ನವದೆಹಲಿ,ಸೆ.13– ಬಾಲ್ಟಿಕ್‌ ಸಮುದ್ರದಲ್ಲಿರುವ ರಷ್ಯಾದ ಮಾಸ್ಕೋದ ಅತಿದೊಡ್ಡ ತೈಲ ಟರ್ಮಿನಲ್‌ ಮೇಲೆ ಕೈವ್‌ ಡ್ರೋನ್‌ ದಾಳಿ ನಡೆಸಿದೆ. ಇದರಿಂದ ಉಕ್ರೇನ್‌ ಮತ್ತು ರಷ್ಯಾ ನಡುವಿನ ಯುದ್ಧ ಮತ್ತೆ ತೀವ್ರಗೊಂಡಿದೆ.
ಉಕ್ರೇನಿಯನ್‌ ಅಧಿಕಾರಿಗಳ ಪ್ರಕಾರ, ರಷ್ಯಾದ ಲೆನಿನ್‌ಗ್ರಾಡ್‌ ಪ್ರದೇಶದ ಪ್ರಿಮೊಸ್ರ್ಕ್‌ ತೈಲ ಬಂದರನ್ನು ಗುರಿಯಾಗಿಸಿಕೊಂಡು ಈ ದಾಳಿ ನಡೆದಿದೆ. ಬಾಲ್ಟಿಕ್‌ ಪೈಪ್‌ಲೈನ್‌ ವ್ಯವಸ್ಥೆಯ ಕೊನೆಯ ನಿಲ್ದಾಣವಾದ ಪ್ರಿಮೊಸ್ರ್ಕ್‌ ತೈಲ ಬಂದರಿನ ಮೇಲೆ ನಡೆದ ಡ್ರೋನ್‌ ದಾಳಿಯಿಂದ ಎರಡು ಹಡಗುಗಳು ಹಾನಿಗೊಳಗಾದವು. ಆದರೆ, ಡ್ರೋನ್‌ ದಾಳಿಗೆ ರಷ್ಯಾದ ರಕ್ಷಣಾ ಅಧಿಕಾರಿಗಳು ಇನ್ನೂ ಪ್ರತಿಕ್ರಿಯಿಸಿಲ್ಲ.
ಡ್ರೋನ್‌ ದಾಳಿಯ ಸಮಯದಲ್ಲಿ ಡಿಕ್ಕಿ ಹೊಡೆದ ಎರಡು ಟ್ಯಾಂಕರ್‌ಗಳನ್ನು ಕುಸ್ಟೊ ಮತ್ತು ಕೈ ಯುನ್‌ ಎಂದು ಗುರುತಿಸಲಾಗಿದೆ. ಕಸ್ಟೊವನ್ನು ಸೊಲ್ಸ್ಟಿಸ್‌ ಕಾರ್ಪ್‌ ಒಡೆತನದಲ್ಲಿದೆ. ಕೈ ಯುನ್‌ ಅನ್ನು ಅಕ್ಸೆರೋನಿಕ್‌್ಸ ಲಿಮಿಟೆಡ್‌ ಒಡೆತನದಲ್ಲಿದೆ. ಜಾಗತಿಕ ಮಾಧ್ಯಮ ವರದಿಗಳ ಪ್ರಕಾರ, ಈ ಎರಡು ಹಡಗುಗಳು ಸೀಶೆಲ್‌ನಲ್ಲಿ ನೋಂದಾಯಿಸಲ್ಪಟ್ಟಿವೆ.
ಇತ್ತೀಚೆಗೆ, ರಷ್ಯಾ ಮತ್ತು ಉಕ್ರೇನ್‌ ಪರಸ್ಪರ ಡ್ರೋನ್‌ ದಾಳಿಗಳನ್ನು ತೀವ್ರಗೊಳಿಸಿವೆ. ನಿರ್ಣಾಯಕ ಮೂಲಸೌಕರ್ಯವನ್ನು ಗುರಿಯಾಗಿರಿಸಿಕೊಳ್ಳುವ ಗುರಿಯನ್ನು ಹೊಂದಿವೆ. ಡ್ರೋನ್‌ ದಾಳಿಗಳು ರಷ್ಯನ್ನರಿಗೆ ವಿಶೇಷವಾಗಿ ತೀವ್ರವಾಗಿವೆ. ಆಗಸ್ಟ್‌ನಲ್ಲಿ ನಡೆದ ಡ್ರೋನ್‌ ದಾಳಿಯಲ್ಲಿ ಉಕ್ರೇನ್‌ ರಷ್ಯಾದ ತೈಲ ಸಂಸ್ಕರಣಾ ಸಾಮರ್ಥ್ಯದ ಶೇ. 20ರಷ್ಟು ನಿಷ್ಕ್ರಿಯವಾಗಿದೆ.
ಈ ವಾರದ ಆರಂಭದಲ್ಲಿ ನ್ಯಾಟೋ ಸದಸ್ಯ ಪೋಲೆಂಡ್‌ ತನ್ನ ವಾಯುಪ್ರದೇಶದ ಮೇಲೆ ದೊಡ್ಡ ಸಂಖ್ಯೆಯ ರಷ್ಯಾದ ಡ್ರೋನ್‌ಗಳನ್ನು ಹೊಡೆದುರುಳಿಸಿರುವುದಾಗಿ ಹೇಳಿಕೊಂಡಿತ್ತು.