ಬಿಹಾರ, ಮೇ 30-ಆಪರೇಷನ್ ಸಿಂಧೂರ್ ಭಾರತದ ಬತ್ತಳಿಕೆಯಲ್ಲಿರುವ ಬಾಣ, ಭಯೋತ್ಪಾದನೆಯ ವಿರುದ್ಧದ ಹೋರಾಟ ಮುಗಿದಿಲ್ಲ, ಅಥವಾ ನಿಂತಿಲ್ಲ ಎಂದುಪ್ರಧಾನಿ ನರೇಂದ್ರ ಮೋದಿ ಸ್ಪಷ್ಟಪಡಿಸಿದ್ದಾರೆ. ಬಿಹಾರದ ಕರಕಟ್‌ನಲ್ಲಿ ನಡೆದ ಬೃಹತ್ ರ್ಯಾಲಿಯನ್ನುದ್ದೇಶಿಸಿ ಮಾತನಾಡಿದ ಅವರು ಭಯೋತ್ಪಾದನೆಯನ್ನು ಹಾವಿಗೆ ಹೋಲಿಸುತ್ತಾ, ಅದು ಮತ್ತೆ ತನ್ನ ಹಡೆ ಎತ್ತಿದರೆ, ಅದನ್ನು ಬಿಲದಿಂದ ಹೊರಗೆ ಎಳೆದು ತುಳಿಯಲಾಗುತ್ತದೆ ಎಂದು ಹೇಳಿದರು.
ಸುಮಾರು 50,000 ಕೋಟಿ ರೂ. ಮೌಲ್ಯದ ಅಭಿವೃದ್ಧಿ ಯೋಜನೆಗಳನ್ನು ಉದ್ಘಾಟಿಸಿದ ನಂತರ ಮೋದಿ ರಾಜ್ಯ ರಾಜಧಾನಿಯಿಂದ ಸುಮಾರು 140 ಕಿ.ಮೀ ದೂರದಲ್ಲಿರುವ ಕರಕಟ್‌ನಲ್ಲಿ ನಡೆದ ಬೃಹತ್ ರ್ಯಾಲಿಯನ್ನು ಉದ್ದೇಶಿಸಿ ಮಾತನಾಡುತ್ತಿದ್ದರು.
ಪಹಲ್ಯಾಮ್‌ನಲ್ಲಿ ನಡೆದ ಭೀಕರ ದಾಳಿಯ ಒಂದು ದಿನದ ನಂತರ ನಾನು ಬಿಹಾರಕ್ಕೆ ಬಂದಿದ್ದೆ, ಅಲ್ಲಿ ನಮ್ಮ ಅನೇಕ ಸಹೋದರಿಯರು ತಮ್ಮ ಗಂಡಂದಿರನ್ನು ಕಳೆದುಕೊಂಡರು. ಅಪರಾಧಿಗಳಿಗೆ ಅವರು ಕನಸಿನಲ್ಲಿಯೂ ಕಾಣದ ಶಿಕ್ಷೆಯನ್ನು ನೀಡಲಾಗುವುದು ಎಂದು ನಾನು ಭರವಸೆ ನೀಡಿದ್ದೆ. ಇಂದು, ನಾನು ಭರವಸೆಯನ್ನು ಈಡೇರಿಸಿದ ನಂತರ ಬಿಹಾರಕ್ಕೆ
ಮರಳಿದ್ದೇನೆ ಎಂದು ಹೇಳಿದರು.
ಭಾರತದ ಹೆಣ್ಣುಮಕ್ಕಳು ಧರಿಸುವ ಸಿಂಧೂರ (ಸಿಂಧೂರ)ದ ಶಕ್ತಿಯನ್ನು ಪಾಕಿಸ್ತಾನ ಮತ್ತು ಇಡೀ ಜಗತ್ತು ನೋಡಿದೆ. ಪಾಕಿಸ್ತಾನಿ ಸೈನ್ಯದ ರಕ್ಷಣೆಯಲ್ಲಿ ಭಯೋತ್ಪಾದಕರು ಸುರಕ್ಷಿತ ಭಾವನೆ ಹೊಂದಿದ್ದರು. ಆದರೆ ನಾವು ಅವರನ್ನು ಮೊಣಕಾಲೂರುವಂತೆ ಮಾಡಿದೆವು ಎಂದು ಮೋದಿ ಹೇಳಿದರು.
