ಸುಡಾನ್‌,ಸೆ.2-ದೇಶದ ಪಶ್ಚಿಮ ಭಾಗದ ಮರ್ರಾ ಪರ್ವತಗಳಲ್ಲಿ ಸಂಭವಿಸಿದ ಭೂಕುಸಿತದಲ್ಲಿ ಕನಿಷ್ಠ 1,000 ಜನರು ಸಾವನ್ನಪ್ಪಿದ್ದಾರೆ ಎಂದು ಬಂಡುಕೋರ ಗುಂಪು ತಿಳಿಸಿದೆ. ದಿನಗಟ್ಟಲೆ ಸುರಿದ ಭಾರೀ ಮಳೆಯಿಂದ ಭೂಕುಸಿತ ಸಂಭವಿಸಿದ್ದು, ತಾರಾಸಿನ್‌ ಗ್ರಾಮದ ಬಹುಭಾಗ ನೆಲಸಮವಾಗಿದೆ. ವಿಶ್ವಸಂಸ್ಥೆ ಮತ್ತು ಇತರ ಪ್ರಾದೇಶಿಕ ಮತ್ತು ಅಂತರರಾಷ್ಟ್ರೀಯ ಸಂಸ್ಥೆಗಳಿಂದ ಮಾನವೀಯ ಸಹಾಯಕ್ಕಾಗಿ ಮನವಿ ಮಾಡಿದೆ.
ಸುಡಾನ್‌ ಸೈನ್ಯ ಮತ್ತು ಅರೆಸೈನಿಕ ಕ್ಷಿಪ್ರ ಬೆಂಬಲ ಪಡೆಗಳು ನಡುವಿನ ಯುದ್ಧದ ನಂತರ, ಉತ್ತರ ಡಾರ್ಫರ್‌ ರಾಜ್ಯದ ಅನೇಕ ನಿವಾಸಿಗಳು ಮರ್ರಾ ಪರ್ವತ ಪ್ರದೇಶದಲ್ಲಿ ಆಶ್ರಯ ಪಡೆದಿದ್ದರು. ಡಾರ್ಫರ್‌ನ ಸೈನ್ಯದೊಂದಿಗೆ ಮೈತ್ರಿ ಮಾಡಿಕೊಂಡ ಗವರ್ನರ್‌ ಮಿನ್ನಿ ಮಿನ್ನಾವಿ, ಭೂಕುಸಿತವನ್ನು ಮಾನವೀಯ ದುರಂತ ಎಂದು ಕರೆದಿದ್ದಾರೆ.
ಸುಡಾನ್‌ ಸೈನ್ಯ ಮತ್ತು ಆರ್‌ಎಸ್‌‍ಎಫ್‌ ನಡುವೆ ಏಪ್ರಿಲ್‌ 2023 ರಲ್ಲಿ ಭುಗಿಲೆದ್ದ ಅಂತರ್ಯುದ್ಧವು ದೇಶವನ್ನು ಕ್ಷಾಮಕ್ಕೆ ದೂಡಿದೆ ಮತ್ತು ಪಶ್ಚಿಮ ಡಾರ್ಫರ್‌ ಪ್ರದೇಶದಲ್ಲಿ ನರಮೇಧದ ಆರೋಪಗಳಿಗೆ ಕಾರಣವಾಗಿದೆ.
ಅಂತರ್ಯುದ್ಧದಿಂದ ಸಾವನ್ನಪ್ಪಿದವರ ಸಂಖ್ಯೆ ಗಮನಾರ್ಹವಾಗಿ ಬದಲಾಗುತ್ತದೆ, ಆದರೆ ಕಳೆದ ವರ್ಷ ಅಮೆರಿಕದ ಅಧಿಕಾರಿಯೊಬ್ಬರು 2023 ರಲ್ಲಿ ಯುದ್ಧ ಪ್ರಾರಂಭವಾದಾಗಿನಿಂದ 150,000 ಜನರು ಸಾವನ್ನಪ್ಪಿದ್ದಾರೆ ಎಂದು ಅಂದಾಜಿಸಿದ್ದಾರೆ. ಸುಮಾರು 12 ಮಿಲಿಯನ್‌ ಜನರು ತಮ ಮನೆಗಳನ್ನು ತೊರೆದಿದ್ದಾರೆ.
- ಧರ್ಮಸ್ಥಳ ಪ್ರಕರಣವನ್ನು ಎನ್‌ಐಎಗೆ ವಹಿಸುವ ಅಗತ್ಯವಿಲ್ಲ : ಪರಮೇಶ್ವರ್
- ಟಿ20 ಕ್ರಿಕೆಟ್‌ಗೆ ಮಿಚೆಲ್‌ ಸ್ಟಾರ್ಕ್‌ ವಿದಾಯ
- ಶಾಸಕ ಪಪ್ಪಿ ಮನೆ ಮೇಲೆ ಮತ್ತೆ ಇಡಿ ದಾಳಿ
- ಕಿಚ್ಚ ಸುದೀಪ್‌ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳ ಹಾರೈಕೆ
- ಉದ್ಯಮಿ ಅಪಹರಿಸಿ ಜೀವ ಬೆದರಿಕೆ ಹಾಕಿ 3 ಲಕ್ಷ ರೂ. ಪಡೆದಿದ್ದ ನಾಲ್ವರು ರೌಡಿ ಸೇರಿ 6 ಮಂದಿ ಅರೆಸ್ಟ್