ಶ್ರೀನಗರ,ಮೇ 9- ಭಾರತ-ಪಾಕ್ ಮಧ್ಯೆ ಯುದ್ಧದ ಕಾರ್ಮೋಡ ಕವಿದಿದ್ದು, ಶುಕ್ರವಾರ ಮುಂಜಾನೆ ಜಮು ಮತ್ತು ಕಾಶೀರದಾದ್ಯಂತ ಡ್ರೋನ್‌ಗಳು ಮತ್ತು ಕ್ಷಿಪಣಿಗಳ ಮೂಲಕ ಭಾರತೀಯ ನೆಲೆಗಳನ್ನು ಗುರಿಯಾಗಿಸಲು ಪಾಕಿಸ್ತಾನ ವಿಫಲ ಪ್ರಯತ್ನ ಮಾಡಿದ ನಂತರ ಸರಣಿ ಸ್ಫೋಟಗಳು ಮತ್ತು ಸೈರನ್‌ಗಳು ಕೇಳಿಬರುತ್ತಿವೆ.
ನಸುಕಿನ ಜಾವ 3.50 ರಿಂದ 4.45 ರ ನಡುವೆ ಕೇಳಿದ ಸ್ಫೋಟಗಳಿಂದ ಜಮು ನಗರದ ಕೆಲವು ಭಾಗಗಳಲ್ಲಿ ಕತ್ತಲೆಯಾಗಿದ್ದು, ಆಕಾಶದಲ್ಲಿ ಮಿಲಿಟರಿ ಮಿಸ್ಟೆಲ್‌ಗಳು ಮಿಲಿಟರಿ ನೆಲೆಗಳ ಧಾವಿಸಿ ಬರುವುದು, ಕಂಡುಬಂದವು. ಭದ್ರತಾ ಪಡೆಗಳು ತ್ವರಿತವಾಗಿ ಪ್ರತಿಕ್ರಿಯಿಸಿ ಬೆದರಿಕೆಯನ್ನು ತಟಸ್ಥಗೊಳಿಸಿವೆ.
ರಕ್ಷಣಾ ಅಧಿಕಾರಿಗಳ ಪ್ರಕಾರ, ಪಾಕಿಸ್ತಾನ ಕಳೆದ ತಡರಾತ್ರಿ ಜಮು, ಪಠಾಣ್‌ಕೋಟ್‌, ಉಧಂಪುರ ಮತ್ತು ಇತರ ಪ್ರದೇಶಗಳಲ್ಲಿನ ಮಿಲಿಟರಿ ಸ್ಥಾಪನೆಗಳ ಮೇಲೆ ಸಂಘಟಿತ ಡ್ರೋನ್‌ ಮತ್ತು ಕ್ಷಿಪಣಿ ದಾಳಿಯನ್ನು ನಡೆಸಿವೆ. ಭಾರತೀಯ ಪಡೆಗಳು ವೈಮಾನಿಕ ಬೆದರಿಕೆಗಳನ್ನು ಯಶಸ್ವಿಯಾಗಿ ತಡೆದವು, ಒಳಬರುವ ಷಿಪಣಿ, ದ್ರೋಣ್‌ಗಳನ್ನು ಹೊಡೆದು ಹಾಕಿ ತಟಸ್ಥಗೊಳಿಸಿದಾಗ ಸ್ಫೋಟಗಳನ್ನು ತೋರಿಸುವ ವೀಡಿಯೊಗಳಿವೆ.
ಪ್ರತೀಕಾರವಾಗಿ ಪಾಕಿಸ್ತಾನಿ ಪಡೆಗಳು ನಿಯಂತ್ರಣ ರೇಖೆಯ (ಎಲ್‌ಒಸಿ) ಉದ್ದಕ್ಕೂ ತೀವ್ರವಾದ ಶೆಲ್‌ ದಾಳಿ ಮತ್ತು ಗುಂಡಿನ ದಾಳಿಯನ್ನು ಪ್ರಾರಂಭಿಸಿದವು, ಇದು ಜಮು ಮತ್ತು ಕಾಶೀರ ವಿಭಾಗಗಳೆರಡರಲ್ಲೂ ಬಹು ವಲಯಗಳ ಮೇಲೆ ಪರಿಣಾಮ ಬೀರಿತು.
ಬಾರಾಮುಲ್ಲಾ (ಉರಿ), ಕುಪ್ವಾರಾ (ಕನಾರ್‌, ತಂಗ್ಧರ್‌), ಬಂಡಿಪೋರಾ (ಗುರೆಜ್‌), ರಾಜೌರಿ ಮತ್ತು ಆರ್‌.ಎಸ್‌ ಪುರದಲ್ಲಿನ ನಾಗರಿಕ ಪ್ರದೇಶಗಳು ಮಾರ್ಟರ್‌ ಮತ್ತು ಫಿರಂಗಿ ಗುಂಡಿನ ದಾಳಿಗೆ ಒಳಗಾದವು.
ಉರಿಯ ಮೊಹುರಾ ಬಳಿ ಪಾಕಿಸ್ತಾನದ ಶೆಲ್‌ವೊಂದು ವಾಹನಕ್ಕೆ ಬಿದ್ದು ನರ್ಗಿಸ್‌ ಬೇಗಂ ಎಂಬ ಮಹಿಳೆ ಮೃತಪಟ್ಟಿದ್ದಾರೆ. ಹಫೀಜಾ ಎಂಬ ಮತ್ತೊಬ್ಬ ಮಹಿಳೆ ಗಾಯಗೊಂಡಿದ್ದು, ಪ್ರಸ್ತುತ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಭಾರತವು ಗಡಿಯುದ್ದಕ್ಕೂ ಭಯೋತ್ಪಾದಕ ಮೂಲಸೌಕರ್ಯವನ್ನು ಗುರಿಯಾಗಿಸಿಕೊಂಡು ನಿಖರವಾದ ಮಿಲಿಟರಿ ಕಾರ್ಯಾಚರಣೆಯಾದ ಆಪರೇಷನ್‌ ಸಿಂಧೂರ್‌ನ್ನು ಪ್ರಾರಂಭಿಸಿದ ನಂತರ ಈ ಉದ್ವಿಗ್ನತೆ ಉಂಟಾಗಿದೆ.
ಪಾಕಿಸ್ತಾನದ ಪ್ರತೀಕಾರದ ಆಕ್ರಮಣವು ಪ್ರಾದೇಶಿಕ ಅಸ್ಥಿರತೆಯನ್ನು ಇನ್ನಷ್ಟು ಹೆಚ್ಚಿಸಿದೆ. ಪೂಂಚ್‌ನಲ್ಲಿ ಕಾರ್ಯಾಚರಣೆಯ ನಂತರ, ಭಾರೀ ಶೆಲ್‌ ದಾಳಿಯು 13 ನಾಗರಿಕರು ಮತ್ತು ಯೋಧ ಸೇರಿದಂತೆ ಕನಿಷ್ಠ 14 ಜನರನ್ನು ಬಲಿ ತೆಗೆದುಕೊಂಡಿತು, 50 ಕ್ಕೂ ಹೆಚ್ಚು ಜನರು ಗಾಯಗೊಂಡರು. ನಿರಂತರ ಶೆಲ್‌ ದಾಳಿಯಿಂದಾಗಿ ನೂರಾರು ಜನರು ಗಡಿ ಹಳ್ಳಿಗಳಿಂದ ಸುರಕ್ಷಿತ ಪ್ರದೇಶಗಳಿಗೆ ಪಲಾಯನ ಮಾಡಬೇಕಾಯಿತು.