ಇಂಫಾಲ್, ಮೇ 1: ಮಣಿಪುರದ ತೆಂಪಾಲ್ ಜಿಲ್ಲೆಯಲ್ಲಿ 35.41 ಕೆಜಿ ಯಾಬಾ ಮಾತ್ರೆಗಳೊಂದಿಗೆ ಇಬ್ಬರು ಶಂಕಿತ ಡ್ರಗ್ ಪೆಕ್ಟರ್ ಗಳನ್ನು ಬಂಧಿಸಲಾಗಿದೆ. ಟಿಒಬಿ ಯಾಂಗೌಬಂಗ್‌ನಲ್ಲಿ ಎರಡು ವಾಹನಗಳನ್ನು ತಡೆದಿದ್ದು, ಶೋಧ ನಡೆಸಿದಾಗ 2.6 ಲಕ್ಷ ನಗದು ಮತ್ತು ಸುಮಾರು 3 ಲಕ್ಷ ಯಾಬಾ ಮಾತ್ರೆಗಳು ಪತ್ತೆಯಾಗಿವೆ ಎಂದು ಅವರು ಹೇಳಿದರು.
ವಾಹನವು ಭಾರತ-ಮ್ಯಾನ್ಮಾರ್ ಗಡಿಯಲ್ಲಿರುವ ಮೋರೆಹ್ ನಿಂದ ಚುರಾಚಂದ್ದುರಕ್ಕೆ ಹೋಗುತ್ತಿತ್ತು ಎಂದು ಶಂಕಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಬಂಧಿತರನ್ನು ಪಾವೊಜಥಾಂಗ್ ಕಿಪ್ಲೆನ್ (30) ಮತ್ತು ಕಮ್ಮಿ ನ್ಸುನ್ ಕಿಪ್ಲೆನ್ (24) ಎಂದು ಗುರುತಿಸಲಾಗಿದೆ. ಥಾಯ್ ಭಾಷೆಯಲ್ಲಿ ಹುಚ್ಚು ಔಷಧ ಎಂದು ಅರ್ಥೈಸುವ ಯಾಬಾ, ನಿಯಂತ್ರಿತ ಪದಾರ್ಥಗಳ ಕಾಯ್ದೆಯಡಿ ಶೆಡ್ಯೂಲ್ 2 ವಸ್ತುವಾದ ಮೆಥಾಂಫೆಟಮೈನ್ ಅನ್ನು ಹೊಂದಿರುವುದರಿಂದ ದೇಶದಲ್ಲಿ ಕಾನೂನುಬಾಹಿರವಾಗಿದೆ.
ಮತ್ತೊಂದು ಕಾರ್ಯಾಚರಣೆಯಲ್ಲಿ, ಇಂಫಾಲ್ ಪಶ್ಚಿಮ ಜಿಲ್ಲೆಯ ಪಟ್ಟೋಯಿಯಿಂದ 274.8 ಕೆಜಿ ಗಾಂಜಾದೊಂದಿಗೆ ಇಬ್ಬರು ಶಂಕಿತ ಡ್ರಗ್ ಪೆಡ್ಡರ್‌ಗಳನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಬಂಧಿತರನ್ನು ಕಯೆನ್ಹಾಮ್ ಕೆನೆಡಿ ಸಿಂಗ್ (36) ಮತ್ತು ಕೀಸಮ್ ಶರತ್ ಸಿಂಗ್ (55) ಎಂದು ಗುರುತಿಸಲಾಗಿದೆ.