ನವದೆಹಲಿ,ಅ.16- ಹಿರಿಯ ಐಪಿಎಸ್‌ ಅಧಿಕಾರಿ ಪ್ರವೀಣ್‌ ವಸಿಷ್ಠ ಅವರನ್ನು ಗೃಹ ಸಚಿವಾಲಯದ ಹೊಸ ವಿಶೇಷ ಕಾರ್ಯದರ್ಶಿ (ಆಂತರಿಕ ಭದ್ರತೆ) ಯನ್ನಾಗಿ ನೇಮಿಸಲಾಗಿದೆ. ಬಿಹಾರ ಕೇಡರ್‌ನ 1991-ಬ್ಯಾಚ್‌ನ ಭಾರತೀಯ ಪೊಲೀಸ್‌ ಸೇವೆ (ಐಪಿಎಸ್‌) ಅಧಿಕಾರಿ ವಶಿಷ್ಟ ಅವರು ಪ್ರಸ್ತುತ ಗೃಹ ವ್ಯವಹಾರಗಳ ಸಚಿವಾಲಯದಲ್ಲಿ (ಎಂಎಚ್‌ಎ) ಹೆಚ್ಚುವರಿ ಕಾರ್ಯದರ್ಶಿಯಾಗಿದ್ದಾರೆ.
ಸಂಪುಟದ ನೇಮಕಾತಿ ಸಮಿತಿಯು ಹೆಚ್ಚುವರಿ ಕಾರ್ಯದರ್ಶಿಯಾಗಿ ವಸಿಷ್ಠ ಅವರ ಅಧಿಕಾರಾವಧಿಯನ್ನು ಮೊಟಕುಗೊಳಿಸಲು ಅನುಮೋದಿಸಿದೆ ಮತ್ತು 2024, ಡಿಸೆಂಬರ್‌ 31ರವರೆಗಿನ ಅವಧಿಗೆ ಗೃಹ ಸಚಿವಾಲಯದಲ್ಲಿ ವಿಶೇಷ ಕರ್ತವ್ಯದ ಅಧಿಕಾರಿಯಾಗಿ (ಒಎಸ್‌‍ಡಿ) ಅವರನ್ನು ವಿಶೇಷ ಪ್ರಕರಣವಾಗಿ ಅಲ್ಲ ಎಂದು ನೇಮಿಸಿದೆ. ಪೂರ್ವನಿದರ್ಶನವಾಗಿ ಉಲ್ಲೇಖಿಸಬಹುದು ಎಂದು ಸಿಬ್ಬಂದಿ ಸಚಿವಾಲಯ ಹೊರಡಿಸಿದ ಆದೇಶದಲ್ಲಿ ತಿಳಿಸಿದೆ.
ಡಿಸೆಂಬರ್‌ 31, 2024ರಂದು ಹಾಲಿ ಶಿವಗಾಮಿ ಸುಂದರಿನಂದಾರವರು ಅಧಿಕಾರ ವಹಿಸಿಕೊಂಡ ನಂತರ ಅವರು ವಿಶೇಷ ಕಾರ್ಯದರ್ಶಿಯಾಗಿ (ಆಂತರಿಕ ಭದ್ರತೆ) ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. ವಶಿಷ್ಠ ಅವರ ಅಧಿಕಾರಾವಧಿಯು ಜುಲೈ 31, 2026ರವರೆಗೆ ಇರುತ್ತದೆ ಎಂದು ಹೇಳಿದೆ.
ಎಂಎಚ್‌ಎನ ನಿರ್ಣಾಯಕ ಆಂತರಿಕ ಭದ್ರತಾ ವಿಭಾಗವು ಭಯೋತ್ಪಾದಕರು ಮತ್ತು ಮಾವೋವಾದಿಗಳಿಂದ ಹೊರಹೊಮುವ ಬೆದರಿಕೆಗಳನ್ನು ವಿಶ್ಲೇಷಿಸುವುದರ ಜೊತೆಗೆ ಗುಪ್ತಚರ ಬ್ಯೂರೋ (ಐಬಿ)ಗೆ ಸಂಬಂಧಿಸಿದ ಪೊಲೀಸ್‌, ಕಾನೂನು ಮತ್ತು ಸುವ್ಯವಸ್ಥೆ, ಆಡಳಿತ ಮತ್ತು ಹಣಕಾಸಿನ ವಿಷಯಗಳೊಂದಿಗೆ ವ್ಯವಹರಿಸುತ್ತದೆ.