ವಾಷಿಂಗ್ಟನ್‌, ಮೇ 24 (ಪಿಟಿಐ) ಪ್ರಧಾನಿ ನರೇಂದ್ರ ಮೋದಿ ಅವರು ವಿಶ್ವದಲ್ಲಿ ಭಾರತದ ಸ್ಥಾನವನ್ನು ಹೆಚ್ಚಿಸಿದ್ದಾರೆ ಮತ್ತು ವಲಸೆಗಾರರಿಗೆ ಹೊಸ ಗುರುತನ್ನು ನೀಡಿದ್ದಾರೆ ಎಂದು ಖ್ಯಾತ ಭಾರತೀಯ ಅಮೆರಿಕನ್‌ ಸಮುದಾಯದ ನಾಯಕರೊಬ್ಬರು ಹೇಳಿದ್ದಾರೆ. 2047 ರ ವೇಳೆಗೆ ಭಾರತವನ್ನು ಅಭಿವದ್ಧಿ ಹೊಂದಿದ ದೇಶವನ್ನಾಗಿ ಮಾಡುವ ಅವರ ಗುರಿಯಲ್ಲಿ ಜಾಗತಿಕ ಭಾರತೀಯ ಸಮುದಾಯ ಪಾಲುದಾರರಾಗಲು ಸಿದ್ಧವಾಗಿದೆ ಎಂದು ಪ್ರೇಮ್‌ ಭಂಡಾರಿ ತಿಳಿಸಿದ್ದಾರೆ.
ಕಳೆದ 10 ವರ್ಷಗಳಲ್ಲಿ, ಪ್ರಧಾನಿ ಮೋದಿಯವರ ನಾಯಕತ್ವದಲ್ಲಿ, ನಾವು 2030 ರ ಮೊದಲು ವಿಶ್ವದ ಮೂರನೇ ಅತಿದೊಡ್ಡ ಆರ್ಥಿಕತೆಯಾಗುವ ಹಾದಿಯಲ್ಲಿದ್ದೇವೆ. ಅವರು ಭಾರತೀಯ ಸಮುದಾಯದ ವಲೆಸೆಗಾರರಿಗೆ ಹೊಸ ಗುರುತನ್ನು ನೀಡಿದ್ದಾರೆ ಎಂದು ಭಂಡಾರಿ ಪಿಟಿಐಗೆ ತಿಳಿಸಿದರು.
ಜೈಪುರ್‌ ಫೂಟ್‌ನ ಯುಎಸ್‌‍ಎ ಮುಖ್ಯಸ್ಥರಾಗಿರುವ ಭಂಡಾರಿ, ರಾಜಸ್ಥಾನ್‌ ಅಸೋಸಿಯೇಷನ್‌ ಆಫ್‌ ನಾರ್ತ್‌ ಅಮೇರಿಕಾ ಅಧ್ಯಕ್ಷರಾಗಿದ್ದಾರೆ, ವಿಶೇಷವಾಗಿ ವೀಸಾ, ಪಾಸ್‌‍ಪೋರ್ಟ್‌ ಮತ್ತು ಪ್ರಯಾಣಕ್ಕೆ ಸಂಬಂಧಿಸಿದ ಸಂಕಷ್ಟದಲ್ಲಿರುವ ಜಾಗತಿಕ ಭಾರತೀಯ ವಲಸಿಗರಿಗೆ ಸಹಾಯ ಮಾಡಲು ಹೆಸರುವಾಸಿಯಾಗಿದ್ದಾರೆ.
2014 ರಿಂದ ವಲಸಿಗ ಭಾರತೀಯರನ್ನು ಪ್ರಪಂಚದಾದ್ಯಂತ ಗೌರವದಿಂದ ಕಾಣಲಾಗುತ್ತಿದೆ. ಉದಾಹರಣೆಗೆ, ಉಕ್ರೇನ್‌ನಲ್ಲಿನ ಬಿಕ್ಕಟ್ಟಿನ ಸಂದರ್ಭದಲ್ಲಿ, ಬಸ್‌‍ನಲ್ಲಿ ಭಾರತೀಯ ಧ್ವಜ ಹಾರಿಸಿದ್ದು ಗಡಿ ದಾಟಲು ಸುಲಭವಾಯಿತು. ಭಾರತೀಯ ಸಮುದಾಯವನ್ನು ವಿಶ್ವಾದ್ಯಂತ ಗಂಭೀರವಾಗಿ ಪರಿಗಣಿಸಲಾಗಿದೆ ಇದರ ಎಲ್ಲಾ ಕ್ರೆಡಿಟ್‌ ಪ್ರಧಾನಿ ಮೋದಿಗೆ ಸಲ್ಲುತ್ತದೆ ಎಂದು ಅವರು ಹೇಳಿದರು.
ವಲಸಿಗರು ಭಾರತಕ್ಕೆ ಪ್ರಯಾಣಿಸಿದಾಗ, ಅವರು ಭಾರತದಲ್ಲಿ ಎಲ್ಲಾ ಕ್ಷೇತ್ರಗಳಲ್ಲಿ ಅಗಾಧವಾದ ಅಭಿವದ್ಧಿ ಮತ್ತು ಪ್ರಗತಿಯನ್ನು ನೋಡುತ್ತಾರೆ ಎಂದು ಅವರು ಹೇಳಿದರು, ಕಳೆದ 10 ವರ್ಷಗಳಲ್ಲಿ ದೇಶವು ಮೂಲಸೌಕರ್ಯ, ರಸ್ತೆಗಳು, ಬುಲೆಟ್‌ ರೈಲುಗಳು ಅಥವಾ ಹೊಸ ಬೆಳವಣಿಗೆಗಳಂತಹ ಕ್ಷೇತ್ರದಲ್ಲಿ ಗಮನಾರ್ಹ ಪ್ರಗತಿಯನ್ನು ಕಂಡಿದೆ. ರಾಜಸ್ಥಾನದವನಾಗಿ, ಪ್ರಧಾನಿ ಮೋದಿಯವರ ನಾಯಕತ್ವದಲ್ಲಿ, ಯುನೈಟೆಡ್‌ ಸ್ಟೇಟ್‌್ಸನ ಕ್ಯಾಲಿಫೋರ್ನಿಯಾದಂತೆಯೇ ಸೌರಶಕ್ತಿ ಕ್ಷೇತ್ರದಲ್ಲಿ ರಾಜ್ಯವು ಅಭಿವದ್ಧಿ ಹೊಂದಲಿದೆ ಎಂದು ನಾನು ವಿಶ್ವಾಸದಿಂದ ಹೇಳಬಲ್ಲೆ ಎಂದು ಅವರು ಹೇಳಿದರು.