ಮೆಲ್ಬೋರ್ನ್,ಫೆ .6- ಚಾಂಪಿಯನ್ಸ್ ಟ್ರೋಫಿಗೆ ಆಸೀಸ್ ತಂಡದಲ್ಲಿ ಸ್ಥಾನ ಪಡೆದಿದ್ದ ಆಲ್‍ರೌಂಡರ್ ಮಾರ್ಕಸ್ ಸ್ಟೊಯಿನಿಸ್ ಇಂದು ಏಕಾಏಕಿ ಏಕದಿನ ಕ್ರಿಕೆಟ್‍ಪಂದ್ಯಗೆ ನಿವೃತ್ತಿ ಘೋಷಿಸಿದ್ದಾರೆ.
ತಮ್ಮ ವೃತ್ತಿಜೀವನದ ಮುಂದಿನ ಅಧ್ಯಾಯದತ್ತ ಸಂಪೂರ್ಣ ಗಮನಹರಿಸಲು ಈ ನಿರ್ಧಾರ ಕೈಗೊಂಡಿರುವುದಾಗಿ ಹೇಳಿದ್ದಾರೆ.ಇದು ಕ್ರಿಕೆಟ್ ಆಸ್ಟೇಲಿಯಾಗೆ ಆಘಾತಕಾರಿ ವಿಷಯವಾಗಿದೆ, ಈಗಾಗಲೇ ಪ್ರಮುಖ ಆಟಗಾರು ಗಾಯಗಳಿಂದ ಬಳಲುತ್ತಿರುವ ಹಿನ್ನಲೆಯಲ್ಲಿ ಹೊರಗುಳಿದಿದ್ದು,ತಂಡಕ್ಕೆ ಹೊಸ ಆಯ್ಕೆ ತಲೆನೋವಾಗಿದೆ.
ಫೆಬ್ರವರಿ 19 ರಿಂದ ಪಾಕಿಸ್ತಾನ ಮತ್ತು ದುಬೈನಲ್ಲಿ ನಡೆಯಲಿರುವ ಚಾಂಪಿಯನ್ಸ್ ಟ್ರೋಫಿಗಾಗಿ ತಮ್ಮ ಅಂತಿಮ ತಂಡವನ್ನು ಅನಾವರಣಗೊಳಿಸಲು ಫೆಬ್ರವರಿ 12 ರವರೆಗೆ ಸಮಯವಿದೆ.
ಸ್ಟೊಯಿನಿಸ್ ಅವರು ಡರ್ಬನ್ ಸೂಪರ್ ಜೈಂಟ್‍ಗಾಗಿ ಆಡುತ್ತಿದ್ದ ಸಮಯದಲ್ಲಿ ಅವರು ಅನುಭವಿಸಿದ ಮಂಡಿರಜ್ಜು ಗಾಯದ ಪರಿಣಾಮವಾಗಿ ಅದನ್ನು ಆಟತ್ಯಜಿಸಲು ಅವರ ಹಠಾತ್ ನಿರ್ಧಾರವು ಕಾರಣವಾಗಬಹುದು ಎನ್ನಲಾಗಿದೆ.
ಆಸ್ಟ್ರೇಲಿಯಾ ಪರ ಕ್ರಿಕೆಟ್ ಆಡುವುದು ಅದ್ಭುತ ಪ್ರಯಾಣವಾಗಿದೆ, ಮತ್ತು ನಾನು ಹಸಿರು ಮತ್ತು ಚಿನ್ನದ ಪ್ರತಿ ಕ್ಷಣಕ್ಕೂ ಕೃತಜ್ಞನಾಗಿದ್ದೇನೆ. ನನ್ನ ದೇಶವನ್ನು ಉನ್ನತ ಮಟ್ಟದಲ್ಲಿ ಪ್ರತಿನಿ„ಸುವುದು ನಾನು ಯಾವಾಗಲೂ ಗೌರವದಿಂದ ಕಾಣಲು ಬಯಸುವೆ ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ಬಿಡುಗಡೆ ಮಾಡಿದ ಮಾಧ್ಯಮ ಪ್ರಕಟಣೆಯಲ್ಲಿ ಸ್ಟೊಯಿನಿಸ್ ಹೇಳಿದ್ದಾರೆ.
ಇದು ಸುಲಭದ ನಿರ್ಧಾರವಲ್ಲ, ಆದರೆ ನಾನು ದೀರ್ಘ ಆಟದಿಂದ ಹಿಂದೆ ಸರಿಯಲು ಮತ್ತು ನನ್ನ ವೃತ್ತಿಜೀವನದ ಮುಂದಿನ ಅಧ್ಯಾಯದ ಮೇಲೆ ಸಂಪೂರ್ಣವಾಗಿ ಗಮನಹರಿಸಲು ಇದು ಸರಿಯಾದ ಸಮಯ ಎಂದು ನಾನು ನಂಬುತ್ತೇನೆ ಎಂದು ಅವರು ಹೆಚ್ಚಿನ ವಿವರಗಳನ್ನು ನೀಡದೆ ನಿವೃತ್ತಿ ಘೋಷಿಸಿದರು.
