ಹಾವೇರಿ,ಜ.11-ಅನ್ಯಕೋಮಿನ ಮಹಿಳೆಯೊಬ್ಬಳು ಪುರುಷನೊಂದಿಗೆ ಇದ್ದಾಗ ಹೋಟೆಲ್‍ಗೆ ನುಗ್ಗಿದ್ದ ಆರು ಮಂದಿ ಅವರ ಮೇಲೆ ಹಲ್ಲೆ ನಡೆಸಿ ಅಪಹರಿಸಿದ ಘಟನೆ ಹಾನಗಲ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಕಳೆದ ಜ.8 ರಂದು ಮಧ್ಯಾಹ್ನ 1 ಗಂಟೆ ಸುಮಾರಿಗೆ ಹಾನಗಲ್‍ನ ಹತ್ತಿರವಿರುವ ಲಾರ್ಜ್‍ಯೊಂದಕ್ಕೆ ಬಂದಿದ್ದ ಸ್ನೇಹಿತ ಸೋಮಶೇಖರನನ್ನು ಭೇಟಿ ಮಾಡಲು ಸಂತ್ರಸ್ತ ಮಹಿಳೆ ಹೋಗಿದ್ದಾಗ ಸುಮಾರು ನಾಲ್ಕೈದು ಜನ ರೂಮ್ ಒಳಗೆ ಏಕಾಏಕಿ ನುಗ್ಗಿ ಹಲ್ಲೆ ನಡೆಸಿದ್ದಾರೆ.
ರಾಮಮಂದಿರ ಉದ್ಘಾಟನೆಯಲ್ಲಿ ಭಾಗಿಯಾಗಲಿದ್ದಾರೆ ಅಡ್ವಾಣಿ
ನಂತರ ನನ್ನ ಮೇಲೂ ಹಲ್ಲೆ ನಡೆಸಿ ಯಾವುದೋ ಬೈಕ್‍ನಲ್ಲಿ ಕೂರಿಸಿಕೊಂಡು ಸ್ವಲ್ಪದೂರ ಹೋಗಿ ಅಲ್ಲಿ ಕೋಲು ಬಡಿಗೆಯಿಂದ ನನಗೆ ಹೊಡೆದು ನಿನಗೆ ಹಿಂದು ಹುಡುಗ ಬೇಕಾ ಎಂದು ನಿಂದಿಸಿ, ನಿನ್ನನ್ನು ಸುಮ್ನೆ ಬಿಡುವುದಿಲ್ಲ ಎಂದು ಧಮ್ಕಿ ಹಾಕಿ ಸುಮಾರು 4 ಗಂಟೆಗೆ ನನಗೆ 500 ರೂ. ನೀಡಿ ಅಲ್ಲಿಂದ ಬಿಟ್ಟು ಹೋಗಿದ್ದಾರೆಂದು ಸಂತ್ರಸ್ತ ಮಹಿಳೆ ನೀಡಿರುವ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಆಕೆಯ ಮೇಲೆ ಲೈಂಗಿಕ ದೌರ್ಜನ್ಯ ನಡೆದಿದೆಯೆಂದು ಹೇಳಲಾಗುತ್ತಿದೆ.
ಈ ಘಟನೆಗೆ ಸಂಬಂಧಿಸಿದಂತೆ ಹಾನಗಲ್‍ನ ಅಪ್ತಾಬ್ ಮಹಬೂಲ ಅಹಮದ್ (24) ಮದ್ರಾಸಾಬ್ ಮಹಮ್ಮದ್‍ಸಿಕ್, ಮಂದಾಕಿ (23) ಸಮಿಉಲ್ಲಾ ಲಾಲಾವುರ್, ಮಹಮ್ಮದ್ ಸೈಪ್, ಇಸ್ಮಾಯಿಲ್ ಮತ್ತು ಮುಲ್‍ಪಿಡ್ ಮುಲಾಲ್ ಎಂಬುವವರನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.