ಪ್ಯಾರಿಸ್‌, ಜೂ.13- (ಪಿಟಿಐ) ವಿದೇಶಾಂಗ ಸಚಿವ ಎಸ್‌. ಜೈಶಂಕರ್‌ ಇಲ್ಲಿ ಅಧ್ಯಕ್ಷ ಎಮ್ಯಾನುಯೆಲ್‌ ಮ್ಯಾಕ್ರನ್‌ ಅವರನ್ನು ಭೇಟಿ ಮಾಡಿ ಭಯೋತ್ಪಾದನೆ ವಿರುದ್ಧದ ಹೋರಾಟದಲ್ಲಿ ಬೆಂಬಲದ ಬಲವಾದ ಸಂದೇಶಕ್ಕಾಗಿ ಧನ್ಯವಾದ ಅರ್ಪಿಸಿದರು. ಏಪ್ರಿಲ್‌ 22 ರ ಪಹಲ್ಗಾಮ್‌ ಭಯೋತ್ಪಾದಕ ದಾಳಿಯ ನಂತರ, ದ್ವಿಪಕ್ಷೀಯ ಸಂಬಂಧಗಳನ್ನು ಹೆಚ್ಚಿಸಲು ಮತ್ತು ಭಯೋತ್ಪಾದನೆಯ ವಿರುದ್ಧ ಶೂನ್ಯ ಸಹಿಷ್ಣುತೆಯ ಭಾರತದ ನೀತಿಯನ್ನು ಪುನರುಚ್ಚರಿಸಲು ಜೈಶಂಕರ್‌ ಯುರೋಪ್‌ ಭೇಟಿಯಲ್ಲಿದ್ದಾರೆ.
ಫ್ರಾನ್‌್ಸ ಅಧ್ಯಕ್ಷ ಎಮ್ಯಾನುಯೆಲ್‌ ಮ್ಯಾಕ್ರನ್‌ ಅವರನ್ನು ಭೇಟಿ ಮಾಡಲು ಗೌರವ. ಪ್ರಧಾನಿ ಅವರ ಶುಭಾಶಯಗಳನ್ನು ಸಲ್ಲಿಸಲಾಯಿತು. ಭಯೋತ್ಪಾದನೆಯ ವಿರುದ್ಧದ ಹೋರಾಟದಲ್ಲಿ ಬೆಂಬಲದ ಬಲವಾದ ಸಂದೇಶಕ್ಕಾಗಿ ಅವರಿಗೆ ಧನ್ಯವಾದ ಅರ್ಪಿಸಲಾಯಿತು ಎಂದು ಜೈಶಂಕರ್‌ ಸಭೆಯ ನಂತರ ಎಕ್‌್ಸ ಮಾಡಿದ್ದಾರೆ. ನಮ್ಮ ಚರ್ಚೆಗಳು ನಮ್ಮ ಕಾರ್ಯತಂತ್ರದ ಪಾಲುದಾರಿಕೆಯ ನಂಬಿಕೆ, ಸೌಕರ್ಯ ಮತ್ತು ಮಹತ್ವಾಕಾಂಕ್ಷೆಯನ್ನು ಪ್ರತಿಬಿಂಬಿಸುತ್ತವೆ ಎಂದು ಅವರು ಹೇಳಿದರು. ಮಾರ್ಸಿಲ್ಲೆಯಲ್ಲಿ ತಮ್ಮ ಅರ್ಮೇನಿಯನ್‌ ಪ್ರತಿರೂಪವಾದ ಅರರತ್‌ ಮಿರ್ಜೋಯನ್‌ ಅವರನ್ನು ಸಹ ಭೇಟಿಯಾದರು.
ನಮ್ಮ ನಿಕಟ ಸಹಕಾರ ಮತ್ತು ಪ್ರಾದೇಶಿಕ ಬೆಳವಣಿಗೆಗಳ ಕುರಿತು ಉಪಯುಕ್ತ ಚರ್ಚೆ ಎಂದು ಅವರು ಪೋಸ್ಟ್‌ ಮಾಡಿದ್ದಾರೆ.ಜೈಶಂಕರ್‌ ಮೊನ್ನೆ ಬ್ರಸೆಲ್‌್ಸನಲ್ಲಿದ್ದರು, ಅಲ್ಲಿ ಅವರು ಉನ್ನತ ಯುರೋಪಿಯನ್‌ ಒಕ್ಕೂಟದ ನಾಯಕರನ್ನು ಭೇಟಿಯಾದರು ಮತ್ತು -ಭಾರತ ಕಾರ್ಯತಂತ್ರದ ಪಾಲುದಾರಿಕೆಯನ್ನು ಮತ್ತಷ್ಟು ಬಲಪಡಿಸುವ ಮಾರ್ಗಗಳನ್ನು ಚರ್ಚಿಸಿದರು. ಏಪ್ರಿಲ್‌ 22 ರಂದು 26 ಜೀವಗಳನ್ನು ಬಲಿ ಪಡೆದ ಪಹಲ್ಗಾಮ್‌ ಭಯೋತ್ಪಾದಕ ದಾಳಿಯು ಭಾರತವನ್ನು ಮೇ 7 ರಂದು ಪಾಕಿಸ್ತಾನ ಮತ್ತು ಪಾಕ್‌ ಆಕ್ರಮಿತ ಕಾಶ್ಮೀರದಲ್ಲಿನ ಭಯೋತ್ಪಾದಕ ಮೂಲಸೌಕರ್ಯಗಳ ಮೇಲೆ ನಿಖರವಾದ ದಾಳಿ ನಡೆಸಲು ಪ್ರೇರೇಪಿಸಿತು.