ಅ.24- ಕನ್ನಡ ಭಾಷಾ ಶಿಕ್ಷಕ ಜ್ಞಾನಮೂರ್ತಿ ಮತ್ತು ಹಿಂದಿ ಭಾಷೆಯ ಸಾಹಿತಿ ಹಾಗೂ ಕವಯಿತ್ರಿ ಲಲಿತಾ ಗೋಯೆಂಕಾ ಅವರು ಪುನೀತ್‌ ರಾಜ್‌ಕುಮಾರ್‌ ಅವರಿಗೆ ಶ್ರದ್ಧಾಂಜಲಿ ಅರ್ಪಿಸಿ ಹಾಡನ್ನು ಬರೆದಿದ್ದಾರೆ.
ಬಂಗಾಳದ ಸಂಗೀತ ನಿರ್ದೇಶಕ ಮತ್ತು ಗಾಯಕ ಪಿಂಟು ಮಲ್ಲಿಕ್‌ ಸಂಗೀತ ನೀಡಿದ್ದು, ಈ ಕುರಿತು ಪತ್ರಿಕಾಗೋಷ್ಠಿಯಲ್ಲಿ ಮಾಹಿತಿ ನೀಡಲಾಯಿತು.ಪತ್ರಿಕಾಗೋಷ್ಠಿಯಲ್ಲಿ ಮಾತಾಡಿದ ಕವಿಯತ್ರಿ ಲಲಿತಾ ಗೋಯೆಂಕಾ, ಈ ಹಾಡನ್ನು ಮೂಲತಃ ಹಿಂದಿಯಲ್ಲಿ ಬರೆಯಲಾಯಿತು ಮತ್ತು ನಂತರ ಕನ್ನಡಕ್ಕೆ ಅನುವಾದಿಸಲಾಗಿದೆ. ಶ್ರೀ ಜ್ಞಾನಮೂರ್ತಿ ಜಿ ಈ ಹಾಡನ್ನು ಸುಂದರವಾಗಿ ಮತ್ತು ನಿಖರವಾಗಿ ಅನುವಾದಿಸಿದ್ದಾರೆ ಮತ್ತು ಪಿಂಟು ಮಲ್ಲಕ್‌ ಅವರು ಸಂಗೀತವನ್ನು ಹಾಡಿದ್ದಾರೆ ಮತ್ತು ನಿರ್ದೇಶಿಸಿದ್ದಾರೆ ಎಂದರು.
ಜ್ಞಾನಮೂರ್ತಿ ಮಾತನಾಡಿ, ಮೂಲತಃ ರಾಜಸ್ಥಾನ ಮತ್ತು ಹರಿಯಾಣದ ನಿವಾಸಿಯಾಗಿರುವ ಲಲಿತಾ ಗೋಯೆಂಕಾ ಅವರು ಸಾಹಿತ್ಯವನ್ನು ಬರೆದಿದ್ದಾರೆ. ಅವರ ಮಾವ, ಶ್ಯಾಮಸುಂದರ್‌ ಜಿ ಗೋಯೆಂಕಾ ಅವರು ಹಿಂದಿ ಸಾಹಿತ್ಯ ಲೋಕದ ಪ್ರಸಿದ್ಧ ವ್ಯಕ್ತಿಯಾಗಿದ್ದರು. ಅವರು ಸಾಹಿತ್ಯ ಪ್ರಶಸ್ತಿ ವಿಜೇತ, ಬರಹಗಾರ ಮತ್ತು ಕವಿ. ಲಲಿತಾ ತಮ್ಮ ಕುಟುಂಬದಿಂದ ಸಾಹಿತ್ಯಕ ಬರವಣಿಗೆಯನ್ನು ಪಡೆದಿದ್ದಾರೆ ಮತ್ತು ದೀರ್ಘಕಾಲದವರೆಗೆ ಹಾಡುಗಳು ಮತ್ತು ಕವನಗಳನ್ನು ಬರೆಯುತ್ತಿದ್ದಾರೆ. ಅವರ ಅನೇಕ ಹಾಡುಗಳು ಮತ್ತು ಭಜನೆಗಳನ್ನು ಯೂಟ್ಯೂಬ್‌ನಲ್ಲಿ ವೀಕ್ಷಿಸಬಹುದು.
ಕರ್ನಾಟಕದ ಜನತೆಯ ನೆಚ್ಚಿನ ನಾಯಕ ಪುನೀತ್‌ ರಾಜ್‌ ಕುಮಾರ್‌ ಅವರಿಗಾಗಿ ಬರೆದು ಸಂಗೀತ ಸಂಯೋಜನೆ ಮಾಡಿರುವ ಈ ಹಾಡಿನ ಬಗ್ಗೆ ಈ ಮೂವರ ತಂಡವು ತುಂಬಾ ಉತ್ಸುಕವಾಗಿದೆ ಮತ್ತು ತಮ್ಮ ಇನ್ನೂ ಅನೇಕ ಹಾಡುಗಳು ಮತ್ತು ಸಂಯೋಜನೆಗಳೊಂದಿಗೆ ಕನ್ನಡ ಸಂಗೀತ ಕ್ಷೇತ್ರವನ್ನು ಅಲಂಕರಿಸಲು ಉತ್ಸುಕರಾಗಿದ್ದಾರೆ.