‘ಅಪರೇಷನ್ ಸಿಂಧೂರ’ ಕುರಿತ ಪಾಕ್ ನಿರೂಪಣೆ ಬದಲಿಸುವುದಲ್ಲಿ ಭಾರತ ಯಶಸ್ವಿ : ಶ್ರೀಕಾಂತ್ ಶಿಂಧೆ

ನವದೆಹಲಿ, ಜೂ. 5 (ಪಿಟಿಐ) ಅಪರೇಷನ್ ಸಿಂಧೂರ್ ಕುರಿತ ಪಾಕಿಸ್ತಾನದ ನಿರೂಪಣೆಯನ್ನು ಭಾರತ ಬದಲಾಯಿಸುವುದರಲ್ಲಿ ಯಶಸ್ವಿಯಾಗಿದೆ. ವಿಶೇಷವಾಗಿ ಇಸ್ಲಾಮಿಕ್ ಕಾನ್ಸರೆನ್ಸ್ ಸಂಘಟನೆ (ಒಐಸಿ) ಸದಸ್ಯ ರಾಷ್ಟ್ರಗಳ ನಡುವೆ, ಗಡಿಯುದ್ದಕ್ಕೂ ಭಯೋತ್ಪಾದಕ ಚಟುವಟಿಕೆಗಳನ್ನು ನಡೆಸಿದ ನಂತರ ಇಸ್ಲಾಮಾಬಾದ್ ಸಹಾಯವನ್ನು ಕೋರಿತು ಎಂದು ಶಿವಸೇನಾ ನಾಯಕ ಶ್ರೀಕಾಂತ್ ಶಿಂಧೆ ಹೇಳಿದರು.

ಅಪರೇಷನ್ ಸಿಂಧೂರ್ ನಂತರ ಸರ್ಕಾರದ ಜಾಗತಿಕ ಸಂಪರ್ಕ ಪ್ರಯತ್ನಗಳ ಭಾಗವಾಗಿ ಯುಎಇ ಮತ್ತು ಪಶ್ಚಿಮ ಆಫ್ರಿಕಾದ ದೇಶಗಳಿಗೆ ಬಹುಪಕ್ಷೀಯ ನಿಯೋಗದ ನೇತೃತ್ವ ವಹಿಸಿದ್ದ ಶಿಂಧೆ. ಈ ವಿಶಿಷ್ಟ ಉಪಕ್ರಮವು ಒಐಸಿ ಮತ್ತು ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯಂತಹ ಬಹುಪಕ್ಷೀಯ ವೇದಿಕೆಗಳಲ್ಲಿ ವಿಶಿಷ್ಟ ಧ್ವನಿಯನ್ನು ಹೊಂದಿರುವ ರಾಷ್ಟ್ರಗಳಿಗೆ ಭಯೋತ್ಪಾದನೆಗೆ ಶೂನ್ಯ ಸಹಿಷ್ಣುತೆಯ ಭಾರತದ ಸಂದೇಶವನ್ನು ಬಲವಾಗಿ ತಿಳಿಸಲು ಅವಕಾಶವನ್ನು ಒದಗಿಸಿದೆ ಎಂದು ಹೇಳಿದರು.

ಶಿಂಧೆ ನೇತೃತ್ವದ ನಿಯೋಗವು ಯುಎಇ, ಸಿಯೆರಾ ಲಿಯೋನ್, ಲೈಬೀರಿಯಾ ಮತ್ತು ಕಾಂಗೋಗಳಿಗೆ ಭೇಟಿ ನೀಡಿ, ತನ್ನ 14 ದಿನಗಳ ಭೇಟಿಯ ಸಮಯದಲ್ಲಿ ಸರ್ಕಾರದ ಹಿರಿಯ ಪ್ರತಿನಿಧಿಗಳು, ಆಯಾ ರಾಷ್ಟ್ರಗಳ ಸಂಸತ್ತುಗಳು, ಚಿಂತಕರ ಚಾವಡಿಗಳು ಮತ್ತು ಭಾರತೀಯ ವಲನೆಗಾರರೊಂದಿಗೆ ಸಂವಾದ ನಡೆಸಿತು.

ಪಾಕಿಸ್ತಾನ ಈ ದೇಶಗಳಿಗೆ ಮಾರಾಟ ಮಾಡಲು ಪ್ರಯತ್ನಿಸಿದ ಪ್ರಚಾರವನ್ನು ನಾವು ಭೇದಿಸಲು ಸಾಧ್ಯವಾಯಿತು ಎಂದು ನಾನು ಭಾವಿಸುತ್ತೇನೆ. ದಾಳಿಗಳನ್ನು ನಡೆಸಲು ಗಡಿಯಾಚೆಗೆ ಭಯೋತ್ಪಾದಕರನ್ನು ಭಾರತದೊಳಗೆ ಕಳುಹಿಸಿದ್ದು ಪಾಕಿಸ್ತಾನವೇ ನಾವು ಎಲ್ಲಾ ಸಂಗತಿಗಳು ಮತ್ತು ಪುರಾವೆಗಳನ್ನು ಒದಗಿಸಿದ್ದೇವೆ. ಇದು ಅತ್ಯಂತ ಯಶಸ್ವಿ ಸಂಪರ್ಕ ಕಾರ್ಯಕ್ರಮವಾಗಿತ್ತು ಎಂದು ಲೋಕಸಭೆಯಲ್ಲಿ ಮುಂಬೈ ಉವನಗರದಲ್ಲಿರುವ ಕಲ್ಯಾಣ್ ಸಂಸದೀಯ ಸ್ಥಾನವನ್ನು ಪ್ರತಿನಿಧಿಸುವ ಶಿಂಧೆ ಪಿಟಿಐ ವೀಡಿಯೊಗಳಿಗೆ ತಿಳಿಸಿದರು.

