ಕುಲಶೇಖರಪಟ್ಟಣಂ , ಆ.28-ತಮಿಳುನಾಡಿನ ಟುಟಿಕೋರಿನ್‌ ಜಿಲ್ಲೆಯಲ್ಲಿ ದೇಶದ ಎರಡನೇ ಉಡಾವಣಾ ಸಂಕೀರ್ಣದ ನಿರ್ಮಾಣವು ಮುಂದಿನ 2026 ಡಿಸಂಬರ್‌ ವೇಳೆಗೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ ಎಂದು ಇಸ್ರೋ ಅಧ್ಯಕ್ಷ ವಿ ನಾರಾಯಣನ್‌ ಹೇಳಿದ್ದಾರೆ.
ಇದರಿಂದ ಬಾಹ್ಯಾಕಾಶ ನಿಲ್ದಾಣದಿಂದ ವರ್ಷಕ್ಕೆ ಸುಮಾರು 25 ರಾಕೆಟ್‌ಗಳ ಉಪಗ್ರಹ ಉಡಾವಣೆ ಸಾಧ್ಯವಾಗಲಿದೆ ಎಂದು ಅವರು ತಿಳಿಸಿದ್ದಾರೆ. ಇಲ್ಲಿ ಉಡಾವಣಾ ವೇದಿಕೆಗೆ ಭೂಮಿ ಪೂಜೆಯಲ್ಲಿ ಭಾಗವಹಿಸಿದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, 400 ಕಿ.ಮೀ ಎತ್ತರಕ್ಕೆ 500 ಕೆಜಿ ಪೇಲೋಡ್‌ ಅನ್ನು ಸಾಗಿಸಬಲ್ಲ ಸಣ್ಣ ಉಪಗ್ರಹ ಉಡಾವಣಾ ವಾಹನ (ಎಸ್‌‍ಎಸ್‌‍ಎಲ್‌ವಿ) ಬಳಸಿ ಉಪಗ್ರಹಗಳ ಉಡಾವಣೆಯನ್ನು ಇಲ್ಲಿಂದ ಕೈಗೆತ್ತಿಕೊಳ್ಳಲಾಗುವುದು ಎಂದು ಹೇಳಿದರು.
ಈ ಸಂಕೀರ್ಣವು 2300 ಎಕರೆ ಭೂಮಿಯಲ್ಲಿ ನಿರ್ಮಾಣವಾಗುತ್ತಿದ್ದು, ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿ ಎರಡನೇ ಅಂತಹ ಸೌಲಭ್ಯವಾಗಲಿದೆ.ಡಿಸೆಂಬರ್‌ 2026 ರ ವೇಳೆಗೆ ಎಲ್ಲಾ ಕೆಲಸಗಳು ಮುಗಿಯುತ್ತವೆ,ಅದು ನಮ ಗುರಿ. ಮುಂದಿನ ವರ್ಷದ ನಾಲ್ಕನೇ ತ್ರೈಮಾಸಿಕದ ವೇಳೆಗೆ ನಾವು ರಾಕೆಟ್‌ ಉಡಾವಣೆಯನ್ನು ಯೋಜಿಸುತ್ತಿದ್ದೇವೆ.
ಪ್ರಧಾನಿ ಮೋದಿ ಅವರು ಸೂಕ್ತ ಸಮಯದಲ್ಲಿ ಸರಿಯಾದ ಉಡಾವಣಾ ದಿನಾಂಕವನ್ನು ಘೋಷಿಸುತ್ತಾರೆ ಎಂದು ಅವರು ಹೇಳಿದರು.ವಾರ್ಷಿಕವಾಗಿ 20-25 ಉಪಗ್ರಹ ಉಡಾವಣೆಗಳು ನಡೆಯಲಿವೆ ಎಂದು ಅವರು ಹೇಳಿದರು.ಪ್ರಧಾನಿ ಮೋದಿ, ವಿಡಿಯೋ ಕಾನ್ಫರೆನ್ಸಿಂಗ್‌ ಮೂಲಕ, ಕರಾವಳಿ ಗ್ರಾಮವಾದ ಕುಲಶೇಖರಪಟ್ಟಣಂನಲ್ಲಿ ಫೆ.2024 ರಲ್ಲಿ ಸಣ್ಣ ಉಪಗ್ರಹ ಉಡಾವಣಾ ವಾಹನ ಸಂಕೀಣ ಕ್ಕೆ ಅಡಿಪಾಯ ಹಾಕಿದರು.
ಪೋಲಾರ್‌ ಸ್ಯಾಟಲೈಟ್‌ ಲಾಂಚ್‌ ವೆಹಿಕಲ್ಸ್ ಮತ್ತು ಜಿಯೋಸಿಂಕ್ರೋನಸ್‌ ಸ್ಯಾಟಲೈಟ್‌ ಲಾಂಚ್‌ ವೆಹಿಕಲ್‌ ಗಿಂತ ಭಿನ್ನವಾಗಿವೆ, ಇವು ಭಾರವಾದ ಪೇಲೋಡ್‌ಗಳನ್ನು ಸಾಗಿಸಬಲ್ಲವು ಮತ್ತು ಸಾಮಾನ್ಯವಾಗಿ ಆಳವಾದ ಬಾಹ್ಯಾಕಾಶ ಪರಿಶೋಧನಾ ಕಾರ್ಯಕ್ರಮಗಳಲ್ಲಿ ಬಳಸಲ್ಪಡುತ್ತವೆ. ಮತ್ತು ಭಾರತದ ಮೊದಲ ಬಾಹ್ಯಾಕಾಶ ನಿಲ್ದಾಣವಾದ ಶ್ರೀಹರಿಕೋಟಾದಿಂದ ಉಡಾವಣೆ ಮಾಡಲಾಗುತ್ತದೆ ಎಂದರು.
ನಾರಾಯಣನ್‌ ಜೊತೆಗೆ, ಬೆಂಗಳೂರು ಪ್ರಧಾನ ಕಚೇರಿಯ ಬಾಹ್ಯಾಕಾಶ ಸಂಸ್ಥೆಯ ಹಿರಿಯ ಅಧಿಕಾರಿಗಳು, ತಿರುವನಂತಪುರಂನ ವಿಕ್ರಮ್‌ ಸಾರಾಭಾಯಿ ಬಾಹ್ಯಾಕಾಶ ಕೇಂದ್ರದ ನಿರ್ದೇಶಕ ಎ ರಾಜರಾಜನ್‌ ಮತ್ತು ಇತರ ವಿಜ್ಞಾನಿಗಳು ಶಿಲಾನ್ಯಾಸ ಸಮಾರಂಭದಲ್ಲಿ ಭಾಗವಹಿಸಿದ್ದರು.