ಬೆಂಗಳೂರು ಶಾಲೆಗೆ ಬಾಂಬ್ ಬೆದರಿಕೆ

Social Share

ಬೆಂಗಳೂರು, ಜ.6- ಕಿಡಿಗೇಡಿಗಳು ಶಾಲೆಯೊಂದಕ್ಕೆ ಇ-ಮೇಲ್ ಮಾಡಿ ನಿಮ್ಮ ಶಾಲೆಯಲ್ಲಿ ಬಾಂಬ್ ಇಡಲಾಗಿದ್ದು, ಕೆಲ ಸಮಯದಲ್ಲೇ ಸೋಟಗೊಳ್ಳಲಿದೆ ಎಂದು ತಿಳಿಸಿರುವುದು ಕೆಲ ಕಾಲ ಆತಂಕಕ್ಕೀಡು ಮಾಡಿತ್ತು.

ಬಸವೇಶ್ವರ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯ ಸಾಣೆಗೊರವನಹಳ್ಳಿ ಮುಖ್ಯರಸ್ತೆಯಲ್ಲಿರುವ ಎನ್‍ಪಿಎಸ್ ಶಾಲೆಗೆ ರಾತ್ರಿ ಕಿಡಿಗೇಡಿಗಳು ಇ-ಮೇಲ್ ಮಾಡಿ, ಶಾಲೆ ಆವರಣದಲ್ಲಿ ಜಿಲೆಟಿನ್ ಕಡ್ಡಿ ಇಡಲಾಗಿದೆ. ಅದು ಕೆಲ ಸಮಯದಲ್ಲೇ ಸ್ಪೋಟಗೊಳ್ಳಲಿದೆ ಎಂದು ತಿಳಿಸಿದ್ದಾರೆ.

ಇಂದು ಬೆಳಗ್ಗೆ ಶಾಲೆಗೆ ಬಂದ ಮುಖ್ಯಸ್ಥರು ಎಂದಿನಂತೆ ಇ-ಮೇಲ್ ನೋಡುತ್ತಿದ್ದಾಗ, ಶಾಲೆಯಲ್ಲಿ ಬಾಂಬ್ ಇಡಲಾಗಿದೆ ಎಂಬ ಮಾಹಿತಿ ನೋಡಿ ಗಾಬರಿಯಾಗಿ ತಕ್ಷಣ ಪೊಲೀಸರಿಗೆ ತಿಳಿಸಿದ್ದಾರೆ.

ಸುದ್ದಿ ತಿಳಿದ ಬಸವೇಶ್ವರ ನಗರ ಠಾಣೆ ಪೆಪೊಲೀಸರು, ಬಾಂಬ್ ನಿಷ್ಕ್ರೀಯ ದಳ, ಶ್ವಾನದಳ ಸ್ಥಳಕ್ಕೆ ದಾವಿಸಿ ಶಾಲೆಯ ಆವರಣವನ್ನೆಲ್ಲಾ ಪರಿಶೀಲಿಸಿದರಾದರೂ ಯಾವುದೇ ವಸ್ತುಗಳು ಕಂಡು ಬಂದಿಲ್ಲ.

ಕನಕನ ನಾಡಲ್ಲಿ ಮೊಳಗಿದ ಕನ್ನಡ ಕಹಳೆ

ಇದು ಸುಳ್ಳು ಇ-ಮೇಲ್ ಎಂಬುದು ಕಂಡು ಬಂದ ಹಿನ್ನೆಲೆಯಲ್ಲಿ ಬಸವೇಶ್ವರ ನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಶಾಲೆಗೆ ಇ- ಮೇಲ್ ಕಳುಹಿಸಿದವರು ಯಾರು, ಏತಕ್ಕಾಗಿ ಈ ರೀತಿ ಕಳುಹಿಸಿದ್ದಾರೆ. ಎಲ್ಲಿಂದ ಮೇಲ್ ಬಂದಿದೆ ಎಂಬಿತ್ಯಾದಿ ಮಾಹಿತಿಗಳನ್ನು ಪೊಲೀಸರು ಕಲೆ ಹಾಕುತ್ತಿದ್ದು, ಕಿಡಿಗೇಡಿಯ ಬಂಧನಕ್ಕೆ ಬಲೆ ಬೀಸಿದ್ದಾರೆ.

Bengaluru, school, Bomb threat,

Articles You Might Like

Share This Article