಭವಾಗಲಿದೆ. ಈಗಾಗಲೇ ಅಮೆರಿಕದ ಎಫ್ -35, ರಷ್ಯಾದ ಎಸ್ಯು-35 ಯುದ್ಧ ವಿಮಾನಗಳು ಯಲಹಂಕದ ವಾಯುನೆಲೆಗೆ ಆಗಮಿಸಿವೆ.
ಶತ್ರುಗಳ ವಿರುದ್ಧ ರಹಸ್ಯ ಕಾರ್ಯಾಚರಣೆ ನಡೆಸಬಲ್ಲ 5ನೇ ತಲೆಮಾರಿನ ಅತ್ಯಾಧುನಿಕ ಯುದ್ಧ ವಿಮಾನಗಳು ಈ ಬಾರಿಯ ಏರ್ ಶೋ ನಲ್ಲಿ ಗಮನ ಸೆಳೆಯಲಿವೆ. ಈಗಾಗಲೇ ತಾಲೀಮು ಆರಂಭಿಸಿರುವ ಎಸ್ಯು 57 ಜೊತೆಗೆ ಇಂದಿನಿಂದ ಎಫ್-35 ಮತ್ತು ಎರಡು ಎಫ್-16 ವಿಮಾನಗಳು ತಾಲೀಮು ನಡೆಸಲಿವೆ.
ಅಮೆರಿಕ ಮತ್ತು ರಷ್ಯಾ ತಮ ಅತ್ಯಾಧುನಿಕ ಯುದ್ಧ ವಿಮಾನಗಳನ್ನ ಭಾರತಕ್ಕೆ ಮಾರಾಟ ಮಾಡಲು ಉತ್ಸುಕವಾಗಿರುವುದರಿಂದ ಆ ವಿಮಾನಗಳ ವೈಮಾನಿಕ ಪ್ರದರ್ಶನ ತೀವ್ರ ಕೂತುಹಲ ಕೆರಳಿಸಿವೆ.
ಕಳೆದ ಬಾರಿಯ ಏರ್ ಶೋ ನಲ್ಲಿಯೂ ಎಫ್-35, ಎಫ್-16 ಭಾಗವಹಿಸಿತ್ತು. ಅದರ ಜೊತೆಗೆ ಎಸ್ಯು -57 ಮೊದಲ ಬಾರಿಗೆ ಭಾಗವಹಿಸುತ್ತಿದ್ದು, ಕುತೂಹಲ ಹೆಚ್ಚಿಸಿದೆ. ಬಾನಂಗಳದಲ್ಲಿ ತನ್ನ ಸಾನರ್ಥ್ಯ ತೋರಿಸಿ ನೋಡುಗರಿಗೆ ಸಖತ್ ಥ್ರಿಲ್ ನೀಡುವ ಜೊತೆಗೆ ರಕ್ಷಣಾ ವ್ಯವಸ್ಥೆಯ ಬಲಿಷ್ಟತೆಗೆ ಈ ವೈಮಾನಿಕ ಪ್ರದರ್ಶನ ಸಾಕ್ಷಿಯಾಗಲಿವೆ.