ನವದೆಹಲಿ,ಡಿ.16- ಯುಪಿಎ ಆಡಳಿತದಲ್ಲಿ 2008 ರಲ್ಲಿ ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಅವರಿಗೆ ಕಳುಹಿಸಲಾದ ಭಾರತದ ಮೊದಲ ಪ್ರಧಾನಿ ಜವಾಹರಲಾಲ್‌ ನೆಹರು ಅವರು ಬರೆದ ವೈಯಕ್ತಿಕ ಪತ್ರಗಳನ್ನು ಹಿಂದಿರುಗಿಸುವಂತೆ ಪ್ರಧಾನ ಮಂತ್ರಿಗಳ ವಸ್ತುಸಂಗ್ರಹಾಲಯ ಮತ್ತು ಗ್ರಂಥಾಲಯ (ಪಿಎಂಎಂಎಲ್‌) ಔಪಚಾರಿಕವಾಗಿ ವಿನಂತಿಸಿ ಕೊಂಡಿದೆ.
ಡಿಸೆಂಬರ್‌ 10 ರಂದು ಪಿಎಂಎಂಎಲ್‌ ಸದಸ್ಯ ರಿಜ್ವಾನ್‌ ಕದ್ರಿ ಅವರು ಕಾಂಗ್ರೆಸ್ ಸಂಸದ ರಾಹುಲ್‌ ಗಾಂಧಿಗೆ ಪತ್ರ ಬರೆದಿದ್ದು, ಸೋನಿಯಾ ಗಾಂಧಿಯವರ ಮೂಲ ಪತ್ರಗಳನ್ನು ಹಿಂಪಡೆಯುವಂತೆ ಅಥವಾ ಫೋಟೋಕಾಪಿಗಳು ಅಥವಾ ಡಿಜಿಟಲ್ ಪ್ರತಿಗಳನ್ನು ಒದಗಿಸುವಂತೆ ಒತ್ತಾಯಿಸಿದ್ದಾರೆ. ಇದು ಸೆಪ್ಟೆಂಬರ್‌ನಲ್ಲಿ ಸೋನಿಯಾ ಗಾಂಧಿಗೆ ಮಾಡಿದ ಇದೇ ರೀತಿಯ ವಿನಂತಿ ಮಾಡಿಕೊಳ್ಳಲಾಗಿತ್ತು.
ಅಗಾಧವಾದ ಐತಿಹಾಸಿಕ ಪ್ರಾಮುಖ್ಯತೆ ಎಂದು ಪರಿಗಣಿಸಲಾದ ಪತ್ರಗಳನ್ನು ಆರಂಭದಲ್ಲಿ 1971 ರಲ್ಲಿ ಜವಾಹರಲಾಲ್‌ ನೆಹರು ಸಾರಕದಿಂದ ನೆಹರು ಸಾರಕ ವಸ್ತುಸಂಗ್ರಹಾಲಯ ಮತ್ತು ಗ್ರಂಥಾಲಯಕ್ಕೆ ವಹಿಸಲಾಯಿತು. ಆದಾಗ್ಯೂ, ಅವುಗಳನ್ನು 51 ಪೆಟ್ಟಿಗೆಗಳಲ್ಲಿ ಪ್ಯಾಕ್‌ ಮಾಡಿ 2008 ರಲ್ಲಿ ಸೋನಿಯಾ ಗಾಂಧಿಗೆ ಕಳುಹಿಸಲಾಗಿದೆ ಎಂದು ವರದಿಯಾಗಿದೆ.
ಸಂಗ್ರಹಣೆಯಲ್ಲಿ ನೆಹರೂ ಮತ್ತು ಪ್ರಮುಖ ವ್ಯಕ್ತಿಗಳಾದ ಎಡ್ವಿನಾ ಮೌಂಟ್‌ಬ್ಯಾಟನ್‌, ಆಲ್ಬರ್ಟ್‌ ಐನ್‌ಸ್ಟೈನ್‌, ಜಯಪ್ರಕಾಶ್‌ ನಾರಾಯಣ್‌, ಪದಜಾ ನಾಯ್ಡು, ವಿಜಯ ಲಕ್ಷಿ ಪಂಡಿತ್‌, ಅರುಣಾ ಅಸಫ್‌ ಅಲಿ, ಬಾಬು ಜಗಜೀವನ್‌ ರಾಮ್‌ ಮತ್ತು ಗೋವಿಂದ್‌ ಬಲ್ಲಭ್‌ ಪಂತ್‌ ಅವರ ನಡುವಿನ ಪತ್ರವ್ಯವಹಾರಗಳು ಸೇರಿವೆ.
ಗಾಂಧಿ ವಂಶಸ್ಥರಿಗೆ ಬರೆದ ಪತ್ರದಲ್ಲಿ, ಕದ್ರಿ ಅವರು ನೆಹರು ಅವರ ಖಾಸಗಿ ಪತ್ರಗಳನ್ನು 1971 ರಿಂದ ಪಿಎಂಎಂಎಲ್‌ಗೆ ಅವರ ಪುತ್ರಿ ಮತ್ತು ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರು ಸಂಪೂರ್ಣ ಉಡುಗೊರೆಗಿಂತ ಹೆಚ್ಚಾಗಿ ಸುರಕ್ಷಿತವಾಗಿರಿಸಲು ನೀಡಿದ್ದಾರೆ ಎಂದು ಉಲ್ಲೇಖಿಸಿದ್ದಾರೆ.
2008ರ ಸಭೆಯ ನಡಾವಳಿಗಳನ್ನು ಉಲ್ಲೇಖಿಸಿ, ಸೋನಿಯಾ ಗಾಂಧಿ ಅವರು ದೇಣಿಗೆ ನೀಡಿದ ಕಾಗದಗಳ 51 ರಟ್ಟಿನ ಪೆಟ್ಟಿಗೆಗಳನ್ನು ತೆಗೆದುಕೊಂಡು ಹೋಗಿದ್ದಾರೆ ಎಂದು ಉಲ್ಲೇಖಿಸಿದ್ದಾರೆ. ಈ ದಾಖಲೆಗಳು ನೆಹರೂ ಕುಟುಂಬಕ್ಕೆ ವೈಯಕ್ತಿಕ ಪ್ರಾಮುಖ್ಯತೆಯನ್ನು ಹೊಂದಿರಬಹುದು ಎಂದು ನಾವು ಅರ್ಥಮಾಡಿಕೊಂಡಿದ್ದೇವೆ ಎಂದು ಅವರು ಹೇಳಿದ್ದಾರೆ.