ಮಲಪ್ಪುರಂ,ಏ.7- ಮುಸ್ಲಿಮರು ಅತಿ ಹೆಚ್ಚು ವಾಸಿಸುವ ಕೇರಳದ ಮಲಪ್ಪುರಂ ವಿಭಿನ್ನ ದೇಶವಿದ್ದಂತೆ ಎಂಬ ಶ್ರೀ ನಾರಾಯಣ ಧರ್ಮ ಪರಿಪಾಲನಾ ಯೋಗಂ ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ವೆಲ್ಲಪಲ್ಲಿ ನಟೇಶನ್ ಹೇಳಿಕೆ ಇದೀಗ ವಿವಾದ ಪಡೆದುಕೊಂಡಿದೆ.
ಮಲಪ್ಪುರಂನಲ್ಲಿ ನಡೆದ ಸಮಾವೇಶದಲ್ಲಿ ಶ್ರೀ ನಾರಾಯಣ ಧರ್ಮ ಪರಿಪಾಲನಾ (ಎಸ್‌ಎನ್‌ಡಿಪಿ) ಯೋಗಂ ಪ್ರಧಾನ ಕಾರ್ಯದರ್ಶಿ ವೆಲ್ಲಪಲ್ಲಿ ನಟೇಶನ್ ಮಾಡಿದ ಭಾಷಣಕ್ಕೆ ಕೇರಳದಾದ್ಯಂತ ರಾಜಕೀಯ ಮತ್ತು ಸಮುದಾಯದ ಮುಖಂಡರಿಂದ ತೀಕ್ಷ ಪ್ರತಿಕ್ರಿಯೆಗಳು ಬಂದಿವೆ.
ರಾಜ್ಯದ ಮುಸ್ಲಿಂ ಬಹುಸಂಖ್ಯಾತ ಜಿಲ್ಲೆಯಾದ ಮಲಪ್ಪುರಂ ಅನ್ನು ಉಲ್ಲೇಖಿಸಿದ ನಟೇಶನ್ ಅದನ್ನು ವಿಭಿನ್ನ ದೇಶ ಎಂದು ಬಣ್ಣಿಸಿದರು. ಅಲ್ಲಿ ನಾವು ಶುದ್ಧ ಗಾಳಿಯನ್ನು ಉಸಿರಾಡುವ ಮೂಲಕ ವಾಸಿಸಬಹುದು ಎಂದು ನಾನು ಭಾವಿಸುವುದಿಲ್ಲ ಎಂದಿದ್ದರು. ಮಲಪ್ಪುರಂ ಒಂದು ವಿಭಿನ್ನ ದೇಶ. ಇದು ವಿಭಿನ್ನ ಜನರ ಸ್ಥಿತಿ ಎಂದು ನಟೇಶನ್ ಚುಂಗತಾರಾ ಪ್ರದೇಶದಲ್ಲಿ ನಡೆದ ಸಭೆಯಲ್ಲಿ ಮಾತನಾಡುತ್ತಾ ಹೇಳಿದರು.
ದಶಕಗಳ ಸ್ವಾತಂತ್ರ್ಯದಿಂದ ಹಿಂದುಳಿದ ಸಮುದಾಯಗಳು ಪ್ರಯೋಜನ ಪಡೆದಿವೆಯೇ ಎಂದು ಅವರು ಪ್ರಶ್ನಿಸಿದರು. 2011 ರ ಜನಗಣತಿಯ ಪ್ರಕಾರ 4.1 ದಶಲಕ್ಷಕ್ಕೂ ಹೆಚ್ಚು ಜನಸಂಖ್ಯೆಯನ್ನು ಹೊಂದಿರುವ ಮಲಪ್ಪುರಂನಲ್ಲಿ ಶೇ.70ಕ್ಕಿಂತ ಹೆಚ್ಚು ಮುಸ್ಲಿಂ ಬಹುಮತವಿದೆ. ಜಿಲ್ಲೆಯ ಜನಸಂಖ್ಯೆಯಲ್ಲಿ ಕೇವಲ ಶೇ. 27.6 ರಷ್ಟು ಹಿಂದೂಗಳು ಅಲ್ಪಸಂಖ್ಯಾತರಾಗಿದ್ದಾರೆ. ಎಸ್‌ಎನ್ಸಿಪಿ ಈಳವ ಸಮುದಾಯವನ್ನು ಪ್ರತಿನಿಧಿಸುತ್ತದೆ. ಇದು ಕೇರಳದ ವಿವಿಧ ಭಾಗಗಳಲ್ಲಿ ಗಮನಾರ್ಹ ಉಪಸ್ಥಿತಿಯನ್ನು ಹೊಂದಿದೆ.