ಶ್ರೀನಗರ,ಜು.12- ಹಿರಿಯ ವಕೀಲ ಮತ್ತು ಜಮು ಮತ್ತು ಕಾಶೀರ ಹೈಕೋರ್ಟ್‌ ಬಾರ್‌ ಅಸೋಸಿಯೇಷನ್‌ನ ಮಾಜಿ ಅಧ್ಯಕ್ಷ ನಜೀರ್‌ ಅಹದ್‌ ರೋಂಗಾ ಅವರನ್ನು ಸಾರ್ವಜನಿಕ ಸುರಕ್ಷತಾ ಕಾಯ್ದೆಯಡಿ ಬಂಧಿಸಲಾಗಿದೆ.
ರೋಂಗಾ ಅವರನ್ನು ನಗರದ ನಿಶಾತ್‌ ಪ್ರದೇಶದಲ್ಲಿನ ಅವರ ನಿವಾಸದಿಂದ ಬಂಧಿಸಲಾಗಿದ್ದು, ಪಿಎಸ್‌‍ಎ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.ಕಾಶೀರ ಹೈಕೋರ್ಟ್‌ ಬಾರ್‌ ಅಸೋಸಿಯೇಶನ್‌ನ ಮಾಜಿ ಅಧ್ಯಕ್ಷರಾಗಿದ್ದ ನನ್ನ ತಂದೆ ರೋಂಗಾ ಅವರನ್ನು ತೀವ್ರ ಗೊಂದಲದ ಘಟನೆಗಳಲ್ಲಿ ಬಂಧಿಸಲಾಗಿದೆ ಎಂದು ಅವರ ಪುತ್ರ ಉಮೈರ್‌ ರೋಂಗಾ ಎಕ್‌್ಸನಲ್ಲಿ ಪೋಸ್ಟ್‌ ಮಾಡಿದ್ದಾರೆ.
ಬೆಳಿಗ್ಗೆ 1.10 ಗಂಟೆಗೆ ಪೋಲೀಸರ ತುಕಡಿಯು ಯಾವುದೇ ಬಂಧನ ವಾರಂಟ್‌ ಇಲ್ಲದೆ ನಮ ಮನೆಗೆ ಆಗಮಿಸಿ ನನ್ನ ತಂದೆಯನ್ನು ಬಂಧಿಸಿದೆ. ನಾವು ಸಂಕಟದ ಸ್ಥಿತಿಯಲ್ಲಿರುತ್ತೇವೆ ಎಂದು ಉಮೈರ್‌ ರೊಂಗಾ ಹೇಳಿದರು.
ಜಮು ಮತ್ತು ಕಾಶೀರ ಹೈಕೋರ್ಟ್‌ ಬಾರ್‌ ಅಸೋಸಿಯೇಷನ್‌ನ ಮಾಜಿ ಅಧ್ಯಕ್ಷರನ್ನು ಸಮವಸ್ತ್ರಧಾರಿ ಸಿಬ್ಬಂದಿ ಕರೆದುಕೊಂಡು ಹೋಗುತ್ತಿರುವುದನ್ನು ತೋರಿಸುವ ಎರಡು ವೀಡಿಯೊಗಳನ್ನು ಅವರು ಪೋಸ್ಟ್‌ ಮಾಡಿದ್ದಾರೆ.
2020 ರಲ್ಲಿ ವಕೀಲ ಬಾಬರ್‌ ಖಾದ್ರಿ ಅವರನ್ನು ಭಯೋತ್ಪಾದಕರು ಹತ್ಯೆ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಕೀಲರ ಸಂಘದ ಮಾಜಿ ಅಧ್ಯಕ್ಷ ಮಿಯಾನ್‌ ಅಬ್ದುಲ್‌ ಖಯೂಮ್‌ ಅವರನ್ನು ಕಳೆದ ತಿಂಗಳು ಬಂಧಿಸಲಾಗಿತ್ತು. ರೋಂಗಾ ಬಂಧನವನ್ನು ಪಿಡಿಪಿ ಅಧ್ಯಕ್ಷೆ ಮೆಹಬೂಬಾ ಮುಫ್ತಿ ಟೀಕಿಸಿದ್ದಾರೆ