ವಾಷಿಂಗ್ಟನ್‌,ಜೂ. 17 (ಪಿಟಿಐ) ಅಮೆರಿಕದ ನೆಲದಲ್ಲಿ ಸಿಖ್‌ ಉಗ್ರರ ವಿರುದ್ಧ ಬಾಡಿಗೆಗೆ ಕೊಲೆ ಸಂಚು ರೂಪಿಸಿದ ಆರೋಪದಲ್ಲಿ ಬಂಧಿಸಲಾಗಿರುವ ಭಾರತೀಯ ಪ್ರಜೆ ನಿಖಿಲ್‌ ಗುಪ್ತಾ ಅವರನ್ನು ಜೆಕ್‌ ರಿಪಬ್ಲಿಕ್‌ನಿಂದ ಅಮೆರಿಕಕ್ಕೆ ಹಸ್ತಾಂತರಿಸಲಾಗಿದೆ ಎಂದು ವರದಿಯಾಗಿದೆ.
52 ವರ್ಷದ ಗುಪ್ತಾ ಅವರನ್ನು ಕಳೆದ ವರ್ಷ ಜೆಕ್‌ ರಿಪಬ್ಲಿಕ್‌ನಲ್ಲಿ ಅಮೆರಿಕ ಸರ್ಕಾರದ ಕೋರಿಕೆಯ ಮೇರೆಗೆ ನ್ಯೂಯಾರ್ಕ್‌ನಲ್ಲಿ ಖಲಿಸ್ತಾನಿ ಪ್ರತ್ಯೇಕತಾವಾದಿ ಗುರ್ಪತ್‌ವಂತ್‌ ಸಿಂಗ್‌ ಪನ್ನುನ್‌ ಹತ್ಯೆಗೆ ಸಂಚು ರೂಪಿಸಿದ ಆರೋಪದ ಮೇಲೆ ಬಂಧಿಸಲಾಗಿತ್ತು.ಜೆಕ್‌ ಸಾಂವಿಧಾನಿಕ ನ್ಯಾಯಾಲಯವು ಕಳೆದ ತಿಂಗಳು ಆರೋಪಗಳನ್ನು ಎದುರಿಸಲು ಗುಪ್ತಾ ಅವರನ್ನು ಯುಎಸ್‌‍ಗೆ ಹಸ್ತಾಂತರಿಸುವುದರ ವಿರುದ್ಧ ಸಲ್ಲಿಸಿದ ಅರ್ಜಿಯನ್ನು ತಿರಸ್ಕರಿಸಿತು.
ಗುಪ್ತಾ ಅವರು ಹೆಸರಿಸದ ಭಾರತೀಯ ಸರ್ಕಾರಿ ಅಧಿಕಾರಿಯ ನಿರ್ದೇಶನದಂತೆ ಕೆಲಸ ಮಾಡುತ್ತಿದ್ದಾರೆ ಎಂದು ಅಮೆರಿಕ ಫೆಡರಲ್‌ ಪ್ರಾಸಿಕ್ಯೂಟರ್‌ಗಳು ಆರೋಪಿಸಿದ್ದಾರೆ. ಆದರೆ ಭಾರತವು ಅಂತಹ ಪ್ರಕರಣದಲ್ಲಿ ಭಾಗಿಯಾಗಿರುವುದನ್ನು ನಿರಾಕರಿಸಿದೆ ಮತ್ತು ಆರೋಪಗಳ ಬಗ್ಗೆ ಉನ್ನತ ಮಟ್ಟದ ತನಿಖೆಯನ್ನು ಸ್ಥಾಪಿಸಿದೆ. ಗುಪ್ತಾ ಪ್ರಸ್ತುತ ಬ್ರೂಕ್ಲಿನ್‌ನಲ್ಲಿರುವ ಫೆಡರಲ್‌ ಮೆಟ್ರೋಪಾಲಿಟನ್‌ ಡಿಟೆನ್ಶನ್‌ ಸೆಂಟರ್‌ನಲ್ಲಿ ದಾಖಲಾಗಿದ್ದಾರೆ ಮತ್ತು ಇಂದು ಅವರನ್ನು ನ್ಯೂಯಾರ್ಕ್‌ನ ಫೆಡರಲ್‌ ನ್ಯಾಯಾಲಯಕ್ಕೆ ಹಾಜರುಪಡಿಸುವ ನಿರೀಕ್ಷೆಯಿದೆ.
ವಾಷಿಂಗ್ಟನ್‌ ಪೋಸ್ಟ್‌ ಪ್ರಕಾರ ಗುಪ್ತಾ ಬ್ರೂಕ್ಲಿನ್‌ ಬಂಧನ ಕೇಂದ್ರದಲ್ಲಿ ಕೈದಿ ಎಂದು ಪಟ್ಟಿಮಾಡಲಾಗಿದೆ ಎಂದು ತಿಳಿಸಿದೆ. ಫೆಡರಲ್‌ ಪ್ರಾಸಿಕ್ಯೂಟರ್‌ಗಳು ಪನ್ನುನ್‌ನನ್ನು ಕೊಲ್ಲಲು ಗುಪ್ತಾ ಒಬ್ಬ ಹಿಟ್‌ವ್ಯಾನ್‌ ಅನ್ನು ನೇಮಿಸಿಕೊಂಡರು ಮತ್ತು ಮುಂಗಡವಾಗಿ 15,000 ಅಮೆರಿಕನ್‌ ಡಾಲರ್‌ ಪಾವತಿಸಿದರು ಎಂದು ಆರೋಪಿಸಿದ್ದಾರೆ.
ಗುಪ್ತಾ ಅವರು ತಮ ವಕೀಲರ ಮೂಲಕ ಆರೋಪಗಳನ್ನು ನಿರಾಕರಿಸಿದರು ಮತ್ತು ಅನ್ಯಾಯವಾಗಿ ಆರೋಪ ಹೊರಿಸಲಾಗಿದೆ ಎಂದು ಹೇಳಿದರು. ಗುಪ್ತಾ ಅವರ ವಕೀಲರಾದ ರೋಹಿಣಿ ಮೂಸಾ ಅವರು ಭಾರತೀಯ ಸುಪ್ರೀಂ ಕೋರ್ಟ್‌ಗೆ ಸಲ್ಲಿಸಿದ ಅರ್ಜಿಯಲ್ಲಿ ತಮ ಕಕ್ಷಿದಾರರನ್ನು ಅನ್ಯಾಯವಾಗಿ ವಿಚಾರಣೆ ಎದುರಿಸುತ್ತಿದ್ದಾರೆ ಎಂದು ವಾದಿಸಿದ್ದಾರೆ.ಅರ್ಜಿದಾರರನ್ನು ಆಪಾದಿತ ಬಲಿಪಶುವನ್ನು ಹತ್ಯೆ ಮಾಡುವ ಬಹತ್‌ ಆಪಾದಿತ ಸಂಚು ನಡೆಸಿರುವ ಬಗ್ಗೆ ಯಾವುದೇ ದಾಖಲೆಗಳಿಲ್ಲ ಎಂದು ವಾಷಿಂಗ್ಟನ್‌ ಪೋಸ್ಟ್‌ ಹೇಳಿದೆ. .