ನಾನು ರಾನ್ (ಮುಖ್ಯ ತರಬೇತುದಾರ ಆಂಡ್ರ್ಯೂ ಮೆಕ್‍ಡೊನಾಲ್ಡ್ ) ಅವರೊಂದಿಗೆ ಅದ್ಭುತ ಸಂಬಂಧವನ್ನು ಹೊಂದಿದ್ದೇನೆ ಮತ್ತು ಅವರ ಬೆಂಬಲವನ್ನು ನಾನು ಬಹಳವಾಗಿ ಪ್ರಶಂಸಿಸಿದ್ದೇನೆ. ನಾನು ಪಾಕಿಸ್ತಾನದಲ್ಲಿ ಹುಡುಗರನ್ನು ಹುರಿದುಂಬಿಸುತ್ತೇನೆ ಎಂದು ಅವರು ಸೇರಿಸಿದರು.
ಆಸ್ಟ್ರೇಲಿಯ ಈಗಾಗಲೇ ಪಾದದ ಗಾಯದಿಂದಾಗಿ ನಾಯಕ ಮತ್ತು ವೇಗಿ ಪ್ಯಾಟ್ ಕಮ್ಮಿನ್ಸ್‍ಅವರನ್ನು ಕಳೆದುಕೊಳ್ಳುವಜೊತೆಗೆ, ಅನುಭವಿ ಆಲ್‍ರೌಂಡರ್ ಮಿಚೆಲ್ ಮಾರ್ಷ್ ಬೆನ್ನಿನ ಕೆಳಭಾಗದ ಗಾಯದಿಂದ ಹೊರಗುಳಿದಿದ್ದಾರೆ, ಆದರೆ ವೇಗಿ ಜೋಶ್ ಹ್ಯಾಜಲ್‍ವುಡï ಕೂಡ ಸೈಡ್ ಸ್ಟ್ರೈನ್‍ನಿಂದ ಸಂಪೂರ್ಣವಾಗಿ ಚೇತರಿಸಿಕೊಂಡಿಲ್ಲ.
ತಂಡವು ತನ್ನ ಚಾಂಪಿಯನ್ಸ್ ಟ್ರೋಫಿ ಅಭಿಯಾನವನ್ನು ಫೆ ಬ್ರವರಿ 22 ರಂದು ಲಾಹೋರ್‍ನಲ್ಲಿ ಹಳೆಯ ವೈರಿ ಇಂಗ್ಲೆಂಡ್ ವಿರುದ್ಧ ಪ್ರಾರಂಭಿಸಲಿದೆ ನಂತರ ದಕ್ಷಿಣ ಆಫ್ರಿಕಾ (-Éಬ್ರವರಿ 25, ರಾವಲ್ಪಿಂಡಿ) ಮತ್ತು ಅಫ್ಘಾನಿಸ್ತಾನ (ಫೆಬ್ರವರಿ 28, ಲಾಹೋರ್) ವಿರುದ್ಧದ ಪಂದ್ಯಗಳು.
ಒಂದು ದಶಕದ ಹಿಂದೆ ತಂಡಕ್ಕೆ ಬಂದ ನಂತರ ತಂಡದಸೆಟ್‍ಅಪ್‍ಗೆ ಸ್ಟೊಯಿನಿಸ್ ಕೊಡುಗೆಯನ್ನು ಮೆಕ್‍ಡೊನಾಲ್ಡ್ ಶ್ಲಾಸಿದರು.
ಕಳೆದ ದಶಕದಿಂದ ಸ್ಟೊಯಿನಿಸ್ ನಮ್ಮ ಸೆಟಪ್‍ನ ಪ್ರಮುಖ ಭಾಗವಾಗಿದ್ದಾರೆ. ಅವರು ಅಮೂಲ್ಯವಾದ ಆಟಗಾರ ಮಾತ್ರವಲ್ಲದೆ ಗುಂಪಿನಲ್ಲಿ ಹೊಂದಲು ನಂಬಲಾಗದ ವ್ಯಕ್ತಿಯಾಗಿದ್ದಾರೆ. ಅವರು ಸಹಜ ನಾಯಕ, ಅಸಾಧಾರಣ ಜನಪ್ರಿಯ ಆಟಗಾರ ಮತ್ತು ಶ್ರೇಷ್ಠ ವ್ಯಕ್ತಿ. ಅವರ ವೃತ್ತಿಜೀವನ ಮತ್ತು ಅವರ ಎಲ್ಲಾ ಸಾಧನೆಗಳಿಗಾಗಿ ಅವರನ್ನು ಅಭಿನಂದಿಸಬೇಕು ಎಂದಿದ್ದಾರೆ.
ಸ್ಟೊಯಿನಿಸ್ 71 ಏಕದಿನ ಪಂದ್ಯಗಳನ್ನು ಆಡಿದ್ದಾರೆ ಮತ್ತು 1ಸೆಂಚುರಿ ಮತ್ತು ಆರು ಅರ್ಧಶತಕಗಳೊಂದಿಗೆ 1495 ರನ್ ಗಳಿಸಿದ್ದಾರೆ. ಅವರ ವೃತ್ತಿಜೀವನವು 2015 ರಲ್ಲಿ ಇಂಗ್ಲೆಂಡ್ ವಿರುದ್ಧ ಓಲ್ಡ್ ಟ್ರಾಫರ್ಡ್‍ನಲ್ಲಿ ಪ್ರಾರಂಭವಾಯಿತು 2021 ಮತ್ತು 2023 ಆಸ್ಟ್ರೇಲಿಯಾದ ವಿಶ್ವಕಪ್ ವಿಜೇತ ತಂಡದಲ್ಲಿದ್ದರು