ಅರಾರಿಯಾ (ಬಿಹಾರ), ಮಾ 22-ಹಲವಾರು ಕೊಲೆ ಪ್ರಕರಣಗಳಲ್ಲಿ ಬೇಕಾಗಿದ್ದ ಮತ್ತು ತಲೆಗೆ 3 ಲಕ್ಷ ರೂಪಾಯಿ ಬಹುಮಾನವನ್ನು ಹೊತ್ತಿದ್ದ ಕುಖ್ಯಾತ ಪಾತಕಿಯೊಬ್ಬನನ್ನು ಬಿಹಾರದ ಅರಾರಿಯಾ ಜಿಲ್ಲೆಯಲ್ಲಿ ಪೊಲೀಸ್ ಎನ್‌ ಕೌಂಟರ್‌ನಲ್ಲಿ ಬಲಿಯಾಗಿದ್ದಾನೆ .
ನರ್ಪತ್‌ಗಂಜ್‌ ಪ್ರದೇಶದಲ್ಲಿ ಇಂದು ಮುಂಜಾನೆ 4 ಗಂಟೆ ಸುಮಾರಿಗೆ ನಡೆದ ಎನ್‌ಕೌಂಟರ್‌ನಲ್ಲಿ ನಾಲ್ವರು ಪೊಲೀಸರು ಗಾಯಗೊಂಡಿದ್ದಾರೆ ಎಂದು ಹೆಚ್ಚುವರಿ ಪೊಲೀಸ್ ಮಹಾನಿರ್ದೇಶಕ (ಎಸ್‌ಟಿಎಫ್) ಕುಂದನ್ ಕೃಷ್ಣನ್ ತಿಳಿಸಿದ್ದಾರೆ. ಪಾತಕಿಯನ್ನು ಚುನ್ಮುನ್ ಝಾ ಅಲಿಯಾಸ್ ರಾಕೇಶ್ ಝಾ ಎಂದು ಗುರುತಿಸಲಾಗಿದೆ.ಭೋಜ್ಪುರ ಮತ್ತು ಪೂರ್ಣಿಯಾ ಜಿಲ್ಲೆಗಳಲ್ಲಿ ಆಭರಣ ಶೋರೂಂ ಲೂಟಿ ಸೇರಿ ಹಲವಾರು ಅಪರಾಧ ಪ್ರಕರಣಗಳಲ್ಲಿ ಈತಬೇಕಾಗಿದ್ದ ಮತ್ತು ತಲೆಮರೆಸಿಕೊಂಡಿದ್ದ ಎಂದು ಅಧಿಕಾರಿ ತಿಳಿಸಿದ್ದಾರೆ.
ಕಳೆದ ಮಾರ್ಚ್ 10 ರಂದು ಭೋಜ್ಪುರ ಜಿಲ್ಲೆಯ ಅರಾದಲ್ಲಿರುವ ಬ್ರಾಂಡೆಡ್ ಆಭರಣ ಮಳಿಗೆಯಲ್ಲಿ ನಡೆದ ದರೋಡೆ ಪ್ರಕರಣದಲ್ಲಿಯೂ ಈತನ ಪಾತ್ರವಿತ್ತು. ಬಿಹಾರ ಪೊಲೀಸರ ವಿಶೇಷ ಕಾರ್ಯಪಡೆ ಹಲವಾರು ದಿನಗಳಿಂದ ಅವರನ್ನು ಪತ್ತೆಗೆ ಶೋಧ ನಡೆಸಿತ್ತು.ವಾರಣಾಸಿ, ಮಿರ್ಜಾಪುರ, ಡೆಹಿ ಮತ್ತು ಮುಜಾಫರ್‌ಪುರದಿಂದ ಅರಾರಿಯಾಕ್ಕೆ ತಮ್ಮ ಅಡಗುತಾಣಗಳನ್ನು ಬದಲಾಯಿಸುತ್ತಲೇ ಇದ್ದ ಅಂತಿಮವಾಗಿ, ಆತನನ್ನು ಮುಂಜಾನೆ 4 ಗಂಟೆ ಸುಮಾರಿಗೆ ನರ್ಪತ್‌ ಗಂಜ್ ಪ್ರದೇಶದಲ್ಲಿ ಪತ್ತೆಹಚ್ಚಲಾಯಿತು ಎಡಿಜಿ ಹೇಳಿದರು.
ಪೊಲೀಸ್ ಸಿಬ್ಬಂದಿಯನ್ನು ಗಮನಿಸಿದ ನಂತರ. ಝಾ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದ ಮತ್ತು ಪೊಲೀಸರತ್ತ ಗುಂಡು ಹಾರಿಸಿದ . ಎಟಿಎಫ್ ತಂಡವು ಪ್ರತಿದಾಳಿ ನಡೆಸಿತು. ಎನ್‌ಕೌಂಟರ್‌ನಲ್ಲಿ ಝಾ ಗಾಯಗೊಂಡಿದ್ದಾರೆ ಮತ್ತು ಅವರ ಸಹಚರರಲ್ಲಿ ಒಬ್ಬನನ್ನು ಬಂಧಿಸಲಾಗಿದೆ ಎಂದು ಕೃಷ್ಣನ್ ತಿಳಿಸಿದ್ದಾರೆ.
ಝಾನನ್ನು ತಕ್ಷಣವೇ ಹತ್ತಿರದ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿ ಚಿಕಿತ್ಸೆ ನಡುವೆ ಸಾವನ್ನಪ್ಪಿದರು ಎಂದು ಎಡಿಜಿ ಹೇಳಿದರು. ಕಾರ್ಯಾಚರಣೆಯಲ್ಲಿ ನಾಲ್ವರು ಪೊಲೀಸರು ಗಾಯಗೊಂಡಿದ್ದಾರೆ, ಆದರೆ ಅವರು ಅಪಾಯದಿಂದ ಪಾರಾಗಿದ್ದಾರೆ ಎಂದು ಅವರು ಹೇಳಿದರು. ಝಾ ತನ್ನ ತಲೆಯ ಮೇಲೆ 3 ಲಕ್ಷ ರೂಪಾಯಿ ಬಹುಮಾನವನ್ನು ಹೊಂದಿದ್ದನು ಮತ್ತು ಕೊಲೆ, ಅಪಹರಣ, ಡಕಾಯಿಟಿ ಮತ್ತು ಆಭರಣ ಶೋರೂಮ್ ಲೂಟಿಯ ಹಲವಾರು ಪ್ರಕರಣಗಳಲ್ಲಿ ಬೇಕಾಗಿದ್ದನು ಎಂದು ಎಡಿಜಿ ಹೇಳಿದರು, ಕಾರ್ಯಾಚರಣೆಯ ಸಮಯದಲ್ಲಿ ಝಾ ಅವರ ಸಹಚರರೊಬ್ಬರು ಸ್ಥಳದಿಂದ ಪರಾರಿಯಾಗಿದ್ದಾರೆ ಎಂದು ಹೇಳಿದರು.