ಕೊಪ್ಪಳ : ಅಭಿನವ ಬೀಚಿ, ಹಾಸ್ಯ ಭಾಷಣಕಾರ, ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಗಂಗಾವತಿ ಪ್ರಾಣೇಶ್ ಅವರ ತಾಯಿ ಸತ್ಯವತಿ ಬಾಯಿ (86) ಅವರು ಇಂದು ನಿಧನರಾಗಿದ್ದಾರೆ. ವಯೋಸಹಜ ಖಾಯಿಲೆಗಳಿಂದ ಬಳಲುತ್ತಿದ್ದ ವರು ಸ್ವಗ್ರಾಮ ಗಂಗಾವತಿಯಲ್ಲಿ ವಿಧಿವಶರಾಗಿದ್ದಾರೆ.ಅವರ ಅಂತ್ಯಕ್ರಿಯೆ ನಾಳೆ(ಅ. 19) ಬೆಳಿಗ್ಗೆಯೇ 9 ಗಂಟೆಗೆ ಗಂಗಾವತಿಯಲ್ಲಿ ನೆರವೇರಲಿದೆ.
ಈ ಕುರಿತು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿರುವ ಗಂಗಾವತಿ ಪ್ರಾಣೇಶ್, ನಾನು ಕಲಾವಿದನಾಗಿದ್ದು ತಾಯಿಯಿಂದ. ನನ್ನ ಬದುಕಿನ ಸ್ಪೂರ್ತಿ ನನ್ನ ತಾಯಿ. ಆದರೆ ತಾಯಿ ನಮ್ಮನ್ನು ಅಗಲಿದ್ದಾರೆ ಎಂದು ಗಂಗಾವತಿ ಪ್ರಾಣೇಶ್ ಹೇಳಿದ್ದಾರೆ.