ನವದೆಹಲಿ,ಜು.7- ಟಿಬೆಟಿಯನ್‌ ಹೋರಾಟಕ್ಕೆ ಬೆಂಬಲ ವ್ಯಕ್ತಪಡಿಸುವ ಸಲುವಾಗಿ, ಸರ್ವಪಕ್ಷ ವೇದಿಕೆಯು ಕೇಂದ್ರ ಸರ್ಕಾರಕ್ಕೆ ಪತ್ರ ಬರೆದಿದ್ದು, ಟಿಬೆಟಿಯನ್‌ ಆಧ್ಯಾತಿಕ ನಾಯಕ ದಲೈ ಲಾಮಾ ಅವರಿಗೆ ಭಾರತದ ಅತ್ಯುನ್ನತ ನಾಗರಿಕ ಗೌರವವಾದ ಭಾರತ ರತ್ನವನ್ನು ನೀಡಬೇಕೆಂದು ಮನವಿ ಮಾಡಿದೆ.
ದಲೈ ಲಾಮಾ ಅವರು ಸಂಸತ್ತಿನ ಜಂಟಿ ಅಧಿವೇಶನವನ್ನುದ್ದೇಶಿಸಿ ಮಾತನಾಡಲು ಅವಕಾಶ ನೀಡುವಂತೆಯೂ ವೇದಿಕೆ ಸರ್ಕಾರಕ್ಕೆ ಮನವಿ ಮಾಡಿದೆ. ಇದು ಚೀನಾದ ಆಕ್ರೋಶಕ್ಕೆ ಕಾರಣವಾಗಬಹುದು ಎಂದು ಅನುಮಾನಿಸಲಾಗಿದೆ.
ಬಿಜೆಪಿ, ಬಿಜೆಡಿ ಮತ್ತು ಜೆಡಿಯೂ ಸಂಸದರನ್ನು ಒಳಗೊಂಡ ಟಿಬೆಟ್‌ಗಾಗಿನ ಸರ್ವಪಕ್ಷ ಭಾರತೀಯ ಸಂಸದೀಯ ವೇದಿಕೆಯು ಈ ಪತ್ರವನ್ನು ಕಳುಹಿಸಿದೆ. ಈ ತಿಂಗಳ ಎರಡನೇ ಸಭೆಯಲ್ಲಿ ಪ್ರಸ್ತಾವನೆಯನ್ನು ಬೆಂಬಲಿಸುವ ನಿರ್ಣಯವನ್ನು ಸರ್ವಾನುಮತದಿಂದ ಅಂಗೀಕರಿಸಿದ ನಂತರ ವೇದಿಕೆಯು ಸರ್ಕಾರಕ್ಕೆ ವಿನಂತಿಯನ್ನು ಸಲ್ಲಿಸಿದೆ.
10 ಸದಸ್ಯರ ಸಮಿತಿಯು ದಲೈ ಲಾಮಾ ಅವರ ಭಾರತ ರತ್ನ ನಾಮನಿರ್ದೇಶನವನ್ನು ಬೆಂಬಲಿಸುವ ಸಹಿ ಅಭಿಯಾನವನ್ನು ಪ್ರಾರಂಭಿಸಿದೆ. ಸುಮಾರು 80 ಸಂಸದರಿಂದ ಸಹಿಗಳನ್ನು ಸಂಗ್ರಹಿಸಿದೆ. ಇದನ್ನು ಮುಂದಿನ ದಿನಗಳಲ್ಲಿ ಪ್ರಧಾನಿ ಮತ್ತು ರಾಷ್ಟ್ರಪತಿಗಳಿಗೆ ಸಲ್ಲಿಸಲು ಯೋಜಿಸಿದೆ.
