ಕೋಲ್ಕತ್ತಾ, ಮೇ.23- ಬಾಂಗ್ಲಾದೇಶ ಸಂಸದ ಅನ್ವರುಲ್‌ ಅಜೀಮ್‌ ಅನಾರ್‌ ಅವರ ಕೊಲೆಯ ಪ್ರಾಥಮಿಕ ತನಿಖೆಯಲ್ಲಿ ಅವರ ಆಪ್ತರೊಬ್ಬರು, ಅಮೆರಿಕ ಪ್ರಜೆ ಸುಮಾರು 5 ಕೋಟಿ ರೂ ಪಾವತಿಸಿದ್ದಾರೆ ಎಂದು ತಿಳಿದುಬಂದಿದೆ ಎಂದು ಹಿರಿಯ ಪೊಲೀಸ್‌ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಅವಾಮಿ ಲೀಗ್‌ ಸಂಸದರ ಸ್ನೇಹಿತ ಕೋಲ್ಕತ್ತಾದಲ್ಲಿ ಪ್ಲಾಟ್‌ ಹೊಂದಿದ್ದು, ಪ್ರಸ್ತುತ ಆತ ಅಮೆರಿಕದಲ್ಲಿದ್ದಾನೆ ಎಂದು ಅವರು ಹೇಳಿದರು.ಬಾಂಗ್ಲಾದೇಶ ಸಂಸದರು ಕೊನೆಯ ಬಾರಿಗೆ ಪ್ರವೇಶಿಸಿದ ಕೋಲ್ಕತ್ತಾದ ನ್ಯೂ ಟೌನ್‌ ಪ್ರದೇಶದಲ್ಲಿನ ಪ್ಲಾಟ್‌ ಅನ್ನು ಅದರ ಮಾಲೀಕ ಅಬಕಾರಿ ಇಲಾಖೆ ಉದ್ಯೋಗಿ ತನ್ನ ಸ್ನೇಹಿತರಿಗೆ ಬಾಡಿಗೆಗೆ ನೀಡಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಇದು ಪೂರ್ವ ನಿಯೋಜಿತ ಕೊಲೆಯಾಗಿದೆ.ಸುಮಾರು 5 ಕೋಟಿ ರೂ.ಗಳನ್ನುಪಡೆದು ಸಂಸದರ ಹಳೇ ಗೆಳೆಯನೊಬ್ಬ ಹತ್ಯೆ ಮಾಡಿದ್ದಾನೆ. ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಹೇಳಿದ್ದಾರೆ.ಕಳೆದ ಮೇ 13 ರಂದು ಕೋಲ್ಕತ್ತಾದಲ್ಲಿ ನಾಪತ್ತೆಯಾಗಿದ್ದ ಅನಾರ್‌ ಹತ್ಯೆಯಾಗಿದ್ದು, ಮೂವರನ್ನು ಬಂಧಿಸಲಾಗಿದೆ ಎಂದು ಬಾಂಗ್ಲಾದೇಶದ ಗೃಹ ಸಚಿವ ಅಸಾದುಝಮಾನ್‌ ಖಾನ್‌ ನಿನ್ನೆ ಹೇಳಿದ್ದರು.
ಪ್ರಕರಣದ ತನಿಖೆಯನ್ನು ಈಗ ರಾಜ್ಯ ಸಿಐಡಿ ಕೈಗೆತ್ತಿಕೊಂಡಿದೆ ಎಂದು ಪಶ್ಚಿಮ ಬಂಗಾಳ ಪೊಲೀಸರು ತಿಳಿಸಿದ್ದಾರೆ.ಸಿಐಡಿ ಐಜಿ, ಅಖಿಲೇಶ್‌ ಚತುರ್ವೇದಿ ಅವರು ಅನಾರ್‌ ಅವರನ್ನು ಕೊಲೆ ಮಾಡಿರಬಹುದು ಎಂದು ಪೊಲೀಸರಿಗೆ ವಿಶ್ವಾಸಾರ್ಹ ಮಾಹಿತಿ ಇದೆ ಆದರೆ ಅವರ ದೇಹವನ್ನು ಇನ್ನೂ ವಶಪಡಿಸಿಕೊಳ್ಳಲಾಗಿಲ್ಲ.
ಕೋಲ್ಕತ್ತಾದ ಹೊರವಲಯದಲ್ಲಿರುವ ನ್ಯೂ ಟೌನ್‌ನಲ್ಲಿರುವ ಐಷಾರಾಮಿ ಕಾಂಡೋಮಿನಿಯಂನ ಅಪಾರ್ಟ್‌ಮೆಂಟ್‌ನಲ್ಲಿ ಪೊಲೀಸರು ರಕ್ತದ ಕಲೆಗಳನ್ನು ಕಂಡುಕೊಂಡಿದ್ದಾರೆಯೇ ಎಂದು ಕೇಳಿದಾಗ, ಮೇ 13 ರಂದು ಸಂಸದರ ಸ್ಥಳವನ್ನು ಕೊನೆಯದಾಗಿ ಪತ್ತೆ ಹಚ್ಚಲಾಯಿತು, ಚತುರ್ವೇದಿ ಹೇಳಿದರು, ನಮ್ಮ ವಿಽವಿಜ್ಞಾನ ತಂಡವು ಶಂಕಿತ ಅಪರಾಧದ ಸ್ಥಳವನ್ನು ಪರಿಶೀಲಿಸುತ್ತಿದೆ. ಅದರ ಬಗ್ಗೆ ಹೆಚ್ಚೇನು ಮಾತನಾಡಲು ಆಗಲ್ಲ ಎಂದರು.
