ಬಾರ್ಮರ್‌,ಆ.21-ಇಬ್ಬರು ಮಕ್ಕಳು ಹಾಸಿಗೆ ಒದ್ದೆ ಮಾಡಿದ್ದಕ್ಕಾಗಿ ಶಿಸ್ತು ಉಲ್ಲಂಘನೆ ನೆಪದಲ್ಲಿ ವಾರ್ಡನ್‌ ಬಿಸಿ ಕಬ್ಬಿಣದ ರಾಡ್‌ನಿಂದ ಹೊಡೆದಿರುವ ಘಟನೆ ರಾಜಸ್ಥಾನದ ಬಾರ್ಮರ್‌ ಜಿಲ್ಲೆಯ ಗುರುಕುಲವೊಂದರಲ್ಲಿ ನಡೆದಿದೆ.
ಕಳೆದ ಆ.17 ರಂದು ಹರ್ಪಾಲೇಶ್ವರ ಮಹಾದೇವ್‌ ವಿಕಾಸ್‌ ಸೇವಾ ಸಮಿತಿ ನಡೆಸುತ್ತಿರುವ ಸೇಡ್ವಾ ಪ್ರದೇಶದ ಹರ್ಪಾಲಿಯ ಗ್ರಾಮದ ಗುರುಕುಲದಲ್ಲಿ ನಡೆದಿದೆ.2022 ರಿಂದ ಕಾರ್ಯನಿರ್ವಹಿಸುತ್ತಿರುವ ಗುರುಕುಲವು ಬಡ, ಅಲೆಮಾರಿ ಮತ್ತು ಅನಾಥ ಕುಟುಂಬಗಳ ಮಕ್ಕಳನ್ನು ಹೊಂದಿದೆಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಒಬ್ಬ ಕಳೆದ ರಾತ್ರಿ ಗುರುಕುಲದಿಂದ ಓಡಿಹೋಗಿ ತನ್ನ ಕುಟುಂಬಕ್ಕೆ ಚಿತ್ರಹಿಂಸೆಯ ಬಗ್ಗೆ ತಿಳಿಸಿದ ನಂತರ ಈ ವಿಷಯ ಬೆಳಕಿಗೆ ಬಂದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.ಮಕ್ಕಳ ಸುಟ್ಟ ಗಾಯಗಳು ಮತ್ತು ಅವರ ಮೇಲಿನ ದೌರ್ಜನ್ಯದ ವೀಡಿಯೊ ವೈರಲ್‌ ಆದ ನಂತರ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಗ್ರಾಮಸ್ಥರು ಸಂಸ್ಥೆಯ ಹೊರಗೆ ಜಮಾಯಿಸಿದರು.
ಭರತ್‌ಪುರ ನಿವಾಸಿ ಮತ್ತು ಗುರುಕುಲದ ವಾರ್ಡನ್‌/ಶಿಕ್ಷಕ ನಾರಾಯಣ ಗಿರಿ ಅವರನ್ನು ಬಂಧಿಸಲಾಗಿದೆ ಎಂದು ಚೌಹಾಟನ್‌ ಉಪ ಎಸ್‌‍ಪಿ ಜೀವನ್‌ ಲಾಲ್‌ ಖತ್ರಿ ದೃಢಪಡಿಸಿದ್ದಾರೆ. ಬ್ಲಾಕ್‌ ಶಿಕ್ಷಣ ಅಧಿಕಾರಿ (ಬಿಇಒ) ಪ್ರಕಾಶ್‌ ಚಂದ್‌ ವಿಷ್ಣೋಯ್‌ ಇಲಾಖಾ ತನಿಖೆ ಆರಂಭಿಸಲಾಗಿದೆ ಎಂದು ಹೇಳಿದರು.
ಘಟನೆಯ ತನಿಖೆಗಾಗಿ ಸಮಿತಿಯನ್ನು ರಚಿಸಲಾಗಿದೆ. ನಾವು ಗುರುಕುಲಕ್ಕೆ ಭೇಟಿ ನೀಡಿದ್ದೇವೆ, ಮಕ್ಕಳು, ಅವರ ಪೋಷಕರು ಮತ್ತು ಸಿಬ್ಬಂದಿಯೊಂದಿಗೆ ಸಂವಹನ ನಡೆಸಿದ್ದೇವೆ. ವರದಿಯನ್ನು ಶೀಘ್ರದಲ್ಲೇ ಸಲ್ಲಿಸಲಾಗುವುದು ಎಂದು ವಿಷ್ಣೋಯ್‌ ಹೇಳಿದರು.
ಪ್ರಾಥಮಿಕ ತನಿಖೆಯ ಪ್ರಕಾರ, ಸುಮಾರು 10 ಮತ್ತು 11 ವರ್ಷ ವಯಸ್ಸಿನ ಮಕ್ಕಳು ಮಲಗಿದ್ದಾಗ ಹಾಸಿಗೆ ಒದ್ದೆ ಮಾಡಿದ ನಂತರ ಆರೋಪಿಗಳು ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಲಾಗಿದೆ. ವೈರಲ್‌ ವೀಡಿಯೊದಲ್ಲಿ ಗ್ರಾಮಸ್ಥರು ವಾರ್ಡನ್‌ ಹಿಂದೆ ಕೋಲುಗಳಿಂದ ಹಲ್ಲೆ ಮಾಡಿದ್ದಾರೆ ಎಂದು ಆರೋಪಿಸಿರುವುದನ್ನು ಸಹ ತೋರಿಸಲಾಗಿದೆ.
- ಹೈದರಾಬಾದ್‌ನಲ್ಲಿ ಕರ್ನಾಟಕದ ಕಲಬುರಗಿಯ ಒಂದೇ ಕುಟುಂಬದ ಐವರು ಆತ್ಮಹತ್ಯೆ
- ಮಹೇಶ್‌ ಶೆಟ್ಟಿ ತಿಮರೋಡಿಯನ್ನು ವಶಕ್ಕೆ ಪಡೆದ ಪೊಲೀಸರು
- ರೈಲುಗಳ ಶೌಚಾಲಯಗಳಲ್ಲಿ ನೀರಿನ ಕೊರತೆ ಕುರಿತು 1 ಲಕ್ಷಕ್ಕೂ ಹೆಚ್ಚು ದೂರು : ಸಿಎಜಿ ವರದಿ
- ತ್ರಿವಳಿ ಕೊಲೆಗೆ ಬೆಚ್ಚಿಬಿದ್ದ ರಾಷ್ಟ್ರ ರಾಜಧಾನಿ ದೆಹಲಿ
- 33 ದಿನದಲ್ಲಿ ಮಾದಪ್ಪನ ಹುಂಡಿಯಲ್ಲಿ 2 ಕೋಟಿ ಕಾಣಿಕೆ ಸಂಗ್ರಹ