ಪಹಲ್ಲಾಮ್ ದಾಳಿಯ ಸೂತ್ರಧಾರಿಗಳಾಗಿದ್ದವರ ಅಡಗುತಾಣಗಳನ್ನು ಪಾಕಿಸ್ತಾನದಲ್ಲಿ ಕುಳಿತುಕೊಂಡು ಭಾರತೀಯ ಸಶಸ್ತ್ರ, ಪಡೆಗಳು ಧ್ವಂಸ ಮಾಡಿವೆ ಎಂದು ಪ್ರತಿಪಾದಿಸಿದರು. ನಾವು ಪಾಕಿಸ್ತಾನದ ವಾಯುನೆಲೆಗಳು ಮತ್ತು ಅವರ ಮಿಲಿಟರಿ ತಾಣ ಸಹ ನಾಶಪಡಿಸಿದ್ದೇವೆ. ಇದು ಹೊಸ ಭಾರತ ಮತ್ತು ಅದರ ಶಕ್ತಿ ಎಲ್ಲರೂ ನೋಡಲು ಇದೆ ಎಂದು ಪ್ರಧಾನಿ ಹೇಳಿದರು.
ಆಪರೇಷನ್ ಸಿಂಧೂರ್ ನಮ್ಮ ಬತ್ತಳಿಕೆಯಲ್ಲಿರುವ ಒಂದು ಬಾಣವಷ್ಟೇ ಎಂಬುದನ್ನು ಶತ್ರುಗಳು ಅರಿತುಕೊಳ್ಳಬೇಕು ಎಂದು ಮೋದಿ ಹೇಳಿದರು.
ಗಡಿ ಭದ್ರತಾ ಪಡೆಗೆ ಅಭಿನಂದನೆ ಸಲ್ಲಿಸಿದ ಪ್ರಧಾನಿ, ಭಾರತಿಯ ಮಾತೆಗೆ ಸೇವೆ ಬಿಎಸ್ಎಫ್ ಯೋಧರಿಗೆ ಅತ್ಯುನ್ನತವಾಗಿದೆ ಎಂದು ಹೇಳಿದರು. ನಮ್ಮ ಹೋರಾಟವು ದೇಶದ ಎಲ್ಲಾ ಶತ್ರುಗಳ ವಿರುದ್ಧವಾಗಿದೆ. ಅವರು ಗಡಿಯಾಚೆಗಿರಲಿ ಅಥವಾ ಒಳಗಿನಿಂದಾಗಿರಲಿ. ಹಿಂಸಾಚಾರ ಮತ್ತು ಅಶಾಂತಿಯನ್ನು ಹರಡುವವರ ವಿರುದ್ಧ ನಾವು ನಡೆಸುತ್ತಿರುವ ಕಾರ್ಯಾಚರಣೆಗೆ ಬಿಹಾರದ ಜನರು ಸಾಕ್ಷಿಯಾಗಿದ್ದಾರೆ ಎಂದು ಹೇಳಿದರು.
ಮುಖವಾಡಗಳನ್ನು ಧರಿಸಿ ಬಂದೂಕುಗಳನ್ನು ಹಿಡಿದು ನಕ್ಸಲರನ್ನು ಯಾವಾಗ ಮತ್ತು ಎಲ್ಲಿ ಎದುರಿಸುತ್ತೇವೆ ಎಂದು ತಿಳಿದಿರದ ಕಾರಣ ಜನರು ಬೀದಿಗಳಿಗೆ ಬರಲು ಹೆದರುತ್ತಿದ್ದರು. ನಕ್ಸಲ್ ಪೀಡಿತ ಹಳ್ಳಿಗಳಲ್ಲಿ ಆಸ್ಪತ್ರೆಗಳು ಅಥವಾ ಮೊಬೈಲ್ ಟವರ್ಗಗಳು ಇರಲಿಲ್ಲ.2014 ರಲ್ಲಿ ಅಧಿಕಾರಕ್ಕೆ ಬಂದ ನಂತರ, ಎನ್‌ಡಿಎ ಸರ್ಕಾರವು ಅಸ್ವಸ್ಥತೆಯನ್ನು ಪರಿಹರಿಸಲು ಮತ್ತು ಮಾವೋವಾದಿಗಳನ್ನು ತರಾಟೆಗೆ ತೆಗೆದುಕೊಳ್ಳಲು ಪ್ರಾರಂಭಿಸಿತು ಎಂದು ಮೋದಿ ಹೇಳಿದರು. ನಾವು ಜನರಿಗೆ ಮೂಲಭೂತ ಅವಶ್ಯಕತೆಗಳನ್ನು ಒದಗಿಸಿದ್ದೇವೆ. ನಾವು ಶ್ರಮಿಸುತ್ತಲೇ ಇರುತ್ತೇವೆ ಮತ್ತು ಪ್ರಯೋಜನಗಳು ಉದ್ದೇಶಿತ ಫಲಾನುಭವಿಗಳಲ್ಲಿ ನೂರರಷ್ಟು ಜನರಿಗೆ ತಲುಪುವಂತೆ ನೋಡಿಕೊಳ್ಳುತ್ತೇವೆ ಎಂದು ಅವರು ಹೇಳಿದರು.