ಶಿಂಧೆ ನೇತೃತ್ವದ ನಿಯೋಗದಲ್ಲಿ ಬನ್ಸುರಿ ಸ್ವರಾಜ್ (ಬಿಜೆಪಿ), ಇಟಿ ಮೊಹಮ್ಮದ್ ಬಶೀರ್ (ಐಯುಎಂಎಲ್), ಅತುಲ್ ಗರ್ಗ್ (ಬಿಜೆಪಿ), ನಸ್ಮಿತ್ ಪಾತ್ರ (ಬಿಜೆಡಿ), ಮನನ್ ಕುಮಾರ್ ಮಿಶ್ರಾ (ಬಿಜೆಪಿ), ಮಾಜಿ ಕೇಂದ್ರ ಸಚಿವ ಎಸ್.ಎಸ್ ಅಹ್ಲುವಾಲಿಯಾ ಮತ್ತು ಮಾಜಿ ರಾಜತಾಂತ್ರಿಕ ಸುಜನ್ ಚಿನೋಯ್ ಇದ್ದರು.

ಭಾರತ ಇಡೀ ಜಗತ್ತಿಗೆ ತಂತ್ರಜ್ಞಾನ ಮತ್ತು ವ್ಯಾಪಾರವನ್ನು ಪೂರೈಸುತ್ತಿದ್ದರೆ, ಪಾಕಿಸ್ತಾನ ಇಡೀ ಜಗತ್ತಿಗೆ ಭಯೋತ್ಪಾದಕರನ್ನು ಪೂರೈಸುತ್ತಿದೆ ಎಂದು ನಾವು ಬಲವಾಗಿ ತಿಳಿಸಲು ಸಾಧ್ಯವಾಯಿತು ಎಂದು ಶಿಂಧೆ ಹೇಳಿದರು.

9/11 ದಾಳಿಯ ಮಾಸ್ಟರ್ ಮೈಂಡ್ ಒಸಾಮಾ ಬಿನ್ ಲಾಡೆನ್ ಅಬೋಟಾಬಾದ್‌ನ ಮಿಲಿಟರಿ ಶಿಬಿರದ ಹೊರವಲಯದಲ್ಲಿ ವರ್ಷಗಳ ಕಾಲ ಒಟ್ಟಿಗೆ ಆಶ್ರಯ ಪಡೆದಿದ್ದನು. ಅಲ್ಲಿ ಅವನು ಯುಎನ್ ಭದ್ರತಾ ವಡೆಗಳಿಂದ ಕೊಲ್ಲಲ್ಪಟ್ಟನು.ಯುಎಇ ಮತ್ತು ಸಿಯೆರಾ ಲಿಯೋನ್ ಒಐಸಿಯ ಸದಸ್ಯ ರಾಷ್ಟ್ರಗಳಾಗಿದ್ದರೆ, ಕಾಂಗೋ ಮತ್ತು ಲೈಬೀರಿಯಾ 2026-28ರ ಅವಧಿಗೆ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ ಶಾಶ್ವತವಲ್ಲದ ಸದಸ್ಯ ರಾಷ್ಟ್ರಗಳಾಗಿ ಆಯ್ಕೆಯಾಗಿವೆ.

ಧರ್ಮದ ಹೆಸರಿನಲ್ಲಿ ಭಯೋತ್ಪಾದನೆಯನ್ನು ಹರಡುವಲ್ಲಿ ಪಾಕಿಸ್ತಾನದ ಪಾತ್ರವನ್ನು ಎತ್ತಿ ತೋರಿಸಲು ನಾವು ಒಐಸಿ ಸದಸ್ಯ ರಾಷ್ಟ್ರಗಳಿಗೆ ಹೋಗಿದ್ದೆವು. ಮುಸ್ಲಿಂ ಸಮುದಾಯದ ಹಿತಾಸಕ್ತಿಗಳನ್ನು ಕಾಪಾಡುತ್ತಿದೆ ಎಂದು ವಾದಿಸುವ ಒಟಿಸಿ ರಾಷ್ಟ್ರಗಳಿಂದ ರಕ್ಷಣೆಯನ್ನೂ ಕೋರಿದೆ ಎಂದು ಶಿಂಧೆ ಹೇಳಿದರು.ಯುಎಇ ಭೇಟಿಯ ಸಂದರ್ಭದಲ್ಲಿ, ಭಾರತೀಯ ನಿಯೋಗವು ಸಹಿಷ್ಣುತೆ ಮತ್ತು ಸಹಬಾಳ್ವೆ ಸಚಿವ ಶೇಖ್ ನಹ್ಯಾನ್ ಬಿನ್. ಮುಬಾರಕ್ ಅಲ್ ನಹ್ಯಾನ್ ಅವರನ್ನು ಭೇಟಿ ಮಾಡಿತು. ಅವರು ಭಯೋತ್ಪಾದನೆಯ ವಿರುದ್ಧದ ಹೋರಾಟದಲ್ಲಿ ಭಾರತಕ್ಕೆ ಬಲವಾದ ಬೆಂಬಲವನ್ನು ವ್ಯಕ್ತಪಡಿಸಿದರು.