ಮುಂಬೈ.ನ.15-ದೇಶದ ಅದ್ಬುತ ಉದ್ಯಮಿ ಸಹಾರಾ ಗ್ರೂಪ್‍ನ ಸಂಸ್ಥಾಪಕ ಸುಬ್ರತಾ ರಾಯ್ ನಿಧನರಾಗಿದ್ದಾರೆ. ಆನಾರೋಗ್ಯದ ಕಾರಣ 75 ವರ್ಷದ ಸುಬ್ರತಾ ಅವರನ್ನು ನ. 12ರಂದು ಕೋಕಿಲಾಬೆನ್ ಧೀರೂಭಾಯಿ ಅಂಬಾನಿ ಆಸ್ಪತ್ರೆಗೆ ದಾಖಲಿಸಲಾಯಿತು ಆದರೆ ಇಂದು ಮುಂಜಾನೆ ಹೃದಯಘಾತದಿಂದ ನಿಧನರಾಗಿದ್ದಾರೆ .
ಸುಬ್ರತಾ ರಾಯ್ ಅವರು ಮೆಟಬಾಲಿಕ್ ಕಾಯಿಲೆ, ರಕ್ತದೊತ್ತಡ ಮತ್ತು ಮಧುಮೇಹದಿಂದ ಬಳಲುತ್ತಿದ್ದರು, ದೀರ್ಘಕಾಲದ ಹೋರಾಟದ ಬಳಿಕ ಹೃದಯಸ್ತಂಭನದಿಂದ ನಿಧನರಾಗಿದ್ದಾರೆ ,ಸೂರ್ತಿದಾಯಕ ನಾಯಕ ಹಾಗೂ ದೂರದೃಷ್ಟಿಯುಳ್ಳವರು ಎಂದು ಸಹಾರಾ ಇಂಡಿಯಾ ಕುಟುಂಬವು ತನ್ನ ಸಂತಾಪವನ್ನು ವ್ಯಕ್ತಪಡಿಸುತ್ತಿದೆ,
ಜೂನ್ 10, 1948 ರಂದು ಬಿಹಾರದ ಅರಾರಿಯಾದಲ್ಲಿ ಜನಿಸಿದ ರಾಯ್ ಅವರು ಕಾರ್ಖಾನೆಗಳು, ಹಣಕಾಸು, ರಿಯಲ್ ಎಸ್ಟೇಟ್, ಮಾಧ್ಯಮ ಸೇರಿ ವಿವಿಧ ಕ್ಷೇತ್ರದಲ್ಲಿ ಛಾಪು ಮೂಡಿಸಿ ವಿಶಾಲವಾದ ಸಾಮ್ರಾಜ್ಯವನ್ನು ಸ್ಥಾಪಿಸಿದ್ದರು.
ಪಾಕಿಸ್ತಾನದಲ್ಲಿ ಮತ್ತೊಬ್ಬ ಮಸೂದ್ ಆಪ್ತನನ್ನು ಹೊಸಕಿಹಾಕಿದ ‘ಪರಿಚಿತ ವ್ಯಕ್ತಿ’
ರಾಯ್ ಅವರ ಮೊದಲು ಗೋರಖ್‍ಪುರದ ಸರ್ಕಾರಿ ತಾಂತ್ರಿಕ ಸಂಸ್ಥೆಯಲ್ಲಿ ಮೆಕ್ಯಾನಿಕಲ್ ಎಂಜಿನಿಯರಿಂಗ್‍ನಲ್ಲಿ ಶಿಕ್ಷಣ ಪಡೆದು ವ್ಯವಹಾರ ಆರಂಭಿಸಿದರು 1976 ರಲ್ಲಿ ಸಹಾರಾ ಫೈನಾನ್ಸ್ ಸಂಸ್ಥೆ ಖರೀದಿಸಿ ನಂತರ 1978 ರ ಹೊತ್ತಿಗೆ ಅವರು ಅದನ್ನು ಸಹಾರಾ ಇಂಡಿಯಾ ಪರಿವಾರ್ ಆಗಿ ಪರಿವರ್ತಿಸಿದರು.
