ಬೆಂಗಳೂರು,ಸೆ.13- ಡ್ರಗ್‌ ಪೆಡ್ಲರ್‌ರ‍ಸ ಜೊತೆ ಸ್ನೇಹ ಬೆಳೆಸಿ ಪಾರ್ಟಿ ಮಾಡಲಾಗಿದೆ ಎಂಬ ಆರೋಪದ ಮೇಲೆ ಚಾಮರಾಜಪೇಟೆ ಠಾಣೆ ಇನ್‌್ಸಪೆಕ್ಟರ್‌ ಹಾಗೂ 10 ಮಂದಿ ಪೊಲೀಸರನ್ನು ಅಮಾನತು ಮಾಡಲಾಗಿದೆ.
ಚಾಮರಾಜಪೇಟೆಯ 6 ಮಂದಿ ಪೊಲೀಸರು ಹಾಗೂ ಜೆ.ಜೆ.ನಗರದ 4 ಮಂದಿ ಪೊಲೀಸರು ಸಸ್ಪೆಂಡ್‌ ಆಗಿದ್ದಾರೆ.ಚಾಮರಾಜಪೇಟೆ ಠಾಣೆ ಇನ್ಸ್ ಪೆಕ್ಟರ್‌ ಮಂಜಣ್ಣ ಅವರನ್ನು ನಗರ ಪೊಲೀಸ್‌ ಆಯುಕ್ತ ಸೀಮಂತ್‌ಕುಮಾರ್‌ ಸಿಂಗ್‌ ಅವರು ಅಮಾನತುಗೊಳಿಸಿ ಆದೇಶಿಸಿದ್ದರೆ, ಉಳಿದ ಸಿಬ್ಬಂದಿಗಳನ್ನು ಡಿಸಿಪಿ ಗಿರೀಶ್‌ ಅವರು ಅಮಾನತುಗೊಳಿಸಿದ್ದಾರೆ.
ಹೆಡ್‌ಕಾನ್‌್ಸಸ್ಟೇಬಲ್‌ಗಳಾದ ರಮೇಶ್‌, ಶಿವರಾಜ್‌ ಕಾನ್ಸ್ ಸ್ಟೇಬಲ್‌ಗಳಾದ ಮಧುಸೂದನ್‌, ಪ್ರಸನ್ನ, ಶಂಕರ್‌, ಆನಂದ್‌ ಹಾಗೂ ಜೆ.ಜೆ. ನಗರ ಪೊಲೀಸ್‌ ಠಾಣೆಯ ಎಎಸ್‌‍ಐ ಕುಮಾರ್‌, ಹೆಡ್‌ ಕಾನ್ಸ್ ಸ್ಟೇಬಲ್‌ ಆನಂದ್‌, ಸಿಬ್ಬಂದಿ ಬಸವಗೌಡ ಸೇರಿ ಹತ್ತು ಮಂದಿಯನ್ನು ಅಮಾನತು ಮಾಡಲಾಗಿದೆ.
ಡ್ರಗ್‌ ಪೆಡ್ಲರ್‌ರ‍ಸಗಳ ಜೊತೆ ನೇರ ಸಂಬಂಧ ಹೊಂದಿದ್ದಾರೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ಇನ್ಸ್ ಪೆಕ್ಟರ್‌ ಸೇರಿದಂತೆ ಪಶ್ಚಿಮ ವಿಭಾಗದ 10 ಮಂದಿ ಪೊಲೀಸ್‌ ಸಿಬ್ಬಂದಿ ಅಮಾನತುಗೊಂಡಿದ್ದು, ಇಲಾಖಾ ತನಿಖೆ ಮುಂದುವರೆದಿದೆ.