ನವದೆಹಲಿ, ಆ. 25 (ಪಿಟಿಐ) ಮುಂಬರುವ ಬಿಹಾರ ವಿಧಾನಸಭಾ ಚುನಾವಣೆಯಲ್ಲಿ ಆರ್‌ಜೆಡಿ ನಾಯಕ ತೇಜಸ್ವಿ ಯಾದವ್‌ ಅವರನ್ನು ವಿರೋಧ ಪಕ್ಷದ ಮಹಾಮೈತ್ರಿಕೂಟದ ಮುಖ್ಯಮಂತ್ರಿ ಅಭ್ಯರ್ಥಿಯಾಗುತ್ತಾರೆ ಎಂದು ಕಾಂಗ್ರೆಸ್‌ ಇನ್ನೂ ಏಕೆ ಸ್ಪಷ್ಟಪಡಿಸಿಲ್ಲ ಎಂಬ ಮಾಧ್ಯಮ ಪ್ರಶ್ನೆಗೆ ರಾಹುಲ್‌ ಗಾಂಧಿ ಉತ್ತರಿಸದೆ ಜಾರಿಕೊಂಡಿದ್ದು ಅವರ ದುರಹಂಕಾರಿ ವರ್ತನೆಗೆ ಸಾಕ್ಷಿ ಎಂದು ಬಿಜೆಪಿ ಆರೋಪಿಸಿದೆ.
ಎಲ್ಲಾ ಇಂಡಿಯಾ ಬ್ಲಾಕ್‌ ಪಾಲುದಾರರು ಪರಸ್ಪರ ಗೌರವದ ಮನೋಭಾವದಿಂದ, ಯಾವುದೇ ಉದ್ವಿಗ್ನತೆಯಿಲ್ಲದೆ ಒಟ್ಟಾಗಿ ಕೆಲಸ ಮಾಡುತ್ತಿದ್ದಾರೆ. ನಾವು ಒಟ್ಟಾಗಿ ಚುನಾವಣೆಗಳನ್ನು ಎದುರಿಸುತ್ತೇವೆ ಮತ್ತು ಫಲಿತಾಂಶಗಳು ಉತ್ತಮವಾಗಿರುತ್ತವೆ ಎಂದು ಗಾಂಧಿ ಬಿಹಾರದ ಅರಾರಿಯಾದಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಪ್ರಶ್ನೆಯನ್ನು ಬದಿಗೆ ಸರಿಸುತ್ತಾ ಹೇಳಿದರು.
ಆರ್‌ಜೆಡಿ ನಾಯಕನನ್ನು ಮಹಾಘಟಬಂಧನ್‌ನ ಮುಖ್ಯಮಂತ್ರಿ ಅಭ್ಯರ್ಥಿಯಾಗಿ ಘೋಷಿಸಲು ಕಾಂಗ್ರೆಸ್‌ ಹಿಂಜರಿಯುತ್ತಿರುವ ಬಗ್ಗೆ ಕೇಳಿದಾಗ ಯಾದವ್‌ ಗಾಂಧಿಯವರ ಪಕ್ಕದಲ್ಲಿ ಕುಳಿತಿದ್ದರು.ಮುಂದಿನ ಲೋಕಸಭಾ ಚುನಾವಣೆಯ ನಂತರ ಗಾಂಧಿಯನ್ನು ಪ್ರಧಾನಿಯನ್ನಾಗಿ ಮಾಡಲು ಯಾದವ್‌ ಇತ್ತೀಚೆಗೆ ಬಹಿರಂಗ ಹೇಳಿಕೆ ನೀಡಿದ್ದರು.
ಬಿಹಾರದಲ್ಲಿ ಕಾಂಗ್ರೆಸ್‌ ಅಸ್ತಿತ್ವವು ಆರ್‌ಜೆಡಿಯ ಮೇಲೆ ಅವಲಂಬಿತವಾಗಿದೆ. ಆರ್‌ಜೆಡಿ ಮೈತ್ರಿ ಮುರಿದರೆ, ಕಾಂಗ್ರೆಸ್‌ ಬಹುಶಃ ಎಲ್ಲಾ ಸ್ಥಾನಗಳಲ್ಲಿ ಅಭ್ಯರ್ಥಿಗಳನ್ನು ನಿಲ್ಲಿಸಲು ಸಾಧ್ಯವಾಗುವುದಿಲ್ಲ. ಆದರೆ ರಾಹುಲ್‌ ಗಾಂಧಿಯರು ತೇಜಸ್ವಿ ಯಾದವ್‌ ಮೈತ್ರಿಕೂಟದ ಮುಖ್ಯಮಂತ್ರಿ ಮುಖವೇ ಎಂದು ಕೇಳಿದಾಗ, ಅವರು ಪ್ರಶ್ನೆಯನ್ನು ತಪ್ಪಿಸಿದರು ಎಂದು ಮಾಳವಿಯಾ ಹೇಳಿದರು.
ಮತ್ತೊಂದೆಡೆ, ತೇಜಸ್ವಿ ಅವರು ರಾಹುಲ್‌ ಗಾಂಧಿಯನ್ನು ಒಬ್ಬ ಕೈದಿಯಂತೆ ಹಿಂಬಾಲಿಸುತ್ತಿದ್ದಾರೆ, ಇಂಡಿಯಾ ಮೈತ್ರಿಕೂಟ ಗೆದ್ದರೆ, ಅವರು ಪ್ರಧಾನಿಯಾಗುತ್ತಾರೆ ಎಂದು ಪದೇ ಪದೇ ಹೇಳಿಕೊಳ್ಳುತ್ತಿದ್ದಾರೆ, ಎಂದು ಬಿಜೆಪಿ ನಾಯಕ ಆರೋಪಿಸಿದರು.ಬಿಹಾರದ ಜನರು ಎಲ್ಲವನ್ನೂ ಅರ್ಥಮಾಡಿಕೊಳ್ಳುತ್ತಾರೆ. ಕಾಂಗ್ರೆಸ್‌ ಮತ್ತು ಆರ್‌ಜೆಡಿ ಎರಡೂ ಅಧಿಕಾರಕ್ಕಾಗಿ ಮಾತ್ರ ಪರಸ್ಪರ ಅಂಟಿಕೊಳ್ಳುತ್ತಿವೆ. ಭ್ರಷ್ಟಾಚಾರದ ಅಂಟು ಅವರನ್ನು ಒಟ್ಟಿಗೆ ಬಂಧಿಸುತ್ತದೆ ಎಂದು ಅವರು ಹೇಳಿದರು.