ರಾಯ್ ಅವರ ನಾಯಕತ್ವದಲ್ಲಿ, ಸಹಾರಾ ಹಲವಾರು ವ್ಯವಹಾರಗಳಿಗೆ ವಿಸ್ತರಿಸಿತು. 1992 ರಲ್ಲಿ ಹಿಂದಿ ಭಾಷೆಯ ಪತ್ರಿಕೆ ರಾಷ್ಟ್ರೀಯ ಸಹಾರಾವನ್ನು ಪ್ರಾರಂಭಿಸಿತು, 1990 ರ ದಶಕದ ಉತ್ತರಾರ್ಧದಲ್ಲಿ ಪುಣೆ ಬಳಿ ಮಹತ್ವಾಕಾಂಕ್ಷೆಯ ಆಂಬಿ ವ್ಯಾಲಿ ಸಿಟಿ ಯೋಜನೆಯನ್ನು ಪ್ರಾರಂಭಿಸಿತು ಮತ್ತು ಸಹಾರಾ ಟಿವಿಯೊಂದಿಗೆ ದೂರದರ್ಶನ ಕ್ಷೇತ್ರವನ್ನು ಪ್ರವೇಶಿಸಿತು, ನಂತರ ಅದನ್ನು ಸಹಾರಾ ಒನ್ ಎಂದು ಮರುನಾಮಕರಣ ಮಾಡಲಾಯಿತು.
2000 ರ ದಶಕದಲ್ಲಿ, ಲಂಡನ್‍ನ ಗ್ರೋಸ್ವೆನರ್ ಹೌಸ್ ಹೋಟೆಲ್ ಮತ್ತು ನ್ಯೂಯಾರ್ಕ್ ನಗರದ ಪ್ಲಾಜಾ ಹೋಟೆಲ್‍ಗಳಂತಹ ಸಾಂಪ್ರದಾಯಿಕ ಆಸ್ತಿಗಳನ್ನು ಸ್ವಾೀನಪಡಿಸಿಕೊಳ್ಳುವ ಮೂಲಕ ಸಹಾರಾ ಅಂತಾರಾಷ್ಟ್ರೀಯ ಮಟ್ಟಕ್ಕೂ ಕಾಲಿಟ್ಟಿತ್ತು.
ಸಹಾರಾ ಕಂಪನಿಯಲ್ಲಿ 1ಲಕ್ಷಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಹೊಂದಿದೆ. ವ್ಯಾಪಾರ ಯಶಸ್ಸಿನ ಹೊರತಾಗಿಯೂ, ರಾಯ್ ಕಾನೂನು ಸವಾಲುಗಳನ್ನು ಎದುರಿಸಿದರು. 2014 ರಲ್ಲಿ, ಸೆಕ್ಯುರಿಟೀಸ್ ಮತ್ತು ಎಕ್ಸ್ಚೇಂಜ್ ಬೋರ್ಡ್ ಆಫ್ ಇಂಡಿಯಾ ದೊಂದಿ ವಿವಾದಕ್ಕೆ ಸಂಬಂಧಿಸಿದಂತೆ ನ್ಯಾಯಾಲಯಕ್ಕೆ ಹಾಜರಾಗಲು ವಿಫಲವಾದ ಕಾರಣಕ್ಕಾಗಿ ಸುಪ್ರೀಂಕೋರ್ಟ್ ಅವರನ್ನು ಬಂಧನಕ್ಕೆ ಆದೇಶಿಸಿತ್ತು,
ಇದು ಸುದೀರ್ಘವಾದ ಕಾನೂನು ಹೋರಾಟಕ್ಕೆ ಕಾರಣವಾಯಿತು, ರಾಯ್ ತಿಹಾರ್ ಜೈಲಿನಲ್ಲಿ ಕಾಲ ಕಳೆದರು ಮತ್ತು ಅಂತಿಮವಾಗಿ ಪೆರೋಲ್ ಮೇಲೆ ಬಿಡುಗಡೆಯಾದರು.ಕ್ರೀಡಾ ಕ್ಷೇತ್ರಕ್ಕೆ ಅವರ ಕೊಡುಗೆ ಅಪಾರವಾಗಿದ್ದು ದೇಶಪ್ರೇಮಿಯಾಗಿದ್ದಾರು.