ಮುಂಬೈ,ಜೂ.13- ತಮ್ಮ ಮನೆಯ ಮೇಲೆ ಗುಂಡಿನ ದಾಳಿ ನಡೆಸಿದವರನ್ನು ನಾನು ನೋಡಿಲ್ಲ ಎಂದು ಬಾಲಿವುಡ್‌ ನಟ ಸಲ್ಮಾನ್ ಖಾನ್‌ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕಳೆದ ಏ.14ರಂದು ನನ್ನ ಮನೆಯ ಮೇಲೆ ಅಪರಿಚಿತರು ಗುಂಡು ಹಾರಿಸಿದಾಗ ನಾನು ಇನ್ನು ನಿದ್ರೆಯಲ್ಲಿದ್ದೆ ಶಬ್ದ ಕೇಳಿ ಹೊರ ಬಂದು ನೋಡಿದಾಗ ಗುಂಡಿನ ಗುರುತು ಪತ್ತೆಯಾಯ್ತೆ ಹೊರತು ಗುಂಡು ಹಾರಿಸಿದವರು ಕಾಣಿಸಲಿಲ್ಲ ಎಂದು ಅವರು ತಿಳಿಸಿದ್ದಾರೆ.
ಘಟನೆಯ ಹಿಂದಿನ ರಾತ್ರಿ ಪಾರ್ಟಿಯ ನಂತರ ತಡವಾಗಿ ಮಲಗಿದ್ದೆ ಎಂದು ಸಲ್ಮಾನ್ ಖಾನ್‌ ತಮ್ಮ ಹೇಳಿಕೆಯಲ್ಲಿ ಪೊಲೀಸರಿಗೆ ತಿಳಿಸಿದ್ದಾರೆ. ನಂತರ ತನ್ನ ಬಾಲ್ಕನಿಯಲ್ಲಿ ಗುಂಡು ತಗುಲಿದ ಶಬ್ದವು ಎಚ್ಚರಗೊಳಿಸಿತು ಬಾಲ್ಕನಿಗೆ ಹೋಗಿ ನೋಡಿದಾಗ ಗುಂಡು ಹಾರಿಸಿದವರು ಕಾಣಿಸಲಿಲ್ಲ ಎಂದು ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
ಗುಂಡಿನ ದಾಳಿಯ ಸಮಯದಲ್ಲಿ ತನ್ನ ಜುಹು ನಿವಾಸದಲ್ಲಿದ್ದ ಅರ್ಬಾಜ್‌ ಖಾನ್‌ ಅವರು ಲಾರೆನ್ಸ್ ಬಿಷ್ಣೋಯ್‌ ಗ್ಯಾಂಗ್‌ನಿಂದ ತನ್ನ ಸಹೋದರನಿಗೆ ಹಿಂದಿನ ಬೆದರಿಕೆಗಳ ಬಗ್ಗೆ ತಿಳಿದಿತ್ತು ಎಂದು ಹೇಳಿದರು.
ಸಲಾನ್‌ ಖಾನ್‌ ಅವರ ಹೇಳಿಕೆಯನ್ನು ಮೂರು ಗಂಟೆಗಳ ಕಾಲ ದಾಖಲಿಸಲಾಯಿತು ಮತ್ತು ಅವರ ಸಹೋದರನನ್ನು ಎರಡು ಗಂಟೆಗಳ ಕಾಲ ವಿಚಾರಣೆ ನಡೆಸಲಾಯಿತು. ಸಹೋದರರಿಗೆ 150ಕ್ಕೂ ಹೆಚ್ಚು ಪ್ರಶ್ನೆಗಳನ್ನು ಕೇಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಗುಂಡಿನ ದಾಳಿ ನಡೆದಾಗ ಅವರ ತಂದೆ ಸಲೀಂ ಖಾನ್‌ ಸಹ ಬಾಂದ್ರಾ ಅಪಾರ್ಟ್‌ಮೆಂಟ್‌ನಲ್ಲಿದ್ದರು ಆದರೆ ಅವರ ವಯಸ್ಸಿನ ಕಾರಣ ಅವರ ಹೇಳಿಕೆಯನ್ನು ದಾಖಲಿಸಲಾಗಿಲ್ಲ. ಮೂಲಗಳ ಪ್ರಕಾರ ಅಪರಾಧ ದಳ ಅಗತ್ಯಬಿದ್ದರೆ ಆತನ ಹೇಳಿಕೆಯನ್ನು ದಾಖಲಿಸಿಕೊಳ್ಳಲಾಗುವುದು ಎಂದು ತಿಳಿದುಬಂದಿದೆ.