ದಲೈ ಲಾಮಾ ಅವರಿಗೆ ಭಾರತ ರತ್ನ ನೀಡಬೇಕೆಂದು ಒತ್ತಾಯಿಸುತ್ತಿರುವ ಗುಂಪು 80ಕ್ಕೂ ಹೆಚ್ಚು ಸಂಸದರ ಸಹಿಯನ್ನು ಪಡೆದುಕೊಂಡಿದೆ ಮತ್ತು ವೇದಿಕೆಯು 100 ಸಂಸದರ ಸಹಿಗಳನ್ನು ಸಂಗ್ರಹಿಸಲು ಸಾಧ್ಯವಾದ ನಂತರ ಸಲ್ಲಿಸುವ ಮನವಿಗೆ ಸಹಿ ಹಾಕಿದವರಲ್ಲಿ ವಿರೋಧ ಪಕ್ಷಗಳ ಸಂಸದರೂ ಸೇರಿದ್ದಾರೆ ಎಂದು ರಾಜ್ಯಸಭಾ ಸದಸ್ಯ ಸುಜೀತ್‌ ಕುಮಾರ್‌ ಹೇಳಿದರು.
ದಲೈ ಲಾಮಾ ಅವರಿಗೆ ಭಾರತರತ್ನ ನೀಡಲು ನಾವು ಸಹಿ ಅಭಿಯಾನವನ್ನು ಪ್ರಾರಂಭಿಸಿದ್ದೇವೆ. ಅನೇಕ ಸಂಸದರು ಮುಂದೆ ಬಂದಿದ್ದಾರೆ ಮತ್ತು ಅವರಲ್ಲಿ ಕೆಲವರು ಅಭಿಯಾನವನ್ನು ಬೆಂಬಲಿಸಿ ವೀಡಿಯೊ ಸಂದೇಶಗಳನ್ನು ಕಳುಹಿಸಿದ್ದಾರೆ. ಜಂಟಿ ಅಧಿವೇಶನವನ್ನು ಕರೆಯುವಂತೆ ನಾವು ಲೋಕಸಭೆ ಮತ್ತು ರಾಜ್ಯಸಭೆಯ ಸ್ಪೀಕರ್‌ಗಳಿಗೆ ಪತ್ರ ಬರೆಯುತ್ತೇವೆ, ಅದನ್ನು ಪರಮಪೂಜ್ಯರು ಉದ್ದೇಶಿಸಿ ಮಾತನಾಡಲಿದ್ದಾರೆ ಎಂದು ಕುಮಾರ್‌ ಹೇಳಿದರು.
ಹುಟ್ಟುಹಬ್ಬದ ಸಂಭ್ರಮ:
ಏತನಧ್ಯೆ, ದಲೈ ಲಾಮಾ ತಮ 90 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು, ಈ ಸಂದರ್ಭದಲ್ಲಿ ಟಿಬೆಟ್‌ನ 14 ನೇ ಆಧ್ಯಾತಿಕ ನಾಯಕನನ್ನು ಗೌರವಿಸಲು ಸಾವಿರಾರು ಭಕ್ತರು ದಲೈ ಲಾಮಾ ದೇವಾಲಯವಾದ ಸುಗ್ಲಾಗ್‌ಖಾಂಗ್‌ನ ಮುಖ್ಯ ಅಂಗಳದಲ್ಲಿ ಜಮಾಯಿಸಿದರು.