ರಾಜ್ಯದ ಸಿಐಡಿಯು ನ್ಯೂ ಟೌನ್‌ ಪ್ಲಾಟ್‌ನಲ್ಲಿ ರಕ್ತದ ಕಲೆಗಳನ್ನು ಪತ್ತೆಹಚ್ಚಿದೆ ಮತ್ತು ದೇಹದ ಭಾಗಗಳನ್ನು ಎಸೆಯಲು ಪ್ಲಾನ್‌ ಮಾಡಿದ್ದರು,ಸಥಳದಲ್ಲಿ ಹಲವಾರು ಪ್ಲಾಸ್ಟಿಕ್‌ ಚೀಲಗಳನ್ನು ಸಹ ವಶಪಡಿಸಿಕೊಳ್ಳಲಾಗಿದೆ.
ಸಾಂದರ್ಭಿಕ ಪುರಾವೆಗಳು ಸಂಸದರನ್ನು ಮೊದಲು ಕತ್ತು ಹಿಸುಕಿ ನಂತರ ಅವರ ಮೃತ ದೇಹವನ್ನು ಹಲವಾರು ಭಾಗಗಳಲ್ಲಿ ವಿರೂಪಗೊಳಿಸಲಾಗಿದೆ ಎಂದು ಎಂದು ಪೊಲೀಸರು ಹೇಳಿದ್ದಾರೆ.
ದೇಹದ ಭಾಗಗಳನ್ನು ಬಹುಶಃ ಪ್ಲಾಸ್ಟಿಕ್‌ ಚೀಲಗಳಲ್ಲಿ ಹಾಕಲಾಗಿದೆ ಮತ್ತು ವಿವಿಧ ಸ್ಥಳಗಳಲ್ಲಿ ಬಿಸಾಡಲಾಗಿದೆ. ಕೆಲವು ಭಾಗಗಳನ್ನು ರೆಫ್ರಿಜರೇಟರ್‌ನಲ್ಲಿ ಇರಿಸಲಾಗಿದೆ ನಾವು ಮಾದರಿಗಳನ್ನು ಸಂಗ್ರಹಿಸಿದ್ದೇವೆ ಎಂದು ಅಧಿಕಾರಿ ಹೇಳಿದರು.
ಉತ್ತರ ಕೋಲ್ಕತ್ತಾದ ಬಾರಾನಗರ ನಿವಾಸಿ ಮತ್ತು ಬಾಂಗ್ಲಾದೇಶದ ರಾಜಕಾರಣಿಯ ಪರಿಚಯಸ್ಥ ಗೋಪಾಲ್‌ ಬಿಸ್ವಾಸ್‌ ಅವರು ಸ್ಥಳೀಯ ಪೊಲೀಸರಿಗೆ ದೂರು ನೀಡಿದ ನಂತರ ವೈದ್ಯಕೀಯ ಚಿಕಿತ್ಸೆಗಾಗಿ ಮೇ 12 ರಂದು ಕೋಲ್ಕತ್ತಾಗೆ ಬಂದರು ಎಂದು ವರದಿಯಾದ ಸಂಸದರ ಹುಡುಕಾಟವು ಆರು ದಿನಗಳ ನಂತರ ಪ್ರಾರಂಭವಾಯಿತು.
ಕಳೆದ ಮೇ 18 ರಂದು ಭಾರತಕ್ಕೆ ಬಂದ ಮೇಲೆ ಅನಾರ್‌ ಬಿಸ್ವಾಸ್‌ ಮನೆಯಲ್ಲಿ ತಂಗಿದ್ದರು. ಮೇ 13 ರಂದು ಮಧ್ಯಾಹ್ನ ವೈದ್ಯರ ಅಪಾಯಿಂಟ್‌ಮೆಂಟ್‌ಗಾಗಿ ಅನಾರ್‌ ತನ್ನ ಬಾರಾನಗರ ನಿವಾಸದಿಂದ ಹೊರಟು, ರಾತ್ರಿ ಊಟಕ್ಕೆ ಮನೆಗೆ ಬರುವುದಾಗಿ ತಿಳಿಸಿದ್ದಾಗಿ ಬಿಸ್ವಾಸ್‌ ದೂರಿನಲ್ಲಿ ತಿಳಿಸಿದ್ದಾರೆ.
ಮೇ 17 ರಿಂದ ಬಾಂಗ್ಲಾದೇಶದ ಸಂಸದರು ಅಜ್ಞಾತವಾಸಕ್ಕೆ ಹೋಗಿದ್ದಾರೆ ಎಂದು ಬಿಸ್ವಾಸ್‌ ಹೇಳಿಕೊಂಡಿದ್ದಾರೆ, ಇದು ಒಂದು ದಿನದ ನಂತರ ಕಾಣೆಯಾದ ದೂರನ್ನು ದಾಖಲಿಸಿದ್ದರು.