ಏಪ್ರಿಲ್‌ 14 ರಂದು ಸಲಾನ್‌ ಖಾನ್‌ ಅವರ ಮನೆಯ ಹೊರಗೆ ಬೈಕ್‌ನಲ್ಲಿ ಬಂದ ಇಬ್ಬರು ವ್ಯಕ್ತಿಗಳು ಗುಂಡು ಹಾರಿಸಿದ ನಂತರ ಆರು ಜನರನ್ನು ಬಂಧಿಸಲಾಗಿದೆ. ವಿಕ್ಕಿ ಗುಪ್ತಾ ಮತ್ತು ಸಾಗರ್‌ ಪಾಲ್‌ ಅವರನ್ನು ಗುಜರಾತ್‌ನಲ್ಲಿ ಬಂಧಿಸಲಾಯಿತು, ಆದರೆ ಅನುಜ್‌ ಥಾಪನ್‌ ಮತ್ತು ಇನ್ನೊಬ್ಬ ವ್ಯಕ್ತಿಯನ್ನು ಪಂಜಾಬ್‌ನಲ್ಲಿ ಏಪ್ರಿಲ್‌ 26 ರಂದು ಬಂಧಿಸಲಾಯಿತು. ಅನುಜ್‌ ಥಾಪನ್‌ ಪೊಲೀಸ್ ವಶದಲ್ಲಿದ್ದಾಗಲೆ ಸಾವನ್ನಪ್ಪಿದರು.
ಪೊಲೀಸರ ಪ್ರಕಾರ, ಲಾರೆನ್ಸ್ ಬಿಷ್ಣೋಯ್‌ ಗ್ಯಾಂಗ್‌ ಮಹಾರಾಷ್ಟ್ರದ ಪನ್ವೇಲ್‌ನಲ್ಲಿ ಸಲಾನ್‌ ಖಾನ್‌ ಅವರ ಕಾರಿಗೆ ಹೊಡೆಯಲು ಸಂಚು ರೂಪಿಸಿದ್ದರು ಅಲ್ಲಿ ಅವರು ಫಾರ್ಮ್‌ಹೌಸ್‌ ಅನ್ನು ಹೊಂದಿದ್ದಾರೆ ಪಾಕಿಸ್ತಾನಿ ಶಸ್ತ್ರಾಸ್ತ್ರ ಪೂರೈಕೆದಾರರಿಂದ ಬಂದ ಶಸಾ್ತ್ರಸ್ತ್ರಗಳೊಂದಿಗೆ ಶಸ್ತ್ರಸಜ್ಜಿತರಾಗಿದ್ದರು ಎನ್ನಲಾಗಿದೆ.
ಜೈಲಿನಲ್ಲಿರುವ ದರೋಡೆಕೋರ ಲಾರೆನ್ಸ್ ಬಿಷ್ಣೋಯ್‌ ಕೆನಡಾ ಮೂಲದ ತನ್ನ ಸೋದರಸಂಬಂಧಿ ಅನೋಲ್‌ ಬಿಷ್ಣೋಯ್‌ ಮತ್ತು ಸಹವರ್ತಿ ಗೋಲ್ಡಿ ಬ್ರಾರ್‌ ಜೊತೆಗೆ ಪಾಕಿಸ್ತಾನಿ ಶಸ್ತ್ರಾಸ್ತ್ರ ವ್ಯಾಪಾರಿಯಿಂದ ಎಕೆ-47 ಮತ್ತಿತರ ಉನ್ನತ-ಕ್ಯಾಲಿಬರ್‌ ಶಸಾ್ತ್ರಸ್ತ್ರಗಳನ್ನು ಪಡೆದಿದ್ದಾರೆ ಎಂದು ವರದಿಯಾಗಿದೆ. ಸ್ಟಾರ್‌ನ ಕಾರಿಗೆ ಹೊಂಚು ಹಾಕುವುದು ಅಥವಾ ಅವರ ತೋಟದ ಮನೆಯ ಮೇಲೆ ದಾಳಿ ಮಾಡುವುದು ಯೋಜನೆಯಾಗಿತ್ತು ಎಂದು ಮೂಲಗಳು ತಿಳಿಸಿವೆ.