ಭಾರತ ಮತ್ತು ವಿದೇಶಗಳ ರಾಜಕೀಯ ನಾಯಕರು ಸಹ ದಲೈ ಲಾಮಾ ಅವರೊಂದಿಗೆ ವೇದಿಕೆಯನ್ನು ಹಂಚಿಕೊಂಡರು, ಭಾರತದಲ್ಲಿ ದೇಶಭ್ರಷ್ಟರಾಗಿ ವಾಸಿಸುತ್ತಿರುವ ಮತ್ತು 1960 ರ ದಶಕದಲ್ಲಿ ಈ ಪ್ರದೇಶವು ಚೀನಾದ ಆಕ್ರಮಣಕ್ಕೆ ಒಳಗಾದ ನಂತರ ಟಿಬೆಟಿಯನ್‌ ಜನರ ಹಕ್ಕುಗಳಿಗಾಗಿ ಹೋರಾಡುತ್ತಿರುವ ಬೌದ್ಧ ನಾಯಕನಿಗೆ ತಮ ಬೆಂಬಲವನ್ನು ನೀಡಿದರು.ಕೇಂದ್ರ ಸಚಿವರಾದ ಕಿರಣ್‌ ರಿಜಿಜು ಮತ್ತು ರಾಜೀವ್‌ ರಂಜನ್‌ ಸಿಂಗ್‌, ಅರುಣಾಚಲ ಪ್ರದೇಶದ ಮುಖ್ಯಮಂತ್ರಿ ಪೆಮಾ ಖಂಡು, ಸಿಕ್ಕಿಂ ಸಚಿವೆ ಸೋನಂ ಲಾಮಾ ಮತ್ತು ಹಾಲಿವುಡ್‌ ನಟ ರಿಚರ್ಡ್‌ ಗೆರೆ ಸಭೆಯನ್ನು ಉದ್ದೇಶಿಸಿ ಮಾತನಾಡಿದರು.
ದಲೈ ಲಾಮಾ ಅವರ ಸಂಸ್ಥೆ ಮುಂದುವರಿಯುತ್ತದೆ ಮತ್ತು ಗಾಡೆನ್‌ ಫೋಡ್ರಾಂಗ್‌ ಟ್ರಸ್ಟ್‌ ಮಾತ್ರ ಅವರ ಭವಿಷ್ಯದ ಪುನರ್ಜನವನ್ನು ಗುರುತಿಸುವ ಅಧಿಕಾರವನ್ನು ಹೊಂದಿರುತ್ತದೆ ಎಂದು ಅವರು ಘೋಷಿಸಿದ ಕೆಲವೇ ದಿನಗಳಲ್ಲಿ ಈ ಭವ್ಯ ಸಮಾರಂಭವನ್ನು ನಡೆಸಲಾಯಿತು, ಇದು ದಲೈ ಲಾಮಾ ಸಂಸ್ಥೆಯನ್ನು ಸ್ಥಗಿತಗೊಳಿಸುವ ಬಗ್ಗೆ ಇದ್ದ ಊಹಾಪೋಹಗಳಿಗೆಅಂತ್ಯಹಾಡಿತು.
- 73.72 ಲಕ್ಷ ರೂ ವಂಚಿಸಿದ ಡೇಟಿಂಗ್‌ ಆ್ಯಪ್‌ನಲ್ಲಿ ಪರಿಚಯವಾಗಿದ್ದ ಮಹಿಳೆ..!
- ಬ್ರಿಕ್ಸ್ ರಾಷ್ಟ್ರಗಳ ಜೊತೆ ನಿಲ್ಲುವ ದೇಶಗಳಿಗೆ ಟ್ರಂಪ್‌ ‘ಟ್ಯಾಕ್ಸ್ ವಾರ್ನಿಂಗ್’
- ಆಪರೇಷನ್‌ ಸಿಂಧೂರ ವೇಳೆ ರಫೇಲ್‌ ಯುದ್ಧ ವಿಮಾನಗಳ ಬಗ್ಗೆ ಅಪಪ್ರಚಾರ ಮಾಡಿದ ನರಿಬುಬುದ್ದಿಯ ಚೀನಾ
- ಸದ್ಯಕ್ಕೆ ಗ್ರೇಟರ್‌ ಬೆಂಗಳೂರಿಗೆ ಹೊಸ ಪ್ರದೇಶಗಳ ಸೇರ್ಪಡೆ ಇಲ್ಲ : ಡಿಕೆಶಿ
- ಹೃದಯಾಘಾತವನ್ನು ಅಧಿಸೂಚಿತ ಕಾಯಿಲೆ ಎಂದು ಘೋಷಿಸಲು ಮುಂದಾದ ಸರ್ಕಾರ